Baby Bag

რამდენად უსაფრთხოა მარწყვი ბავშვებისათვის და როდიდან უნდა დავაწყებინოთ პატარებს მისი მიღება

რამდენად უსაფრთხოა მარწყვი ბავშვებისათვის და როდიდან უნდა დავაწყებინოთ პატარებს მისი მიღება
გამოჩნდება თუ არა მარწყვი დახლებზე, პატარები მის დაგემოვნებას ითხოვენ. მნიშვნელოვანია, მშობელმა იცოდეს, რა ასაკიდან შეიძლება ბავშვისთვის კენკრის მიცემა და რა რაოდენობით.

კენკრა, მათ შორის მარწყვი, ვიტამინებისა და მინერალების წყაროა. მარწყვი არ ითვლება ძლიერალერგიულ პროდუქტად. თუმცა მასში პესტიციდების მაღალი შემცველობის გამო, ჯანდაცვის მსოფლიო ორგანიზაციამ მარწყვი ერთ-ერთ საშიშ პროდუქტად დაასახელა. ექიმების რეკომენდაციით, მარწყვის მიცემა 2-3 წლამდე ასაკის ბავშვებში უნდა შეიზღუდოს.
ნებისმიერი ახალი პროდუქტის, მათ შორის, ხილის დამატებისას შესაძლებელია განვითარდეს ალერგიული რეაქცია. პირველ ჯერზე ბავშვს შესთავაზეთ მცირე ულუფებით, ერთი-ორი ცალი ნაყოფიც საკმარისია. მცირე ულუფების შეთავაზება დაახლოებით 2-3 დღე უნდა გაგრძელდეს.

როგორ უნდა ამოიცნოს მშობელმა, თუ ამა თუ იმ ხილმა რაიმე ალერგია ან სხვა სახის უკურეაქცია მისცა ბავშვს და როგორ უნდა მოიქცეს ამ შემთხვევაში? 

ალერგიის სიმპტომებია:

ფაღარათი, გამონაყარი, ღებინება, შეშუპება... თუ ხილის მიცემისას ასეთი ნიშნები ვლინდება, დაუკავშირდით ექიმს.

მომზადებულია https://www.healthline.com-ის მიხედვით

შეიძლება დაინტერესდეთ

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

რატომ უნდა ამოიღოს მშობელმა კატეგორიულად შვილის კვების რაციონიდან შაქარი და რა უარყოფით შედეგებამდე შეიძლება, მიიყვანოს მოზარდი ტკბილეულისკენ მიდრეკილებამ - ამის შესახებ ,,რადიო ფორტუნასთან" საუბრისას პედიატრმა, ანა მაღრაძემ განმარტა.

,,ტერმინი ,,გასინჯვა" უკვე არასწორია, რადგან ბავშვთა კვება არის ერთ-ერთი მთავარი და უმნიშვნელოვანესი საფეხური ჩვენთვის, პედიატრებისთვის და ბავშვებისთვის. სწორედ  სწორ კვებას ეფუძნება ბავშვის ჯანმრთელობა, მისი სწორი ფიზიუკრი და გონებრივი განვითარება. შესაბამისად, ნებისმიერი საკვები ინგრედიენტი ბავშვის კვების რაციონში შეგვაქვს გარკვეული ასაკობრივი კატეგორიის მიხედვით.

მაწონი არის ძალიან სასარგებლო და უნიკალური პროდუქტი, რაც ქართველებს გვაქვს. თუმცა, მისი ადრეული ასაკიდანვე დაწყება, რა თქმა უნდა, ბავშვისთვის არასასურველია. ეს არის ცოცხალი პროდუქტი, რომელიც შეიცავს ისეთ ბაქტერიებს, რომლებიც ჩვენს ნაწლავურ მიკროფლორაში იწვევენ დუღილის პროცესს. მისი გადადამუშავებელი ფრმენტები ერთ წლამდე ასაკის ბავშვებს, ფაქტობრივად, არ აქვთ. 

პირველი კვება, როგორც წესი, იწყება ან მარცვლეულის ფაფით ან, გამონაკლის შემთხვევებში, ბოსტნეულის პიურით. რა თქმა უნდა, შემდგომ უკვე ვამატებთ ხილს, ოღონდ ყველაფერი ერთად, ცხადია, არ უნდა შევიტანოთ ბავშვის საკვებ მენიუში, არამედ - სათითაოდ, მინიმუმ, რამდენიმეკვირიანი ინტერვალებით.  თვითონ მარცვლეულის ფაფასაც ვაძლევთ სათითაოდ, სხვადასხვა სახეობას, რათა, აუტანლობის ან ალერგიის შემთხვევაში, მარტივად შევძლოთ დიფერენცირება.

ფაფების დატკბობა არავითარ შემთხვევაში არ შეიძლება. ზოგადად, შაქარი და მარილი არის ორი ყველაზე მავნე პროდუქტი, რაც კაცობრიობას გააჩნია. მშობლებს კატეგორიულად ვაფრთხილებ ხოლმე, მინიმუმ 5 წლამდე ბავშვმა საერთოდ არც კი უნდა იცოდეს, რა არის ტკბილეული. ვაძლევთ მხოლოდ მარცვეულის ფაფას, თავიდან - ურძეოს და შემდგომ, ნელ-ნელა შემოგვაქვს რძიანი. არანაირი შაქრის დანამატი არც ფაფაში და არც შემდეგ სხვა საკვებში არ უნდა იყოს. ორ წლამდე ტკბილეულს კატეგორიულად ვკრძალავთ. შაქრის რაოდენობა, რაც საკვებ რაციონში უნდა შედიოდეს, არის 30, მაქსიმუმ 40 გრამი. ამაზე მეტი შაქარი არ უნდა მიიღოს ბავშვმა, ის არანაირ ტკბილეულს არ უნდა იღებდეს - არანაირ ტკბილ სითხეს, არანაირ ტკბილ საკვებს. მათ შორის, ოჯახში გამომცხვარი ორცხობილებიც არ უნდა შეიცავდეს შაქარს. არომატისთვის ხშრად ვურჩევ ხოლმე, გამოიყენონ ცოცხალი ხილი. 

შაქარი, ზოგადად, ძალიან ბევრ რაიმეს აზიანებს. ის ორგანიზმში არღვევს მეტაბოლიზმს, იწყება ინსულინალური აპარატის გადატვირთვა, გამოფიტვა, რაც განაპირობებს დიაბეტს, ბავშვობის ასაკში შეიძლება - იყოს სიმსუქნის წინაპირობა, ბავშვთა ასაკში განვითარებული ჭარბი წონა მოზრდილ ასაკში სწორედ დიაბეტის განვითარების პირობებს ქმნის", - აღნიშნავს ანა მაღრაძე.


წყარო: ,,​რადიო ფორტუნა"

წაიკითხეთ სრულად