„თუ ვინმე აპირებს შიმშილობას, ჯერ აიცრას ფაიზერით და მერე დაიწყოს შიმშილობა,“- გიორგი ფხაკაძე

ჯანმრთელობა

„ბავშვის ტვინისთვის მოშიება არის ერთ-ერთი ყველაზე სახიფათო მდგომარეობა,“ - მარი მალაზონიას რეკომენდაციები მშობლებს

3 წლის წინ

ნუტრიციოლოგმა მარი მალაზონიამ ბავშვის სწორი კვების რეჟიმის ჩამოყალიბების მნიშვნელობაზე ისაუბრა და აღნიშნა, რომ სკოლაში ბავშვმა ორი გაკვეთილის დასრულების შემდეგ ხემსი აუცილებლად უნდა მიირთვას:

„როდესაც ორი გაკვეთილი დასრულდება ​დილით, აუცილებლად სჭირდება ბავშვს ხემსი. იგივე პრინციპი უნდა დავიცვათ სახლის პირობებშიც, რომ ბავშვს ჰქონდეს საშუალება გამოკვებოს თავის ტვინი აუცილებელი საწვავით. ბავშვის ტვინისთვის მოშიება არის ერთ-ერთი ყველაზე სახიფათო მდგომარეობა, რომელიც უნდა ავიცილოთ თავიდან. კვების რეჟიმი გვეხმარება დროის ინტერვალების სწორად გადანაწილებაში.“

მარი მალაზონიამ ბავშვის ჯანმრთელობისთვის რძის ნაწარმის უდიდეს მნიშვნელობასაც გაუსვა ხაზი:

„არაერთხელ გვითქვამს, რატომ არის მნიშვნელოვანი რძის ნაწარმი. ​რძის ნაწარმი თავის ტვინისთვის აუცილებელი ისეთი ნივთიერებებისგან შედგება, როგორიც არის ადვილად შეთვისებადი ცილა და ცილის გარეშე არაფერი შენდება. ცილის გარეშე არ მიმდინარეობს არცერთი პროცესი და მით უფრო, ყველა ამინომჟავის შემცველი ცილა სასიცოცხლოდ მნიშვნელოვანია ბავშვისთვის.“

„გასათვალისწინებელია ასევე ​D ვიტამინის შემცველობა რძის ნაწარმში, ასევე A ვიტამინის, როგორც ზრდის ჰორმონის, რომელიც მზა სახით არის წარმოდგენილი მაწონში და ზოგადად რძის ნაწარმში. რძის ნაწარმში გარკვეული რაოდენობით გვაქვს E ვიტამინიც. ასევე გვაქვს, რაც მთავარია, ისეთი ნივთიერებები, როგორიც არის კალციუმი, ფოსფორი, გარკვეული რაოდენობით თუთიაც. მაწონი არის ძალიან კარგი ნაკრები ცოცხალი ორგანიზმების, მათთვის საკვების და მათი გადამუშავების პროდუქტების,“ - აღნიშნულ საკითხებზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად