Baby Bag

რა შედეგები აჩვენა Microsoft Teams-ის ათდღიანმა სტატისტიკამ?

რა შედეგები აჩვენა Microsoft Teams-ის ათდღიანმა სტატისტიკამ?

Microsoft Teams-ის ათდღიანი სტატისტიკის მიხედვით გამოყენების მაჩვენებელი 9 556 %-ით არის გაზრდილი - აღნიშნულის შესახებ ინფორმაციას განათლების მართვის საინფორმაციო სისტემა emis ავრცელებს. 

20 მარტის მონაცემებით Office 365-ში აქტიური იუზერების რაოდენობა 82 694-ია. პორტალის აქტივობის მაჩვენებლის ინფორმაციაზე დაყრდნობით, Microsoft Teams-ში მომხარებელთა აქტივობა (ონლაინ შეხვედრები, გაკვეთილები, ჩეთი, მესიჯები და ა.შ.) 9 556 % -ით გაზრდილია.

პროგრამა Teams-ში 78 ათასი ახალი მომხმარებელი დარეგისტრირდა, 10 დღის წინ აღნიშნული პროგრამით მხოლოდ 750 აქტიური იუზერი სარგებლობდა. ამ დროის მონაცემებით, პროგრამით სულ 109 352 ადამიანი სარგებლობს.

20 მარტის მონაცემებით, ელ. ფოსტის აქტიური მომხმარებელთა რაოდენობა არის 10 218. ხოლო, წინა კვირას დარეგისტრირდა 7 500 უნიკალური იუზერი.

OneDrive-ში ამ დროისთვის რეგისტრირებულია 7 227 მომხმარებელი. წინა კვირას პროგრამაში იყო 500 იუზერი.

ასევე ნახეთ 👇

სისტემაში და MICROSOFT TEAMS-ში შესვლის დეტალური ვიდეო ინსტრუქციები

ეტაპები, რომელიც უნდა გაიაროს მასწავლებელმა MICROSOFT OFFICE 365-ის პროდუქტების მისაღებად

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.


შეიძლება დაინტერესდეთ

რა სახის შეღავათს მიიღებენ მასწავლებლები და მოსწავლეები 2021-2022 სასწავლო წლის განმავლობაში?

რა სახის შეღავათს მიიღებენ მასწავლებლები და მოსწავლეები 2021-2022 სასწავლო წლის განმავლობაში?

საქართველოს განათლებისა და მეცნიერების სამინისტროსა და საქართველოში მოქმედ სამ მობილურ ოპერატორს – შპს „მაგთიკომს“, შპს „ვიონ საქართველოსა“ და სს „სილქნეტს“ შორის ურთიერთთანამშრომლობის მემორანდუმი გაფორმდა, რომლის ფარგლებში საჯარო და კერძო სკოლების მოსწავლეები და მასწავლებლები 2021-2022 სასწავლო წლის განმავლობაშიც შეღავათიანი მობილური ინტერნეტ პაკეტით სარგებლობას შეძლებენ.

პანდემიის პირობებში დისტანციური სწავლების ხელმისაწვდომობის უზრუნველყოფის მიზნით, მემორანდუმი ითვალისწინებს ინტერნეტ პროვაიდერების მიერ მოსწავლეებისა და მასწავლებლებისთვის 20GB მაღალხარისხიანი მობილური ინტერნეტ პაკეტის 10 ლარად შეთავაზებას, რაც სტანდარტულ ღირებულებასთან შედარებით 2,5-ჯერ ნაკლებია. აღსანიშნავია, რომ დარგის სპეციალისტების რეკომენდაციის თანახმად 20GB ინტერნეტი სრულიად საკმარისია ერთი თვის განმავლობაში ონლაინ გაკვეთილებზე დასწრებისა და შესაბამისი რესურსების მოძიებისთვის.

სამინისტროს მხრიდან მემორანდუმს ხელი მინისტრის პირველმა მოადგილე ეკატერინე დგებუაძემ მოაწერა, ხოლო მობილური ოპერატორებიდან: შპს „მაგთიკომის“ გენერალური დირექტორის მოადგილე ზურაბ ზარიძემ, შპს „ვიონ საქართველოს“ იურიდიული სამსახურის უფროსმა ირაკლი ესართიამ და სს „სილქნეტის“ კორპორატიული გაყიდვების დეპარტამენტის ხელმძღვანელმა მალხაზ ჟორჟიკაშვილმა.

ეკატერინე დგებუაძემ გლობალური პანდემიის პირობებში საჯარო და კერძო სექტორებს შორის თანამშრომლობის მნიშვნელობას გაუსვა ხაზი და მადლობა გადაუხადა მობილური ოპერატორების წარმომადგენლებს მხარდაჭერისთვის. როგორც ეკატერინე დგებუაძემ აღნიშნა, სოლიდარობის თვალსაჩინო მაგალითს წარმოადგენს ის სოციალური პასუხისმგებლობა, რომელიც „სილქნეტმა“, „მაგთიკომმა“ და „ვიონი საქართველომ“ განათლების სფეროს მიმართ გამოიჩინეს.

შეღავათიანი ინტერნეტ პაკეტით სარგებლობისთვის საჯარო და კერძო სკოლების მასწავლებლებმა და მოსწავლეთა მშობლებმა (ან ოჯახის წევრებმა), საჭიროა სსიპ განათლების მართვის საინფორმაციო სისტემის (EMIS) მიერ საგანგებოდ შექმნილ პლატფორმაზე – www.mobile.emis.ge, მოსწავლის ან მასწავლებლის პირადი ნომრის მითითებით, დაარეგისტრირონ ტელეფონის ის ნომრები, რომლებზეც სურთ, გაუაქტიურდეთ აღნიშნული პაკეტი. პაკეტის მოქმედების ვადა განისაზღვრება 30 დღით, ვადის ამოწურვის შემდეგ გამოუყენებელი მეგაბაიტები ნულდება. ვებგვერდი www.mobile.emis.ge 15 სექტემბრიდან ამოქმედდება.

წაიკითხეთ სრულად