Baby Bag

გაციების შემთხვევაში ბავშვებს არ მისცეთ ეს მედიკამენტი! - გიორგი ღოღობერიძე მშობლებს აფრთხილებს

გაციების შემთხვევაში ბავშვებს არ მისცეთ ეს მედიკამენტი! - გიორგი ღოღობერიძე მშობლებს აფრთხილებს

,,თუ ბავშვს აქვს გრიპის, ზოგადად გაციების, სურდოს, მაღალი ტემპერატურის შემთხვევები და ამ მედიკამენტს მისცემ, შეიძლება სერიოზულად დააზარალო. ეს არის ნოლ გრიპ ჯუნიორი. მედიკამენტი არის ინდური და ის საქართველოს ბაზარზე მაქსიმალურად შეიზღუდა, რადგან მისი გამოყენება ბავშვების შემთხვევაში ფატალურადაც შეიძლება დასრულდეს. მისი მიღების შემთხვევაში თავიდან ბავშვს დაეწყება გულისრევა, ღებინება, ფაღარათი, შემდეგ კუჭ-ნაწლავის სიმპტომატიკასთან ერთად თირკმლის მწვავე უკმარისობის ჩივილები, რამდენიმე დღის შემდეგ კი ნევროლოგიური ნიშნები, საბოლოო ჯამში კი კომატოზური მდგომაროებაც კი,'' - აღნიშულის შესახებ ექიმი გიორგი ღოღობერიძე საუბრობს. 

დეტალები ნახეთ ვიდეოში

შეიძლება დაინტერესდეთ

რა დრო უნდა გაატარონ 2-დან 5-წლამდე ასაკის ბავშვებმა ეკრანთან?

რა დრო უნდა გაატარონ 2-დან 5-წლამდე ასაკის ბავშვებმა ეკრანთან?

რა დრო უნდა გაატარონ 2-დან 5-წლამდე ბავშვებმა ეკრანთან? - თემაზე გადაცემაში ,,დილა მშვიდობისა საქართველო'' ინკლუზიის და ადრეული განვითარების სპეციალისტი ცირა ბარქაია საუბრობს. 

,,2-დან 5 წლამდე ასაკის ბავშვებისთვის ეკრანთან ყოფნის მაქსიმალური დრო ერთ საათი უნდა იყოს. პრაქტიკას რომ დავაკვირდეთ, მე მინახავს მაღაზიაში დედა-შვილი, როდესაც დედა არჩევს შვილისთვის ტანსაცმელს და ბავშვისთვის მიცემული აქვს ტელეფონი, რათა გაჩუმდეს. მაგალითად, ბავშვი ჭამს და წინ უდევს ტელეფონი, პასიურად აძლევენ საკვებს, ამ დროს ბავშვი არ აქცევს ყურადღებას რას ჭამს - ძალიან ცუდია და ამაზე კომპრომისული პასუხი არ მაქვს, არ უნდა გააკეთოთ ეს.

სხვადასხვა კვლევით დასტურდება, რომ ეკრანთან დიდი დროის გატარება თავის ტვინის აღმასრულებელ ფუნქციაზე ანუ კოგნიტურ-შემეცნებით ფუნქციებზე ახდენს ძალიან უარყოფით ზეგავლენას. ბავშვებს არ შეუძლიათ ყურადღების კონცენტრირება. ერთი შეხედვით შეიძლება იფიქროთ, რომ ბავშვი ჩართულია იმაში, რასაც უყურებს, მაგრამ ეს არ არის ჩართულობა, ეს არის გათიშული ტვინი, რომელიც უყურებს ეკრანს. ამ პროცესში თავი ტვინის განვითარება აქტიურად არ მიმდინარეობს,'' - დასძინა ცირა ბარქაიამ. 

წყარო: ,,დილა მშიდობისა საქართველო''

წაიკითხეთ სრულად