,,განსხვავებული ორიენტაციის ადამიანების უმეტესობა არის ისეთივე კარგი ადამიანი, როგორც ტრადიციული ორიენტაციის ადამიანების უმეტესობა არის კარგი ადამიანი''

,,განსხვავებული ორიენტაციის ადამიანების უმეტესობა არის ისეთივე კარგი ადამიანი, როგორც ტრადიციული ორიენტაციის ადამიანების უმეტესობა არის კარგი ადამიანი''
ფსიქოლოგი ნათია ფანჯიკიძე განსხვავებული ორიენტაციის მქონდე ადამიანების შესახებ სოციალურ ქსელში პოსტს აქვეყნებს, რომელსაც უცვლელად გთავაზობთ:

,,სხვადასხვანაირობაზე სხვადასხვანაირად ვბაასობთ ყველა, ხოდა ახლა მე ჩემებურად მოგიყვებით ამ ამბავს, - განსხვავებული ორიენტაციის ადამიანებს აწუხებთ არა ის, რომ ,,სახლში რასაც უნდათ ვერ აკეთებენ", არამედ ის, რომ გარეთ უყურებენ ალმაცერად თავიანთი იმ თავისებურების გამო, რასაც ნამდვილად მხოლოდ სახლში აკეთებენ და არა საჯაროდ, ისევე, როგორც ყველა. 

აწუხებთ ის, რომ საკუთარ პრობლემებზე საჯაროდ ლაპარაკი ეკრძალებათ, მიუხედავად იმისა, რომ კანონით არ ეკრძალებათ, ისევე როგორც ყველა ჩვენგანის პრობლემა არის უგულებელყოფილი და ხმა ჩახშობილი. 

აწუხებთ ის, რომ მშობლები და უახლოესი ადამიანები ირცხვენენ და უარყოფენ მათ, იმის შიშით, ,,რას იტყვის ხალხი", ისე როგორც უამრავ ჩვენგანს უარი გვითქვამს ჩვენს ნამდვილ თავზე და სურვილებზე და ვერ ვიაზრებთ, რომ თავად ვქმნით შეუბრალებელ გარემოს, სადაც შემდეგ ყველა ერთად ვწუხვართ საკუთარი თავის დაკარგვას. 

განსხვავებული ორიენტაციის ადამიანების უმეტესობა არის ისეთივე კარგი ადამიანი, როგორც ტრადიციული ორიენტაციის ადამიანების უმეტესობა არის კარგი ადამიანი. 

განსხვავებული ორიენტაციის ადამიანებს საზოგადოებისთვის უამრავი ბედნიერი წუთი აქვთ ნაჩუქარი, დაშავებული კი ბევრად ნაკლები, ისევე როგორც ყველა დანარჩენი ორიენტაციისას. ორიენტაცია არჩევანი არ არის და არც ცხოვრების წესი. 

ბიოლოგიური თეორიების მიხედვით თანდაყოლოლო თავისებურებაა, რომლის შეცვლაც ადამიანის სურვილზე დამოკიდებული არ არის. ხოდა ახლა მე რომ ქალს მიმათხოვოთ, თუ კარგი მზარეულია და ხურციძესავით ფუმფულაცაა, შეიძლება მშვენივრადაც მოვეწყო და უფრო მშვიდადაც ვიყო, ვიდრე ახლა ვარ, მაგრამ საკითხის იდეალური გადაწყვეტა რომ ვერ იქნება, ხომ ხვდება ამას ყოველი კომბლიანი? ხოდა ვაცადოთ ერთმანეთს ღელვა ჩემობატონო.. 

სიყვარული სიმშვიდისთვის კი არა, ვნებათაღელვისთვის გვინდა, პეპლებისთვის და ჟრუანტელებისთვის, დამირეკა-არ დამირეკასთვის, ვეჭვიანობ-არ ვეჭვიანობ, აუ რა მაგარი დღეა, - ფუ რა საძაგელი დღეა, ეგ დამპალი-ეგ ბრილიანტი, მოვკლავ! მოვკვდები!.. ვიღელვოთ ყველამ ჩვენებურად, სანამ ირხევა სულში რამე, გვიყვარდეს ოღონდ, ხომ ჯობს გვიყვარდეს, ვიდრე არ გვიყვარდეს? ჩვენც გვიყვარდეს, სხვასაც უყვარდეს. 

ერთი ცალი და ძალიან მოკლე სიცოცხლე გვაქვს და თუ სხვებს უნდა ვდიოთ, ბარემ ჩვენს სიყვარულს ვდიოთ, ბევრად მეტი სიხარული მოაქვს იმას, რაც ჩვენში ხდება და თუ ჩვენში არაფერი ხდება, მერწმუნეთ, არ ამოივსება სიცარიელის გრძნობა სხვებზე ბრაზის გადატანით. ხოდა ვიზეიმოთ სხვადასხვანაირობა. რომ გვკითხოს ვინმემ, ჩიპი იმიტომ არ გვინდა, ერთნაირები გავხდებითო, ხოდა რა გვინდა ჩამოვყალიბდეთ. 

სადაც ერთნაირობაა, ამბები აღარ ხდება, სხვადასხვა არომატები, ფერები, გემოები, ფორმები, ფაქტურები ქმნის ამბებს. ხოდა მივიღოთ სიცოცხლე ისეთი, როგორიც ის არის, დაგვხვდა და არაფერი უკითხავს ჩვენთვის.

ციკლიდან: არ დავიჩიპებით,'' - აღნიშნავს ნათია ფანჯიკიძე. 


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნ​ე დედების ჯგუფი“)

შეიძლება დაინტერესდეთ

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო. სოციალური მედია და ტექნოლოგიები ახალგაზრდების განვითარებისთვის ძალიან მნიშვნელოვანია. მიუხედავად იმისა, რომ ინტერნეტსა და სოციალურ მედიას განათლებისა და კომუნიკაციის სახით ბავშვებისთვის სარგებელი მოაქვს, მას ისეთი ნეგატიური ასპექტებიც აქვს, რომელიც მშობლებში შეშფოთებას იწვევს.

„TikTok“-ის პოპულარობა პანდემიის პერიოდში განსაკუთრებით გაიზარდა, როდესაც ადამიანები სახლებში იყვნენ ჩაკეტილები. ის ახალგაზრდებსა და მოზარდებში ამჟამად ყველაზე პოპულარული აპლიკაციაა. აშშ-ის რამოდენიმე შტატმა აპლიკაციის მიმართ გამოძიება დაიწყო მოზარდებისა და ახალგაზრდების ფსიქიკური ჯანმრთელობისთვის მიყენებული სავარაუდო ზიანის გამო.

შტატები იმ მავნე ზეგავლენის გამოკვლევას გეგმავენ, რომელსაც „TikTok“ მოზარდებსა და ახალგაზრდებზე ახდენს. ცნობილი აპლიკაცია აშშ-ის მთავრობის კრიტიკის ობიექტი მანამდეც ყოფილა. გამოძიების დაწყება კი მის მიმართ ნეგატიურ დამოკიდებულებას კიდევ უფრო ამძაფრებს. პოპულარულ აპლიკაციას ბავშვების დიდი ნაწილი აქტიურად იყენებს, ამიტომ მნიშვნელოვანია, მშობლები კარგად იყვნენ ინფორმირებული მისი დადებითი და ნეგატიური მხარეების შესახებ. შტატები, რომლებიც „TikTok“-ის მიმართ გამოძიებას აწარმოებენ შემდეგია: კალიფორნია, ფლორიდა, კენტუკი, მასაჩუსეტსი, ნებრასკა, ნიუ-ჯერსი, ვერმონტი და ტენესი.

გამოძიება აპლიკაციას ალგორითმის გამოყენებით მოზარდებისა და ახალგაზრდებისთვის ისეთი ვიდეოების შეთავაზებას ედავება, რომლებიც კვებითი აშლილობების, თვითდამაზიანებელი და სხვა სახის სახიფათო ქცევების წახალისებას უწყობს ხელს.

„TikTok“-მა საზოგადოების მრისხანება მანამდეც დაიმსახურა, როდესაც ცნობილი გახდა აპლიკაციაში არსებული სახიფათო გამოწვევებისა და ტენდენციების შესახებ. „TikTok“ გამოწვევებში მონაწილეობა ზოგიერთი მოზარდისთვის ფატალური აღმოჩნდა. მნიშვნელოვანია, რომ მშობლებმა შვილებისგან მიიღონ ინფორმაცია, თუ რას აკეთებენ ისინი აპლიკაციაში და რა ზიანი შეიძლება მიაყენოს მათ „TikTok“-ის გამოყენებამ.

წყარო: ​Moms.com

წაიკითხეთ სრულად