„ყველა ოჯახს აქვს თავისი კულტურა, თავისი ნორმები და წესები... მე ვერცერთ ოჯახს ვერ ვასწავლი შვილი რა წესებით აღზარდოს,“- ფსიქოლოგი ზანდა ჩეჩელაშვილი

ფსიქოლოგმა ზანდა ჩეჩელაშვილმა ბავშვის ქცევის მართვასთან დაკავშირებით მშობლებს საინტერესო რეკომენდაციები მისცა:

„თუ ჩვენ ქცევის მართვაზე ვსაუბრობთ, წინასწარ უნდა არსებობდეს წესები. იმ წუთში კი არა, როდესაც რაღაც მოხდა, მაშინ კი არ ვიწყებ გამოსავლის ძიებას. წინასწარ ვამბობთ, რომ ტკბილეულს დღის ამ მონაკვეთში არ ვჭამთ. დღის ამ მონაკვეთში შენ მეცადინეობ. ძილის წინ აუცილებლად იხეხავ კბილებს. დილით აუცილებლად დგები 8 საათზე, რომ სკოლაში არ დაგაგვიანდეს. ამ წესებს თქვენ ვერავინ ვერ გასწავლით გარედან. ყველა ოჯახს აქვს თავისი კულტურა, თავისი ნორმები და წესები. მე ვერცერთ ოჯახს ვერ ვასწავლი შვილი რა წესებით უნდა აღზარდოს, გამორიცხულია. ეს წესები ბავშვს უნდა ესმოდეს წინასწარ. სანქციებზეც ბავშვს ველაპარაკებით წინასწარ.

წესებზე ბავშვს ვესაუბრები დილას, შუადღეს ან საღამოს, როდესაც ერთად ვსხდებით და ვთამაშობთ. თამაშ-თამაშში ვაკეთებ ამას. ასაკზეა ეს დამოკიდებული. ვეუბნები, რომ ჩვენ სათამაშოებს არ ვამტვრევთ, სათამაშოებს უნდა მოვუაროთ. თუ დავამტვრევთ სათამაშოებს, აქ შემოდის სანქცია. სანქცია შეიძლება იყოს, რომ შენ ვერ მიიღებ სათამაშოს, ეს სათამაშო ჩამოგერთმევა, ეზოში ვერ ჩახვალ. ის რაც ბავშვისთვის მნიშვნელოვანია, მას ეს უნდა ჩამოერთვას. ეს არის მოწესრიგებული გარემო, სადაც ბავშვმა წინასწარ იცის წესები. კი არ ვეჩხუბები ბავშვს. მე მას წინასწარ ვეუბნები, რომ ეს არის წესი და ამ წესს ეს სანქცია მოჰყვება. თუ ეს წესი ირღვევა, ბავშვს ამ სანქციებს ვახსენებ,“- მოცემულ საკითხზე ზანდა ჩეჩელაშვილმა ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

შეიძლება დაინტერესდეთ

„ყოველ ლუკმაზე დიდი რაოდენობით წყლის დაყოლება არ არის სწორი გადაწყვეტილება,“- ნუტრიციოლოგი მარი მალაზონია

ნუტრიციოლოგმა მარი მალაზონიამ კვების დროს წყლის სწორად მიღების წესებზე ისაუბრა:

„ჭამის დროს წყლის მიღება შეიძლება, მაგრამ გააჩნია როგორ და გააჩნია ვისთვის. უნდა შევთანხმდეთ, რომ ადამიანები ვართ განსაკუთრებულები და ჩვენს განსხვავებულობას აქვს ხიბლი. ჩვენ კვების ჩვევაც განსხვავებული გვაქვს და საკვების მიღების წესიც განსხვავებული გვაქვს, წყალიც განსხვავებულად გვჭირდება.

კვებამდე 15-20 წუთით ადრე წყლის მიღება არის კარგი არჩევანი. როდესაც ვლაპარაკობთ კვების მოწესრიგებაზე, ეს არის სიგნალი ორგანიზმისა და საჭმლის მომნელებელი სისტემისთვის, რომ „მე მოვდივარ.“ ეს არის შემზადება ყველანაირი თვალსაზრისით. კუჭის სავსეობის ეფექტი არის 15-20 წუთი. მერე ეს წყალი შეიწოვება და ეს ეფექტი დამთავრებულია.

როდესაც ვლაპარაკობთ საკვებთან დაკავშირებით, მივირთმევ საკვებს და მწყურია, ყოველ ლუკმას როდესაც აყოლებენ წყალს, ეს არის სპეციალური წვრთნა კუჭის ტევადობის გასაზრდელად. ბურგერების კონკურსი რომ არის, წინასწარ ასე ემზადებიან, რომ გაზარდონ კუჭი. ყოველ ლუკმაზე დიდი რაოდენობით წყლის დაყოლება არ არის სწორი გადაწყვეტილება, მაგრამ ეს იმას არ ნიშნავს, რომ ჭამის პროცესში მე არ დავლიო წყალი. მე დავასრულე კვება, ბოლო ლუკმა მივირთვი და დავაყოლე წყალი, აქაც არის გამონაკლისები. არიან ადამიანები, რომლებმაც არ შეიძლება ასეთი გადაწყვეტილება მიიღონ, მაგალითად, ვისაც აქვს რეფლუქსი,“- მოცემულ საკითხზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“


წაიკითხეთ სრულად