პედიატრი გასწავლით კერძს, რომელსაც ყველაზე წუნია პატარებიც კი სიამოვნებით მიირთმევენ

MomsEdu.ge პედიატრ თამარ ობგაიძესა და „მასტერშეფის“ გამარჯვებულ ნუცა სურგულაძესთან ერთად „ბავშვთა კვების სახელმძღვანელოს“ მორიგ ვიდეოს გთავაზობთ.

ამჯერად პედიატრმა და მასტერშეფმა მოამზადეს ყვავილოვანი კომბოსტოს პიურე, რომელიც 7-8 თვიდან შეგიძლიათ, შესთავაზოთ თქვენს პატარებს.

მის მოსამზადებლად დაგჭირდებათ:

• ყვავილოვანი კომბოსტო
• სტაფილო
• დედის რძე (თუ ბავშვი ბუნებრივ კვებაზეა) ან ხელოვნური ნარევი (თუ ბავშვი ხელოვნურ კვებაზეა)
• ზეითუნის ზეთი 5 მლ.

მომზადების წესი კი ასეთია:

გარეცხეთ და დაჭერით ბოსტნეული, დაასხით მდუღარე წყალი და მოხარშეთ დარბილებამდე. მოხარშული ყვავილოვანი კომბოსტო და სტაფილო დააბლენდერეთ. შემდეგ დაამატეთ დედის რძე (თუ ბავშვი ბუნებრივ კვებაზეა) ან ხელოვნური ნარევი (თუ ბავშვი ხელოვნურ კვებაზეა). მიღებული  მასა ისევ დააბლენდერეთ, დაამატეთ ზეითუნის ზეთი და პიურეც მზადაა!