Baby Bag

„ზღვაზე ბავშვების დასვენება მიზანშეწონილია მაის-ივნისსა და სექტემბერ-ოქტომბერში,“ - პედიატრი ცოტნე ბესელია

„ზღვაზე ბავშვების დასვენება მიზანშეწონილია მაის-ივნისსა და სექტემბერ-ოქტომბერში,“ - პედიატრი ცოტნე ბესელია
ვიდეო პოსტები

​პედიატრმა ცოტნე ბესელიამ ბავშვების დასვენებისთვის საუკეთესო კლიმატური კურორტების შესახებ ისაუბრა. მან აღნიშნა, რომ ჩვილებისთვის დაბალი მთის კლიმატური კურორტებია კარგი:

„ჩვილებისთვის არის ძალიან კარგი დაბალი მთის კლიმატური კურორტები, მაგალითად, წყნეთი. ძალიან კარგია ბორჯომი, სურამი. რაც შეეხება საშუალო მთის კლიმატურ კურორტებს, აქ ჩვილობის ასაკიდან როდესაც გადის ბავშვი, მთელი ბავშვობის პერიოდში შეიძლება დაისვენოს ბავშვმა. აქ შედის ბაკურიანი, ცემი, წაღვერი, აბასთუმანი. ბახმარო არის მაღალი მთის კლიმატური კურორტი, რომელიც მდებარეობს 2000 კილომეტრზე ზევით. ​ასეთი მაღალი მთის კლიმატური კურორტები ბავშვებისთვის მიზანშეწონილი არ არის, მაგრამ ბახმაროს ეს არ ეხება. ეს არის უნიკალური ადგილი, სადაც შეზავებულია მთის და ზღვის ჰავა. ის შავი ზღვიდან არის 25 კილომეტრზე დაშორებული, ამიტომ ეს არბილებს ბახმაროს კლიმატს. თითქმის ყველა ბავშვი ბახმაროს ძალიან კარგად იტანს. მათ ჯანმრთელობაზე ეს ძალიან დადებითად აისახება.“

ცოტნე ბესელიას თქმით, ზღვაზე დასვენების საუკეთესო პერიოდი ბავშვებისთვის მაის-ივნისი და სექტემბერ-ოქტომბერია:

„ზღვის კლიმატი არის რბილი. ჩვენთან ზღვაზე არის პერიოდები, როდესაც არის ძალიან მაღალი ტენიანობა და მაღალი ტემპერატურა. ზღვაზე ბავშვების დასვენება მიზანშეწონილია მაის-ივნისსა და სექტემბერ-ოქტომბერში. ივლისსა და აგვისტოში ზღვაზე ბავშვების დასვენება მიზანშეწონილი არ არის. ამ პერიოდში, ივლისსა და ​აგვისტოში ზღვაზე დიდებიც ვერ ვისვენებთ ხოლმე კარგად ისე ცხელა.“

„როდესაც ზღვაზე ბევრი ბავშვი მოიყრის თავს, არის საშიშროება იმის, რომ ერთმანეთს გადასდონ ინფექციები. სხვათა შორის, ეს მთის კურორტებსაც ეხება. ქართველებს ასეთი რაღაც გვახასიათებს, ​ამოვიჩემებთ რაღაც ერთ კურორტს და დავდივართ იქ. ასე არ ვქნათ ხოლმე, გადავნაწილდეთ. ბაკურიანი გადის საშუალო მთის კლიმატურ კურორტში. ნახეთ, რამდენი სხვა კურორტია აქ. აქ არის ბაკურიანი, წაღვერი, ცემი, აბასთუმანი. ჯერ მთაში უნდა დაისვენოს ბავშვმა, მერე ზღვაზე. ეს არის ეფექტიანი. მთაში ჟანგბადის შემცველობა უფრო ნაკლებია. ამ დროს ორგანიზმი მიმართულია დაბალი შემცველობის ჟანგბადის პირობებში ჰაერიდან ჟანგბადის უკეთ შეთვისებისკენ. ამის შემდეგ ზღვაზე რომ ჩამოვდივართ, აქ ჟანგბადის შემცველობა გაცილებით მაღალია, მაგრამ რამდენად კარგად  არის მომზადებული ორგანიზმი მთის შემდეგ იმისთვის, რომ ჰაერიდან ჟანგბადი უკეთ შეითვისოს. ამიტომაც არის ეფექტიანი მთის შემდეგ ზღვაზე დასვენება,“ - აღნიშნულ საკითხზე ცოტნე ბესელიამ ტელეკომპანია „იმედის“ გადაცემაში „იმედის დილა“ ისაუბრა.

წყარო: ​„იმედის დილა“ 

არ დაგავიწყდეთ !!!

დაემატეთ ჯგუფში საბავშვო რეცეპტები

„მთაში უფრო წყნარები ხდებიან ბავშვები, ერითროციტები უფრო მეტი რაოდენობით გამოიყოფა, ჰემოგლ...
​პედიატრმა ყარამან ფაღავამ ​ბავშვის ჯანმრთელობაზე მთის კურორტების დადებითი ზეგავლენის შესახებ ისაუბრა და იმ უპირატესობებს გაუსვა ხაზი, რომელიც აღნიშნულ კურორტებს გამოარჩევს:„სამედიცინო თვალს...
ჯანმრთელობა #ბავშვი #შვილი #საინტერესო #თავის მოვლა #მშობელი

შეიძლება დაინტერესდეთ

ორსულობა

რამდენად მართებულია მოსაზრება, რომ განაყოფიერება არ ხდება მშობიარობის შემდგომ, სანამ ციკლი აღდგება? - ამ და სხვა საკითხებზე ამ თემაზე ​MomsEdu.ge-ს ესაუბრა მეან-გინეკოლოგი დიანა ჭანუყვაძე

რამდენად მართებულია მოსაზრება, რომ განაყოფიერება არ ხდება მშობიარობის შემდგომ, სანამ ციკლი აღდგება? - ამ და სხვა საკითხებზე ამ თემაზე ​MomsEdu.ge-ს ესაუბრა მეან-გინეკოლოგი დიანა ჭანუყვაძე

​არსებობს მოსაზრება, რომ განაყოფიერება არ ხდება მშობიარობის შემდგომ, სანამ ციკლი აღდგება. რამდენად მართებულია და რამდენი უნდა იყოს ორსულობებს შორის შუალედი? - ამ და სხვა საკითხებზე ამ თემაზე ​MomsEdu.ge-ს ესაუბრა მეან-გინეკოლოგი, რეპროდუქტოლოგი დიანა ჭანუყვაძე.

- არსებობს მოსაზრება, რომ განაყოფიერება არ ხდება მშობიარობის შემდგომ, სანამ მენსტრუაციული ციკლი აღდგება, ლაქტაციის პერიოდში. რამდენად მართებულია?

- დიახ, არსებობს ასეთი მითი, რომ სანამ ჩვილს ძუძუთი კვებავთ, ორსულობა არ დადგება, თუმცა სიმართლე ის არის, რომ თქვენ შეგიძლიათ დაორსულდეთ ბავშვის დაბადებიდან 3 კვირის შემდეგ, მაშინაც კი, თუ ძუძუთი კვებავთ და მენსტრუაცია არ დაგწყებიათ. თუ არ გსურთ მშობიარობის შემდეგ მალევე დაორსულება, მნიშვნელოვანია გამოიყენოთ რაიმე სახის კონტრაცეფცია, ყოველი სქესობრივი კავშირის დროს, მათ შორის, პირველის ჩათვლით.

ძუძუთი კვება ხშირად თრგუნავს ოვულაციას, მაგრამ ეს ყოველთვის ასე არ არის. ქალებს, რომლებიც ექსკლუზიურად ძუძუთი კვებავენ ჩვილს, 6 თვის განმავლობაში, ნაკლებად აქვთ ოვულაცია ამ პერიოდში, ვიდრე ქალებს, რომლებიც ძუძუთი არ კვებავენ თავიანთ ჩვილს - კონტრაცეფციის ამ მეთოდს უწოდებენ ლაქტაციურ ამენორეას. ამ მეთოდის ერთ-ერთი მთავარი გამოწვევაა მისი სწორად გამოყენება, ჩვილის კვება 3-4 საათში ერთხელ. თუ კვებათა შორის შუალედს არ დაიცავთ, მეთოდი ნაკლებად ეფექტური იქნება.

Planned Parenthood-ის მიხედვით, ლაქტაციური ამენორეა დაახლოებით 98%-ით ეფექტურია, როდესაც ამ მეთოდს ბავშვის დაბადებიდან პირველი 6 თვის განმავლობაში სწორად იყენებთ. მშობიარობიდან 6 თვის შემდეგ ის ნაკლებად ეფექტური ხდება.

- თავდაცვის საშუალებებზე რომ ვისაუბროთ...

- აღსანიშნია, რომ 100%-ით არცერთი კონტრაცეფციული საშუალება არ იცავს ორსულობისგან, მნიშვნელოვანია თითოეული მეთოდის სწორად შერჩევა და გამოყენება, რომ მისი კონტრაცეფციული მოქმედება მაქსიმალურად იყოს გამოყენებული. მშობიარობის შემდეგ ნებისმიერ დროს, შეგიძლიათ გამოიყენოთ შემდეგი კონტრაცეფციული საშუალებები:

• მამაკაცის პრეზერვატივი;
• ქალის პრეზერვატივი;
• იმპლანტი;
• მხოლოდ პროგესტოგენის შემცველი აბები - მინი პილი;
• შეგიძლიათ აირჩიოთ IUD (საშვილოსნოს შიდა საშუალება), ბავშვის დაბადებიდან 48 საათის განმავლობაში. თუ IUD არ ჩაიდგმევა 48 საათის განმავლობაში, რეკომენდებულია დაელოდოთ მშობიარობიდან დაახლოებით 4 კვირის გასვლას.

თუ ბავშვს არ კვებავთ ძუძუთი და თქვენმა გინეკოლოგმა ჩაგიტარათ კონსულტაცია, რის საფუძველზეც გაიგეთ, რომ არ გაქვთ უკუჩვენება კომბინირებულ ჰორმონალურ პრეპარატებზე, შეგიძლიათ დაიწყოთ:

• კომბინირებული აბები;
• ვაგინალური რგოლი;
• კონტრაცეპტული პლასტირი.
​
ხოლო თუ ძუძუთი კვებავთ, ჯანმრთელობის გარკვეული დარღვევები გაქვთ ან სისხლის შედედების მომატებული რისკი, ჩვეულებრივ გირჩევთ გადადოთ კომბინირებული აბების, რგოლის ან პლასტირის გამოყენება.

- ახდენს თუ არა ზეგავლენას ორგანიზმზე მშობიარობიდან მოკლე პერიოდში ხელახალი ორსულობა და რა მხრივ?

- მშობიარობის შემდგომ ხელახალი დაორსულება, რა თქმა უნდა, შესაძლებელია, თუმცა ასოცირდება გაზრდილ რისკებთან, როგორებიც არის:

• ნაადრევი მშობიარობა;
• თანდაყოლილი პათოლოგიები;
• ნაყოფის ზრდაში ჩამორჩენა და მასის დეფიციტი;
• დედის ანემია;
• მშობიარობის წინ პლაცენტის ნაწილობრივი ან სრული აცლა.

გარდა ამისა, CDC-ის ბოლო დროინდელი მონაცემებით, მშობიარობიდან 18 თვეზე ადრე და 60 თვეზე მეტი ინტერვალის შემთხვევაში დაორსულება შეიძლება ასოცირებული იყოს აუტიზმის განვითარების გაზრდილ რისკთან. კავშირი უფრო გამოკვეთილია აუტიზმის მძიმე ფორმების დროს (​https://www.cdc.gov/ncbddd/autism/features/time-between-births.html).

მშობიარობის შემდგომ მალევე ორსულობამ შესაძლოა ქალს არ მისცეს საკმარისი დრო, რომ მოხდეს ორგანიზმის აღდგენა, როგორც ფიზიკურად, ასევე ფსიქოლოგიურად. მაგალითად, ორსულობამ და ძუძუთი კვებამ შეიძლება გამოიწვიოს ქალის ორგანიზმში სხვადასხვა ვიტამინების და მიკროელემენტების დეფიციტი (რკინა, ფოლიუმის მჟავა, კალციუმი და ა.შ), მშობიარობის შემდგომი დეპრესია და ა.შ.

- რამდენი უნდა იყოს ორსულობებს შორის შუალედი?

- ორსულობის და ჯანმრთელობის რისკის გართულებების შესამცირებლად, კვლევების მიხედვით გვირჩევენ, რომ ორსულობებს შორის შუალედი იყოს 18-დან 24 თვემდე, მაგრამ 5 წელზე ნაკლები. დედის ასაკი 35 წლის ზევით ასოცირდება გაზრდილ რეპროდუქციულ რისკებთან, მათ შორის, უნაყოფობასთან, ქრომოსომულ ანომალიებთან და მშობიარობის არასასურველ შედეგებთან. საჭიროა რისკის და სარგებლის დაბალანსება 35 წელზე მეტი ქალების ორსულობის გადადებასა და ორსულობათა შორის შემცირებულ შუალედებს შორის.

რისკები და რეკომენდაციები არ ვრცელდება წყვილებზე, რომლებსაც ჰქონდათ სპონტანური აბორტი. თუ ჯანმრთელი ხართ და მზად ხართ, არ არის საჭირო ხანგრძლივი შუალედი ორსულობებს შორის.

ბავშვის გაჩენის დროის არჩევა წყვილის პირადი გადაწყვეტილებაა. შემდეგი ორსულობის დაგეგმვისას თქვენ და თქვენმა პარტნიორმა შეიძლება გაითვალისწინოთ სხვადასხვა ფაქტორი, ჯანმრთელობის რისკებისა და სარგებელის. სანამ არ მიიღებთ გადაწყვეტილებას, როდის გააჩინოთ შემდეგი შვილი, ექიმის რეკომენდაციით გამოიყენეთ თქვენთვის მისაღები ჩასახვის საწინააღმდეგო საშუალებები.

ესაუბრა მარიამ ჩოქური
წაიკითხეთ სრულად
გასათიშად დააჭირეთ ESC.