„ქუთაისის ბავშვთა საავადმყოფოში ცენტრში დედამ დატოვა ჩვილი... ნუ გაიმეტებ ესე, მოაკითხე, ძალიან გთხოვ,“ - თამუნა მუსერიძე

ჯანმრთელობა

„როდესაც ახალი დაავადების საწინააღმდეგოდ იქმნება ახალი ვაქცინა, ამას ბუნებრივია ახლავს შეკითხვა,“- ინფექციონისტი ფატი გაბუნია

3 წლის წინ

​ინფექციონისტმა ფატი გაბუნიამ კოვიდ-19-ის ვაქცინების მიმართ საზოგადოებაში გავრცელებული უნდობლობის შესახებ ისაუბრა და აღნიშნა, რომ ახალი ვაქცინებისადმი მსგავსი დამოკიდებულება ბუნებრივია:

„ის, რაც არის ძალიან ახალი, რასაც არ აქვს თუნდაც 10-20 წლიანი გამოცდილება, ​როდესაც არის ახალი დაავადება და ამ ახალი დაავადების საწინააღმდეგოდ იქმნება ახალი ვაქცინა, ამას ბუნებრივია, ახლავს შეკითხვა. შიში, ალბათ, მაინც ეფუძნება ინფორმაციის ნაკლებობას ან გაუკუღმართებულ და სახეშეცვლილ ინფორმაციას, რომელსაც რეალურად არ აქვს არანაირი საფუძველი.“

ფატი გაბუნიას თქმით, ორსულისთვის ყველა ვირუსი საშიში არ არის:

„ფორმულირება, რომ ყველა ვირუსი საშიშია მაინდამაინც სწორი არ არის. არსებობს ერთადერთი ვირუსული ინფექცია - წითურა, რომელიც ორსულობის პირველ ტრიმესტრში ნამდვილად საშიშია, იმიტომ, რომ ის გადალახავს საშვილოსნოსა და ნაყოფს შორის ბარიერს, ჩაერთვება ორგანოგენეზში და იწვევს ნაყოფის სიმახინჯეს. რაც შეეხება დანარჩენ ვირუსებს და მათ შორის კოვიდ-19-ის ვირუსსაც, ამ ვირუსს შეუძლია დააზარალოს ნაყოფი მხოლოდ და მხოლოდ იმიტომ, რომ დედა არის ავად. დედის მძიმე მდგომარეობის გამო, შესაძლოა, მოხდეს თვითნებური აბორტი.“

„ჩვენი ორგანიზმი, რომელიც ძალიან ჭკვიანია, ორსულობას განიხილავს, როგორც გარკვეულ იმუნოსუპრესიულ მდგომარეობას.​ სწორედ ამას ეფუძნება მექანიზმი, რომ ორსულებში ბევრად უფრო აგრესიულია დაავადება, ვიდრე არაორსულებში. შესაბამისად ამიტომ ზარალდება ნაყოფი დედის მძიმე მდგომარეობაში. კორონავირუსი არ არის ასოცირებული ნაყოფის სიმახინჯესთან, გარკვეულ ცვლილებებთან ნაყოფის ფორმირების პროცესში,“ - აღნიშნულ საკითხზე ფატი გაბუნიამ ტელეკომპანია „იმედის“ გადაცემაში „ჩვენი ოჯახი“ ისაუბრა.

წყარო:​ „ჩვენი ოჯახი“

წაიკითხეთ სრულად