Baby Bag

„შესაძლებელია, რომ გვიან ღამე ჭამო და წონაში დაიკლო კიდეც,“- ფიტნეს-ინსტრუქტორი სანდრო გოგოხია

„შესაძლებელია, რომ გვიან ღამე ჭამო და წონაში დაიკლო კიდეც,“- ფიტნეს-ინსტრუქტორი სანდრო გოგოხია

ფიტნეს-ინსტრუქტორმა სანდრო გოგოხიამ წონაში კლებაზე ღამით კვების გავლენის შესახებ ისაუბრა:

„ზოგს ისეთი ცხოვრების სტილი აქვს, რომ დღისით ვერ ახერხებს ჭამას და გვიან უწევს დიდი რაოდენობით საკვების მიღება. შესაძლებელია, რომ გვიან ღამე ჭამო და წონაში დაიკლო კიდეც. წონის დაკლებისთვის ყველაზე მნიშვნელოვანია არა ის, თუ როდის ჭამ, არამედ მთელი დღის განმავლობაში რამდენს ჭამ.“

სანდრო გოგოხიას თქმით, დიდი მნიშვნელობა არ აქვს საკვებს დღის პირველ ნახევარში ვიღებთ თუ მეორე ნახევარში, მთავარია კალორიები საჭირო რაოდენობით მივიღოთ:

„თუ მთელი დღის განმავლობაში იმ რაოდენობის საკვებს იღებთ, რამდენიც თქვენს ორგანიზმს სჭირდება იმისთვის, რომ წონის კლება მოხდეს, ​მნიშვნელობა არ აქვს ამას დღის პირველ ნახევარში მივიღებთ, თუ მეორე ნახევარში. კალორიების საჭირო რაოდენობის საერთო ჯამს თუ არ გადაცდებით, თუნდაც ძილის წინ ჭამოთ, წონის კლება მაინც მოხდება. თუნდაც ძილის წინ ტკბილი ჭამოთ, ეს წონის კლებას ხელს არ შეუშლის.“

„რაც უფრო ასაკი ემატება ადამიანს, მით უფრო ცოტა საკვები სჭირდება, რომ წონაში დაიკლოს. კალორიების რაოდენობას თუ იცავთ, ეს ყველაზე მთავარია. 1500 კალორიას ორ ჭამაზე გაჰყოფთ, შვიდზე, თუ ერთ ჭამაზე მიირთმევთ, არ აქვს დიდი მნიშვნელობა,“ - აღნიშნულ საკითხზე სანდრო გოგოხიამ ტელეკომპანია POSTV-ის გადაცემაში „დღის პოსტი“ ისაუბრა.

წყარო: ​„დღის პოსტი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ჭამის დროს 500 მლ წყლის დალევა წონაში კლებას უწყობს ხელს
​ექიმი გიორგი ღოღობერიძე საკვების მიღების დროს წყლის დალევაზე საუბრობს.„კუჭი მთელი დღის განმავლობაში წარმოქმნის 1 400-1 500 მლ-მდე კუჭის წვენს, სადაც არის:მარილმჟავა, რომელიც ანადგურებს კუჭშ...

შეიძლება დაინტერესდეთ

​როგორ ჩამოვუყალიბოთ ბავშვებს ჯანსაღი კვების ჩვევა?

​როგორ ჩამოვუყალიბოთ ბავშვებს ჯანსაღი კვების ჩვევა?

მშობლად ყოფნა უამრავ სასიამოვნო მომენტთან ერთად, დიდ პასუხისმგებლობას მოიცავს. ერთ-ერთი ასეთი მნიშვნელოვანი საკითხი ბავშვებში ჯანსაღი კვების ჩვევების ფორმირებაზე ზრუნვაა. საკვები, რომელსაც ბავშვი პატარა ასაკიდანვე მიირთმევს, შემდგომში გადამწყვეტ როლს ასრულებს მისი ფიზიკური, მენტალური ჯანმრთელობისა და კოგნიტიური ფუნქციების ჩამოყალიბებაში.

ჯანსაღი კვების მნიშვნელობა ბავშვებში მეტად სერიოზული საკითხია. შიმშილის გრძნობის დაკმაყოფილების გარდა, საკვები ნივთიერებები, რომლებსაც ბავშვის ორგანიზმი იღებს, პირდაპირ აისახება ფიზიკურ ზრდაზე, ტვინის განვითარებასა და იმუნურ ფუნქციაზე. მაგალითად, თუ მოზარდი ინტენსიურად მიირთმევს გადამუშავებულ, შაქრიან საკვებს და არაჯანსაღ ცხიმებს, ამან შეიძლება გამოიწვიოს სიმსუქნე, დიაბეტი, გულ-სისხლძარღვთა და სხვა ქრონიკული დაავადებები. ამიტომ, ბავშვის დღიური რაციონი აუცილებლად უნდა შეიცავდეს შემდეგი ტიპის საკვებ პროდუქტებს: ხი​ლი, ბოსტნეული, ხორცი, მარცვლე​ული, ბურღულეული, თხი​ლეული. სწორედ დაბალანსებული კვების რაციონიდან ითვისებს მოზარდის ორგანიზმი აუცილებელ ვიტამინებს, მინერალებსა და ანტიოქსიდანტებს.

სტატიაში განხილულია პრაქტიკული რჩევები, რომლებიც მშობლებს დაეხმარება ბავშვებში ჯანსაღი კვების ჩვევების ფორმირებაში.

სამაგალითო ქცევა

​​
ყველა ბავშვისთვის მშობელი მისაბაძი მაგალითია. კვლევები აჩვენებს, რომ ის ბავშვები უფრო მარტივად ეჩვევიან ჯანსაღ კვებას, რომელთა მშობლებიც ასევე ჯანსაღად იკვებებიან. ამრიგად, ხილით, ბოსტნეულითა და ზოგადად, ნუტრიენტებით მდიდარი საოჯახო კერძების მომზადება ჯანსაღი ჩვევების ფორმირებაში წამყვან როლს თამაშობს. ისეთ მარტივ ქმედებებს, როგორებიცაა, ვაშლით ან სტაფილოთი წახემსება, შეუძლია დიდი შთაბეჭდილება მოახდინოს ბავშვზე.

163,000+ Healthy Eating Family Stock Photos, Pictures & Royalty-Free Images  - iStock | Healthy eating family overweight, Healthy eating family dinner

ბავშვების ჩართვა საჭმლის მომზადების პროცესში

ბავშვების ჩართვა საჭმლის მომზადების პროცესში არა მხოლოდ ასწავლით მათ ცხოვრებისეულ საბაზისო უნარებს, არამედ ხელს უწყობს ჯანსაღ კვებასთან პოზიტიური განწყობის ჩამოყალიბებას. ბავშვების დახმარება მომდევნო დღის კვების რაციონის დაგეგმვაში, სასურსათო საყიდლებში და მომზადების პროცესში მნიშვნელოვნად იწვევს ცნობისმოყვარეობას ჯანსაღი კვების მიმართულებით. შესაძლებელია წაახალისოთ და მისცეთ ასაკის შესაბამისი დავალებები, როგორებიცაა, ხილისა და ბოსტნეულის გარეცხვა, გახეხვა ან დაჭრა. საჭმლის ერთად მომზადება ახალისებს მზადების პროცესს, შედეგად კი პატარები განსაკუთრებული სიამოვნებით მიირთმევენ საკუთარი ხელით მომზადებულ კერძებს.

How to grocery shop with a toddler - LIFE WITH BOBUX | Bobux

მრავალფეროვანი არჩევანი

ბავშვთა კვებაში მრავალფეროვნება უმნიშვნელოვანესია. ნაცნობი პროდუქტების პარალელურად, შესთავაზეთ ბავშვებს ახალი ინგრედიენტები და გემოები. სცადეთ რეცეპტები, რომლებიც შეიცავს ფერების, ტექსტურებისა და გემოების ნაზავს. ასევე ჩართეთ ისინი გადაწყვეტილების მიღების პროცესშიც. ნება მიეცით აირჩიონ ის ხილი, ბოსტნეული ან სხვა ჯანსაღი საკვები, რომელსაც დღის განმავლობაში მიირთმევენ.

20 Fun, Healthy Snacks for Kids | Taste of Home

კვების პროცესი - სახალისო აქტივობა

ბავშვებისთვის მნიშვნელოვანია ნებისმიერი ტიპის საკვები მიწოდებული იყოს სახალისო და კრეატიული გზით. იმისთვის, რომ ჯანსაღი კვება მიმზიდველი გახდეს, საჭმლის მომზადებისას მხიარული ელემენტების ჩართულობას დიდი მნიშვნელობა ენიჭება. მაგალითად, შესაძლებელია ნებისმიერი კერძი ბავშვის თვალისთვის მომხიბვლელად გაფორმდეს. დაჭერით ხილი და ბოსტ​ნეული სახალისო ფორმებად, შემდეგ კი მორთეთ მომზადებული კერძი.

school lunch boxes for kids with food in the form of funny faces - Your  Choice Nutrition

გახსოვდეთ, რომ ბავშვობაში ჩამოყალიბებულ გემოვნებასა და ჩვევებს დიდი როლი აქვს ზრდასრულ ასაკში ჯანსაღი კვების რუტინის ფორმირებაში. ნებისმიერი ქმედება, რომელიც ჩვევაში უნდა გადაიზარდოს, მოთმინებასა და თანმიმდევრულობას მოითხოვს, თუმცა ზემოთ ჩამოთვლილი რჩევები პროცესის გამარტივებაში დაგეხმარებათ.

აღნიშნული ჯანსაღი პროდუქტების მომარაგება შესაძლებელია ონლაინ მაღაზიიდან „ჩემი მარ​აგი“, რომელიც მომხმარებელს 250-მდე დასახელების მარცვლ​ეულს, ბურღულეულს, ჩირეულს, თხილეულს, ხილსა და ბოსტნეულს სთავაზობს სხვადასხვა მომსახურებასთან ერთად. ასორტიმენტი მოიცავს სხვადასხვა კატეგორიის საუკეთესო ხარისხის პროდუქტებს ქვეყანაში უკონკურენტო ფასად. საუკეთესო ონლაინ შეძენის გამოცდილება იქმნება ხელით ნარჩევი პროდუქტების სახლის კარამდე მიტანის სერვისით, რომელიც მოიცავს ნებისმიერი მოცულობის შეკვეთის შესაძლებლობასა და მთელი ქვეყნის მასშტაბით უფასო მიწოდებას.

R.​

წაიკითხეთ სრულად