Baby Bag

პაპილომა ვირუსი ორსულობის დროს

პაპილომა ვირუსი ორსულობის დროს

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. მეან-გინეკოლოგი და ქირურგი ეკა ბუკია ორსულობის დროს პაპილომა ვირუსზე მოგაწვდით კომპეტენტურ ინფორმაციას.

პიპილომა ვირუსი ფართოდ გავცელებული დაავადებაა სქესობრივი გზით გადამდებ დაავადებებს შორის. პაპილომა ვირუსის წინააღმდეგ ვაქცინაცია არ არის რეკომენდირებული ორსულ ქალებში.

რა არის პაპილომა ვირუსი ? ( HPV-ვირუსი)

პაპილომა ვირუსით ინფიცირება ხდება ორალური, ანალური და ვაგინალური სქესობრივი აქტის დროს. არსებობს 150 მდე HPV-ვირუსის ტიპი. უმეტესობა მათგანი უსიმპტომოდ მიმდინარეობს და არ იწვევს არანაირ ჩივილებს. 40-მდე შტამს შეუძლია დააზიანოს სასქესო ორგანოები და გამოიწვიოს შემდეგი ორგანოების წვეტიანი კონდილოები ან კიბო:

  • საშვილოსნოს ყელი
  • საშო
  • ვულვა
  • ასო
  • ანუსი
საშვილოსნოს ყელის კიბოს პრევენციის მიზნით შექმნილია ვაქცინა HPV-ვირუსის საწინააღმდეგოდ, რომელიც გამიზნულია საშვილოსნოს ყელის კიბოს გამომწვევ პაპილომა ვირუსის კონკრეტულ შტამებზე. თუმცა ზემოთ აღნიშნული ვაქცინაცია არ არის რეკომენდირებული უშუალოდ ორსულობის დროს, ვინაიდან პაპილომა ვირუსი ორსულობის დროს არ იწვევს გართულებებს, თუმცა არსებობს იშვიათ შემთხვევები, რომლებზეც ქვემოთ ვისაუბრებთ.
რა სიმტომები ახასიათებს HPV-ვირუსს?

შესაძლებელია არანაირი სიმპტომი არ გაწუხებდეთ. ყველაზე ხშირი სიმპტომია მეჭეჭებისა და წვეტიანი კონდილომების გაჩენა. წვეტიანი კონდილომები ქალებში ჩნდება ვულვაზე, საშოში, საშვილოსნოს ყელზე, ანუსზე. რაც შეეხება მეჭეჭებს, ძირითადად ვითარდება ხელის მტევნებსა და იდაყვებზე.

ავთვისებიანობის გამოსარიცხად ტარდება პაპილომა ვირურის ტიპირება. ავთვისებიანობის შემთხვევაში თავიდან დაავადება მიმდინარეობს უსიმპტომოდ, შემდეგ კი იწყება:

  • ანომალური სისხლდენა საშოდან
  • ჭარბი სისხლიანი გამონადენი საშოდან, რომელიც არ უკავშირდება მენსტრუალურ ციკლს
  • გამონადენი საშოდან, რომელიც შეიცავს სისხლის ნაწილაკებს
  • მტკივნეული სექსუალური აქტი
როგორ ხდება პაპილომა ვირუსის დიაგნოსტირება ორსულობის დროს?

მეან-გინეკოლოგების უმეტესობა არ ატარებს პაპილომა ვირუსის ტესტირებას ორსულობისას, თუ ორსულს არ აღენიშნება წვეტიანი კონდილომები და მეჭეჭები, ან პაპ ტესტის პასუხში არ ფიქსირდება HPV-ვირუსი.

როგორია პაპილომა ვირუსის მკურნალობა ორსულობის დროს?

ამ ეტაპზე პაპილომა ვირუსის სამკურნალო მედიკამენტი არ არსებობს. მკურნალობა მიმართულია მხოლოდ სიმპტომების ალაგებაზე. შესაძლებელია მეჭეჭებისა და კონდილომების მოყინვა თხევადი აზოტით - კრიოდესტრუქცია, ან მოწვა - ელექტროკაუტერიზაცია.

ახდენს თუ არა წვეტიანი კონდილომები გავლენას მშობიარობაზე?

წვეტიანი კონდილომები ძირითადად შემთხვევაში არ ავლენენ გავლენას ფიზიოლოგიურ მშობიარობაზე, თუმცა თუ კონდილომები ორსულობის განმავლობაში იზრდება დიდ ზომებამდე და არის სისხლმდენი, ამ შემთხვევაში შესაძლოა, გადაწყდეს მშობიარობის დასრულება საკეისრო კვეთის გზით.

შესაძლებელია თუ არა პაპილომა ვირუსით ნაყოფის ინფიცირება?

იშვიათ შემთხვევაში შესაძლებელია ნაყოფი დაინფიცირდეს მშობიარობის დროს, უმეტეს შემთხვევაში არანაირი მკურნალობა ახალშობილს არ უტარდება.
რთულ შემთხვევებში წვეტიანი კონდილომები შეიძლება ახალშობილს გაუჩნდეს ხორხზე და სახმო იოგებზე. მკურნალობა მიმართულია წარმონაქმნის ქირურგიულ ამოკვეთაზე.

გისურვებთ ჯანმრთელობას!


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუ​ფი“)

შეიძლება დაინტერესდეთ

ტოპ 10 საკვები პროდუქტი, რომლებიც წონაში სწრაფად მატებას იწვევს

ტოპ 10 საკვები პროდუქტი, რომლებიც წონაში სწრაფად მატებას იწვევს

მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. ამჯერად ენდოკრინოლოგ-ნუტრიციოლოგი თინათინ კაჭარავა ტოპ 10 საკვებ პროდუქტზე მოგაწვდით ინფორმაციას, რომლებიც წონაში სწრაფად მატებას იწვევენ.

ჭარბი წონა და სიმსუქნე ყოველდღიურად უფრო მეტი და მეტი ადამიანის პრობლემა ხდება. დღეს ჩამოვთვალოთ ჯანმრთელობისთვის საზიანო ის 10 პროდუქტი, რომლებიც იწვევენ კილოგრამების სწრაფ მატებას.

  • ნაღების კარაქი - შეიცავს 60-70% „ცუდ“ ცხიმებს. კარაქიანი პური ერთ-ერთი ყველაზე მავნებელი პროდუქტია ორგანიზმისთვის.
  • მაიონეზი - არ შეიცავს არც ერთ სასარგებლო ნივთიერებას, დამატებული აქვს სინთეზური დანამატები, რომლებიც ხანგრძლივად რჩება ჩვენს ორგანიზმში.
  • ჩიფსი - შეიცავს ძალიან დიდი რაოდენობით მარილს და ცხიმს, რომლებიც ძალიან საზიანოა გულ-სისხლძარღვთა სისტემისთვის.
  • შემწვარი ხორცი - შეიცავს დაახლოებით 30-40% ცხიმს, რაც მავნებელია ორგანიზმისთვის.
  • ტკბილეულები, პურ-ფუნთუშეული - დიდი რაოდენობით შაქრის შემცველობის გამო მავნებელია ორგანიზმისთვის, ასევე ისინი შეიცავს დიდი ოდენობით საფუარს, რაც ზედმეტი კილოგრამების დაგროვების წინაპირობაა.
  • ცხიმიანი რძის ნაწარმი - ცხიმის მაღალი შემცველობის გამო იწვევს წონის სწრაფ მატებას.
  • ძეხვეული და სოსისი - დიდი რაოდენობით ცხიმთან ერთად შეიცავს მარილს, სოიოს, სპეციალურ სუნელებს.
  • ტკბილი გაზიანი სასმელები - ორგანიზმის ერთ-ერთი ყველაზე დიდი მტერი, შეიცავს შაქარს განუზომელი რაოდენობით და დიდი წვლილი მიუძღვის წონის მატებაში.
  • შემწვარი კარტოფილი - დღის მანძილზე 1 თეფში შემწვარი კარტოფილი უდრის მომატებულ კილოგრამებს თქვენი ორგანიზმისთვის.
  • ალკოჰოლი - ანელებს მეტაბოლიზმს, ასეთ დროს ჩერდება ცხიმების წვა, ხდება კუნთური მასიდან ენერგიის გამოყენება, შედეგად კი მცირდება კუნთური მასა და იმატებს ორგანიზმში ცხიმის შემცველობა.

​ბოლოს ხაზგასმით უნდა აღვიშნოთ, რომ წონის მატება შეიძლება გამოიწვიოს ნებისმიერმა პროდუქტმა, თუ მას გამოვიყენებთ განუზომელი რაოდენობით. უნდა გვახსოვდეს, რომ ორგანიზმის ყველაზე დიდი მტერი არის „ფასტფუდი“ (სწრაფი კვება) და ტკბილი გაზიანი სასმელები, რომლებიც იწვევს წონის მომენტალურ მატებას!

​გისურვებთ ჯანმრთელობას!


​ენდოკრინოლოგ-ნუტრიციოლოგი თინათინ კაჭარავა

    წაიკითხეთ სრულად