Baby Bag

„კოვიდის დროს 73 %-მდე ხდება თირკმლის გართულებები. ეს დადგენილი სტატისტიკაა,“ - ექიმი-უროლოგი გიორგი ბოჭორიშვილი

„კოვიდის დროს 73 %-მდე ხდება თირკმლის გართულებები. ეს დადგენილი სტატისტიკაა,“ - ექიმი-უროლოგი გიორგი ბოჭორიშვილი

ექიმმა-უროლოგმა გიორგი ბოჭორიშვილმა კოვიდ 19-ით გამოწვეული უროლოგიური გართულებების შესახებ ისაუბრა. მისი თქმით, კოვიდი ძალიან ვერაგი დაავადებაა და მედიკოსებისთვის ის კვლავ ძალიან რთულ პრობლემად რჩება:

​კოვიდი ძალიან რთული პრობლემაა, ძალიან ვერაგი დაავადებაა. თავისი მიმდინარეობის ერთ-ერთი განმსაზღვრელი გახლავთ ანგიოტენზინ გარდამქმნელი ენზიმი 2, რომელიც არის ბევრ სხვადასხვა ორგანოში. სწორედ ამ ენზიმის დაზიანებით აღწევს ვირუსი ორგანიზმში. ვირუსი ენზიმის დაზიანებით შედის უჯრედში, აზიანებს უჯრედს. ანგიოტენზინ გარდამქმნელი ენზიმი 2 აწესრიგებს არტერიულ წნევას, ებრძვის ინფექციას, აუმჯობესებს შეხორცებას. ეს ენზიმი ჭარბი რაოდენობით არის ფილტვებში, გულში, ნაწლავებში, სისხლძარღვებში. პრაქტიკულად ორგანო არ არის, რომ ეს არ ჭარბობდეს. ეს ენზიმი 2 განსაკუთრებით აქვთ იმ ადამიანებს, ვისაც აქვს დიაბეტი, მაღალი არტერიული წნევა, გულის დაავადებები.“

გიორგი ბოჭორიშვილის თქმით, ადამიანებს, რომლებსაც კრეატინი მომატებული აქვთ, კოვიდის შემთხვევაში მეტი საფრთხე ემუქრებათ:

„როდესაც მომატებულია კრეატინი,​ ეს ჯგუფი ძალიან დიდი ხიფათის შემცველია კოვიდის შემთხვევაში. თუ კოვიდ დისტრესი განვითარდა, შესაძლებელია თირკმლის მწვავე უკმარისობა განვითარდეს. რა არის თირკმლის მწვავე უკმარისობა? ეს არის კრეატინის მომატება, რომელიც აუცილებლად საჭიროებს გადაუდებელ დახმარებას, ისეთს, როგორიც არის დიალიზი. მისი მეშვეობით ხდება სისხლის გაწმენდა, ცხოველმყოფელობის შენარჩუნება ადამიანის.“

გიორგი ბოჭორიშვილმა აღნიშნა, რომ კოვიდის დროს 73 % -მდე ხდება თირკმლის გართულებები:

„კოვიდის დროს 73 % - მდე ხდება თირკმლის გართულებები. ეს დადგენილი სტატისტიკაა. ​სიმსივნეები ხომ ვერ შეჩერდება, სიმსივნეები ხომ არსებობს. ბევრია დაავადებული შარდსასქესო სისტემის სიმსივნეებით. აღმოჩნდა, რომ ამათი ოპერაციები უაღრესად დაცულ საოპერაციოებში უნდა გაკეთდეს. 20 % -მდე იზრდება სიკვდილიანობა, თუ ამას არ გააკეთებ. ეს ძალიან პრობლემური თემაა.“

„უროლოგიურ პრობლემებს სეზონურობა, რასაკვირველია, ახასიათებს. რამდენიმე დღის წინ თოვლი რომ მოვიდა, ტრავმატოლოგიური დაწესებულებები გავსებული იყო. მოიმატა საყოფაცხოვრებო ტრავმამ, საავტომობილო ტრავმებმა. სიცივეში უფრო ჭარბობს საშარდე სისტემის ინფექცია, რომელიც უხშირესად უფრო ქალებში ვითარდება. ​რამდენიმე შემთხვევაა აღწერილი კოვიდის დროს ე.წ. კოვიდური ცისტიტის. ძალიან საინტერესო ცვლილებებს ნახულობენ თვითონ შარდის ბუშტის კედელში. ეს გარედან არანაირად არ ჩანს. ბაზალური მემბრანის დაზიანება ხდება. ამ პაციენტების შარდში კოვიდის რიბონუკლეინის მჟავა ვერ აღმოაჩინეს. არც სხვა ინფექცია იყო რამე, მაგრამ გამოვლინება ჰქონდა ერთ-ერთი ძალიან მძიმე დაავადების - ინტერსტიციური ცისტიტის. მისი მსგავსი გამოვლინება აქვს სწორედ ამას,“ - გიორგი ბოჭორიშვილმა აღნიშნულ თემაზე Euronews Georgia-ს გადაცემაში „გამარჯობა ევროპა“ ისაუბრა.

წყარო:​ Euronews Georgia

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, „ფასდაკლებები დედებისთვის“ (ჯგუფში გასაწევრიანებლად ნახეთ ბმული - „ფასდაკლებები დედებისთვის“)

,,ექიმების ვარაუდით, კოვიდინფექცია ზოგიერთი სიმსივნის დროს მავნე კი არა, პირიქით, სასარგებ...
​ექიმი რეზიდენტი გიორგი ღოღობერიძე ონკოლოგიურ პაციენტზე კორონას დადებით გავლენაზე საუბრობს. ,,მაქვს ძალიან კარგი სიახლე. ინფორმაცია დიდი ბრიტანეთის ონკოლოგებმა გაავრცელეს. მათი აზრით, კოვიდინფექც...

შეიძლება დაინტერესდეთ

„ბავშვი რომ ცუდად იქცევა, ეს შეიძლება განპირობებული იყოს იმით, რომ ჩვენ ხშირად მის კარგ საქციელზე არანაირ რეაგირებას არ ვაკეთებთ,“ - მაია ხერხეულიძე

„ბავშვი რომ ცუდად იქცევა, ეს შეიძლება განპირობებული იყოს იმით, რომ ჩვენ ხშირად მის კარგ საქციელზე არანაირ რეაგირებას არ ვაკეთებთ,“ - მაია ხერხეულიძე

პედიატრმა მაია ხერხეულიძემ ერთიდან სამ წლამდე ასაკის ბავშვებში ტირილის და ჭირვეულობის ხშირი გამოვლენის მიზეზებზე ისაუბრა. მისი თქმით, ერთი წლის ასაკში ბავშვის ემოციური განვითარება წინ უსრებს მისი მეტყველების განვითარებას, რის გამოც ის ზოგჯერ აგრესიული ხდება:

​ერთი წლიდან სამ წლამდე ტირილის შემთხვევები საკმაოდ ხშირია. ერთი წლის ასაკში ხშირად ამბობენ ხოლმე: „ყველაფერზე ტირის.“ ეს გასაგებია, იმიტომ, რომ მეტყველება ჯერ ისე არ არის ჩამოყალიბებული. ამ ასაკში ემოციის განვითარება წინ უსწრებს მეტყველების განვითარებას. ბავშვს ემოციები აქვს, მაგრამ ამას მეტყველებით ვერ გამოხატავს. ამას ვეძახით კიდეც ერთი წლის კრიზისს. შესაძლებელია, ამ პერიოდში ბავშვი რაღაცებს აგრესიით გამოხატავდეს.“

მაია ხერხეულიძემ აღნიშნა, რომ ორი წლის შემდეგ ბავშვებს პიროვნული „მე“ უჩნდებათ, რის გამოც ისინი ჯიუტები ხდებიან:

„შემდეგი პერიოდი არის ორწლინახევრიდან სამ წლამდე, ​როდესაც შემოდის პიროვნული „მე.“ თუ აქამდე ბავშვი თავის თავზე ლაპარაკობდა მესამე პირში, რაღაცებს ასე არ ითხოვდა, უცებ შემოვიდა პიროვნული „მე.“ ბავშვმა აღიქვა თავისი თავი, როგორც პიროვნება. ის ითხოვს, რომ ყველაფერი თვითონ გააკეთოს. ამ დროს იწყება პირველადი სიჯიუტის პერიოდი. ბავშვს უნდა, რომ ყველაფერი გაკეთდეს ისე, როგორც მას უნდა. ხშირ შემთხვევაში თავისი სურვილები რომ შეისრულოს, არამხოლოდ ტირილით, ისტერიული შეტევითაც გამოხატავს ამას. შეიძლება ის ძირს დაეცეს, ფეხები აბაკუნოს.“

მაია ხერხეულიძის თქმით, მშობელმა ოჯახში წესები უნდა დააწესოს, რომელიც ბავშვის გარდა ოჯახის ყველა სხვა წევრმაც უნდა შეასრულოს:

„მშობელმა, პირველ რიგში, უნდა დააწესოს წესები ოჯახში, თუ რა წესებს უნდა ექვემდებარებოდეს ოჯახის ყველა წევრი. ეს წესები აუცილებლად ყველამ უნდა შეასრულოს. ხშირად ასე ხდება ხოლმე, რომ მშობლები ბავშვს არ აძლევენ რაღაცის უფლებას, ბებია და ბაბუა კი პირიქით. ბავშვი იბნევა. ვერ ხვდება, რატომ არის, რომ რაღაც ვიღაცასთან შეიძლება, ვიღაცასთან არ შეიძლება. წესს უნდა დაექვემდებაროს აბსოლუტურად ყველა. ​ისტერიულ შეტევას სჭირდება იგნორირება. რაღაცნაირად სიმშვიდე უნდა შევინარჩუნოთ. როდესაც ბავშვი გაჩერდება, აუცილებლად უნდა მოეხვიოთ, უნდა უთხრათ, რომ ძალიან გიყვართ. მშობელმა ბავშვს უნდა უთხრას, რომ ყველაფერს შეუსრულებს, მაგრამ ასეთ საქციელს არ დაუშვებს.“

„ბავშვი რომ ცუდად იქცევა, ეს შეიძლება განპირობებული იყოს იმით, რომ ჩვენ ხშირად მის კარგ საქციელზე საერთოდ არანაირ რეაგირებას არ ვაკეთებთ. ჩვენ მხოლოდ ცუდ საქციელზე ვაკეთებთ რეაგირებას. ზოგჯერ ბავშვი ცუდად იქცევა იმიტომ, რომ მშობლის ყურადღება მან სხვანაირად ვერ მიიპყრო. მხოლოდ მაშინ აქცევს მშობელი ყურადღებას, როდესაც ის ასე იქცევა. ​წავახალისოთ ბავშვის ყველა კარგი საქციელი, ჩავეხუტოთ, ტაში დავუკრათ. ის ცდილობს, რომ მშობლის ყურადღება მაქსიმალურად მიიპყროს, ამიტომ ის ეცდება, რომ კარგად მოიქცეს,“ - აღნიშნულ საკითხებზე მაია ხერხეულიძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად