Baby Bag

​როგორ უნდა იკვებოს ორსულმა? - მეან-გინეკოლოგის რეკომენდაციები

​როგორ უნდა იკვებოს ორსულმა? - მეან-გინეკოლოგის რეკომენდაციები

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. როგორ უნდა იკვებოს ორსულმა? - დღეს მეან-გინეკოლოგი და ქირურგი ეკა ბუკია ამ თემაზე მოგაწვდით კომპეტენტურ ინფორმაციას. 

ჯანსაღი საკვები წარმოადგენს აუცილებელ პირობას ორსულის ყოველდღიური რაციონისთვის. ჯანმრთელი და დაბალანსებული საკვები მოგცემთ საშუალებას, რომ თქვენ და თქვენი ნაყოფი იყოთ უზრუნველყოფილი ორსულობის განმავლობაში.

​საკვები, რომლითაც იკვებებით, წარმოადგენს თქვენი ნაყოფის ძირითად საკვებ პროდუქტს, ამიტომ აუცილებელია მიიღოთ ყველა საჭირო პროდუქტი.

​„უნდა იკვებოთ ორის მაგივრად“ - ეს გამონათქვამი ამ სიზუტით და პირდაპირი მნიშვნელობით არ უნდა აღიქვათ. რეალურად თქვენ და ნაყოფს გჭირდებათ მეტი მიკრონუტრიენტი და მაკრონუტრიენტი.

​მიკრონუტრიენტი - ეს არის დიეტური კომპონენტი, როგორიცაა ვიტამინები და მინერალები.

​მაკრონუტრიენტები - ეს საკვები ნივთიერებებია, რომლებიც უზრუნველყოფენ ორგანიზმს კალორიებითა და ენერგიით. ვსაუბრობთ ნახშირწყლებზე, ცილებსა და ცხიმებზე.

​ამ მოთხოვნილებების დაკმაყოფილება შესაძლებელია შესაბამისი საკვების მიღებით, როგორებიცაა:

  • ცილები
  • ნახშირწყლები
  • ომეგა -3
  • ვიტამინები და მინერალები

​რა უნდა მივირთვათ და რა რაოდენობით?

​პირველ ტრიმესტრში უნდა იკვებოთ ჩვეულებრივად, მეორე ტრიმესტრში დღიურად 350 კალორიით მეტი, მესამე ტრიმესტრში კი დღიურად უნდა მიიღოთ 450 კალორიით მეტი. მიიღეთ ხილი, ბოსტენული და ცილები როგორებიცაა - ქათამი, თევზი.

​ცილები
- მათ აქვთ გადამწყვეტი მნიშვნელობა ნაყოფის ზრდა-განვითარებაში, უზრუნველყოფენ ნაყოფის ქსოვილებისა და ორგანოების სწორ განვითარებას. დღიურად უნდა მიიღოთ 70-100გრ. ცილა. ცილის შემცველ პროდუქტებს მიეკუთვნება:

  • საქონლის ხორცი
  • ქათამი
  • ორაგული
  • თხილეული
  • არაქისის კარაქი
  • ხაჭო

​კალციუმი
- ხელს უწყობს ნაყოფის ძვლების გამაგრებას.

​ორსულს სჭირდება 1000 მგ. კალცი დღიურად. ორსულობის გარკვეულ ვადებზე დაგჭრდებათ მისი მიღება მედიკამენტის სახით.

​კალციუმის შემცველი პროდუქტებია:

  • რძე
  • იოგურტი
  • ყველი
  • თევზი
  • კრევეტები
  • თინუსი

​ფოლატები
- ცნობილი, როგორც ​ფოლიუმის მჟავა. იგი მნიშვნელოვან როლს ასრულებს ნაყოფის ნერვული სისტემის ჩამოყალიბებაში. ორსულობის 12 კვ. ვადამდე ფოლიმუს მჟავა აუცილებლად უნდა მიიღოთ მედიკამენტის სახით. ორსულობის დანარჩენ მანძილზე კი საკვები პროდუქტებით, როგორებიცაა:

  • ღვიძლი
  • თხილეული
  • არაქისი
  • კვერცხი
  • ხილი და ბოსტენული
  • მარცვლეული
  • ლობიო

​რკინა
- მნიშვნელოვან როლს ასრულებს ორგანიზმისთვის ჟანბადის მიწოდებაში. დღიურად 27 მგ. რკინას უნდა იღებდეთ. მას მიიღებთ ისეთი საკვებიდან, როგორებიცაა:

  • ციტრუსები
  • ბოსტნეული
  • საქონლის ხორცი
  • ლობიო
  • კვერცხი
  • ქათამი

​ზემოთ ჩამოთვლილ საკვებ მინერალებთან ერთად აუცილებელია წყლის ზომიერი რაოდენობით მიღება.
 

​გისურვებთ ჯანმრთელობას!
რამდენი უნდა მოვიმატოთ ორსულობის განმავლობაში? - გენეკოლოგი ორსულობისას წონის მატებისა და...
დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. ამჯერად მეან-გინეკოლოგი და ქირურგი ეკა ბუკია მოგაწვდით კომპეტენტურ ინფორმაციას ორსულ...

შეიძლება დაინტერესდეთ

რა დროს არის შესაძლებელი, ქალმა ვერ გაიგოს საკუთარი ორსულობის შესახებ?

რა დროს არის შესაძლებელი, ქალმა ვერ გაიგოს საკუთარი ორსულობის შესახებ?

შესაძლებელია თუ არა, ქალი იყოს ორსულად და მან ამის შესახებ არ იცოდეს? - საკითხის შესახებ ექიმმა რეპროდუქტოლოგმა, მანანა მგალობლიშვილმა ,,იმედის დღის" ეთერში სტუმრობისას ისაუბრა.

,,დიახ, შესაძლებელია, ქალმა ვერ გაიგოს, რომ არის ორსულად. მსგავსი შემთხვევა ჩემს პრაქტიკაში ყოფილა ორჯერ - ერთი იყო თბილისში და მეორე - ზუგდიდში. ჩემთან მოვიდა ქალი, რომელმაც არ იცოდა ორსულობის შესახებ, იყო 8 თვის. შეაწუხა სიმძიმემ, მუცლის ტკივილმა. გავუკეთეთ ექოსკოპია და ველოდით ყველაფერს, გარდა იმისა, რომ ნორმალური, ჯანმრთელი, 8 თვის ბავშვი დაგვხვდებოდა. მეორე შემთხვევას რაც შეეხება - უბრალოდ, ქალს ჰქონდა ციკლის გადაცდენები თვეობით, ამიტომ ვერ მიხვდა. ამასთან, ჰქონდა უშვილობა, დაახლოებით 3-4 წლის მანძილზე და ამ პრობლემის გამო მოგვმართა სწორედ. ისიც 8 თვის ორსული იყო.

ჩემს ბავშვობაში გამიგია ,,ფსიქოლოგიური ორსულობა", რაც ნიშნავს, რომ ქალს იმდენად უნდა - იყოს ორსულად, რომ მუცელიც კი ეზრდება. ადრე, ექოსკოპია რომ არ არსებობდა, ქალები ჩვეულებრივ მიდიოდნენ 9 თვემდე. ხვდებოდნენ იმით, რომ ციკლი უწყებოდათ. 

არსებობს ობიექტური მიზეზები იმისა,  ქალი ვერ მიხვდეს, რომ ის არის ორსულად. მაგალითად, ქალებმა, რომლებსაც ისედაც აქვთ თვეობით ციკლის გადაცდენები, იციან  ამ პრობლემის შესახებ და ფიქრობენ, რომ არის მორიგი გადაცდენა. გარდა ამისა, ვისაც ჭარბი წონისკენ აქვს მიდრეკილება - მოიმატა წონაში და მიაჩნია, რომ მუცელიც წონაში მატების გამო გაეზარდა. როდესაც 20 კვირის ვადაზე მუცელში ბავშვი გამოძრავდება, ქალისთვის ესეც კი არ არის უტყუარი ნიშანი ორსულობისა - შესაძლოა, ის მაინც ვერ მიხვდეს. ძალიან ბევრი სუბიექტური შეგრძნებაა, რომელიც შეიძლება, ორსულს ჰქონდეს. გამორიცხულია, ორსულობის დროს ქალს ჰქონდეს მენსტრუაცია, მაგრამ არსებობს სისხლდენის შემთხვევები", - განმარტავს მანანა მგალობლიშვილი.

წყარო: ,​,იმედის დღე"


წაიკითხეთ სრულად