Baby Bag

რომელი ვაქცინაა უფრო ძლიერი დელტა შტამის მიმართ? - ინფექციონისტი ელენე პაჭკორია ვაქცინების ეფექტიანობის შესახებ

რომელი ვაქცინაა უფრო ძლიერი დელტა შტამის მიმართ? -  ინფექციონისტი ელენე პაჭკორია ვაქცინების ეფექტიანობის შესახებ

ინფექციონისტმა ელენე პაჭკორიამ დელტა შტამის სწრაფი გავრცელებისა და ვაქცინების ეფექტიანობის შესახებ ისაუბრა. მან აღნიშნა, რომ მალე დელტა შტამის გავრცელება 100 %-მდე აიწევს:

„მსოფლიოში დომინანტი ხდება დელტა ვარიანტი. ის უკვე 98 ქვეყანაშია გავრცელებული. 93 %-ში დღეს დელტა ვარიანტი ცირკულირებს. ფიქრობენ, რომ მისი გავრცელება თითქმის 100 %-მდე ავა. ​ვაქცინაცია მაინც ეფექტიანია. ვაქცინამ შეიძლება ვერ დაიცვას დაინფიცირებისგან ადამიანი, მაგრამ დაიცავს ჰოსპიტალიზაციის, მძიმე მიმდინარეობისა და ლეტალობისგან. არავაქცინირებულთან შედარებით ვაქცინირებული დაინფიცირებისგანაც მეტად დაცულია. ამიტომ აუცილებელია დღესდღეობით, რომ შევაჩეროთ პანდემია და შევაჩეროთ ვირუსის შემდგომი მუტაცია.“

ელენე პაჭკორიას თქმით, რაც უფრო მეტად გავრცელდება ვირუსი, მით მეტად განიცდის ის მუტაციას და გაჩნდება შტამები, რომლებიც ვაქცინას არ დაემორჩილება:

„ახლა სხვა შტამებიც გამოჩნდა. სამხრეთ ამერიკაში არის ვარიანტი, რომელსაც ლამბდას ეძახიან. ლამბდაზე ამბობენ, რომ ამ შტამს აქვს რეზისტენტობა ვაქცინების მიმართ. რაც უფრო მეტად გავრცელდება ეს ვირუსი, მით უფრო მეტად განიცდის მუტაციას, მიტ უფრო მეტად გაჩნდება შტამები, რომლებიც არ დაემორჩილება შემდგომში ვაქცინაციას. სანამ ვაქცინაციის პროცესი დასრულდება, აუცილებლად საჭიროა, დავიცვათ ის წესები, რაც ხალხისთვის უკვე ცნობილია. დავიცვათ დისტანცია, გავიკეთოთ პირბადე და მოვერიდოთ თავშეყრის ადგილებს. ​პარალელურ რეჟიმში, რა თქმა უნდა, გავიკეთოთ ვაქცინაცია. ფაიზერზე იყო ცნობილი, რომ 88 %-ში იყო დაცვა, ასტრაზენეკასთან დაკავშირებით კი 66-67 %-ში.“

„ერთ-ერთი ინფორმაციით, ინაქტივირებული ვაქცინა 80 %-მდე ეფექტიანია. ის ხელს შეუწყობს, რომ შეიქმნას იმუნური ფენა. რაც იქნება ხელმისაწვდომი, იმით უნდა ავიცრათ. ​ზოგიერთ ადამიანს შიში აქვს „ფაიზერის“ მიმართ და ურჩევნია ინაქტივირებული ვაქცინა. თუ ურჩევნიათ, სჯობს ამ ვაქცინებით აიცრან, ვიდრე საერთოდ არ გაიკეთონ ვაქცინა,“ - აღნიშნულ საკითხზე ელენე პაჭკორიამ „რადიო თავისუფლების“ ეთერში ისაუბრა.

წყარო: ​„რადიო თავისუფლება“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„მკაცრად უნდა გავაჟღეროთ, რომ ვაქცინა არ არის ექსპერიმენტული,“ - პედიატრი თემურ მიქელაძე
​პედიატრმა თემურ მიქელაძემ კოვიდ-19-თან ბრძოლაში ვაქცინების მაღალი ეფექტიანობის შესახებ ისაუბრა და მსოფლიო პრაქტიკიდან მიღებული მონაცემები გაგვაცნო:„მსოფლიო პრაქტიკა ასეთია, რომ 95 %-ზე მეტი აცრილი ად...

შეიძლება დაინტერესდეთ

„ნიუ ჰოსპიტალსი“ ლიმფომას მრავალი ფორმის მკურნალობის შესაძლებლობას იძლევა

„ნიუ ჰოსპიტალსი“ ლიმფომას მრავალი ფორმის მკურნალობის შესაძლებლობას იძლევა

მსოფლიოს მასშტაბით ლიმფომა ერთ-ერთ ყველაზე გავრცელებული ჰემატოლოგიური დაავადებაა. ამერიკის კიბოს საზოგადოების კვლევებით, 2023 წელს აშშ-ში 89,000 ადამიანს ლიმფომას დიაგნოზი დაუსვეს.

ამ თემაზე უფრო დეტალურად ​MomsEdu.ge-ს „ნიუ ჰოსპიტალსის“ ჰემატოლოგი, ონკოჰემატოლოგი, კლინიკური ონკოლოგი, აიდა გოზალოვა ესაუბრა.

- რა არის ლიმფომა და რა იწვევს ამ დაავადებას?

- ლიმფომა ჰემატოლოგიურ დაავადებათა ჯგუფს მიეკუთვნება. ის სხვა ავთვისებიანი დაავადებების ანალოგიურად ვითარდება მაშინ, როდესაც უჯრედები უკონტროლო გამრავლებას იწყებენ (T და B ლიმფოციტები).

დაავადების წარმოშობა, ძირითადად, მიმდინარეობს ლიმფოციტებში, რომლებიცადამიანს იცავენ სხვადასხვა ინფექციისგან, თუმცა ზოგჯერ თავად ტრანსფორმირდებიან სიმსივნედ. ლიმფომას შეუძლია დააზიანოს სხვა ორგანოებიც: კუჭი, ნაწლავი, ელენთა, ფილტვი, თავის ტვინი (ექსტრანოდალური ლიმფომები).

ზუსტი ეტიოლოგიური ფაქტორი არ არის ცნობილი, თუმცა ჩამოვთვლი ხელშემწყობ რისკ-ფაქტორებს:

1. თუ თქვენ გაქვთ ან გქონდათ HIV-ინფექცია, Epstein-Barr (მაგალითად, მონონუკლეოზი) და Kaposi’s sarcoma (KS);

2. მემკვიდრეობითი ისტორია - სიმსივნური დაავადებების,რადიაციის და გარკვეული ქიმიკატების ზემოქმედების;

3. იმუნოდეფიციტი - სამედიცინო მკურნალობის ან სხვა მიზეზებით გამოწვეული - ქიმიოთერაპიით ჩატარებული მკურნალობა, ორგანოს ტრანსპლანტაციის შემდგომი მდგომარეობა (ვინაიდან საჭიროა იმუნოსუპრესანტების მიღება);

4. ასევე, ზოგიერთი აუტოიმუნური დაავადება.

უნდა აღინიშნოს, რომ ზემოთ ჩამოთვლილი რისკ-ფაქტორების არსებობა არ გულისხმობს, რომ აუცილებლად განვითარდება დაავადება.

- რა ტიპის ლიმფომები არსებობს?

- ლიმფომას ორი ძირითადი კატეგორია არსებობს:

● არაჰოჯკინის ლიმფომა (NHL), რომელიც შემთხვევების 90%-შია გამოვლენილი;

● ჰოჯკინის ლიმფომა (HL) ანუ ლიმფოგრანულომატოზი, რომელიც შემთხვევების 10%-ში ფიქსირდება.

არაჰოჯკინის ლიმფომა, რომლის 35-მდე ქვესახეობა არსებობს, იყოფა T დაB ლიმფოციტურ სიმსივნეებად, რომლებიც უმწიფარი ან მწიფე უჯრედებისგან ვითარდება.

ჰოჯკინის დაავადების დროს ლიმფურ ქსოვილში მიკროსკოპული დათვალიერებისას ვლინდება ბერეზოვსკი-შტენბერგ-რიდის გიგანტური უჯრედები.

ზოგადად, 70-ზე მეტი ლიმფომას ქვეტიპი არსებობს. ჯანდაცვის მსოფლიო ორგანიზაცია (WHO) გამოყოფს ორ კატეგორიას - იმუნოპროლიფერაციული დაავადებები და მრავლობითი მიელომა.

არსებობს ორნაირი ლიმფომა - აგრესიული (სწრაფად მზარდი)ან ინდოლენტური, რომელიც ნელა ვითარდება და დიდი ხნის განმავლობაში არ მოითხოვს სპეციფიკურ მკურნალობას. იმისათვის, რომ დავადგინოთ ლიმფომას ტიპი, საჭიროა ბიოფსიის შედეგად მიღებული მასალის ჰისტოლოგიური გამოკვლევა.

- ვინ არიან დაავადების რისკ-ჯგუფში?

- ლიმფომას უმეტესად 20-დან 40 წლამდე პაციენტებში, ასევე 65 წელს გადაცილებულ ადამიანებში ვხვდებით, ძალიან იშვიათად - 15 წლამდე ბავშვებში.

არაჰოჯკინის ლიმფომა ონკოლოგიურ დაავადებათა შორის მე-7 ადგილზეა და ავადდებიან 60-დან 80 წლამდე ადამიანები, ძირითადად - მამაკაცები.

- რა სიმპტომები ახლავს ლიმფომას?

- ძირითადი სიმპტომებია:

ლიმფური კვანძების ზრდა და შეშუპება - ვითარდება ინფექციის გარეშე და ძირითადად მოიცავს კისრის, იღლიის, საზარდულის მიდამოს. შეშუპების ზრდა ძირითადად უმტკივნეულოდ მიმდინარეობს და ახასიათებს წონაში კლება (სხეულის საერთო მასა 10%-ზე ნაკლებია დიეტების გარეშე); ტემპერატურა და ოფლიანობა.

- როგორია დიაგნოსტირებისა და მკურნალობის მეთოდები „ნიუ ჰოსპიტალსში“?

- დიაგნოსტირებისთვის პირველ ეტაპზე ვიწყებთ ანამნეზის შეგროვებას, შემდეგ იგეგმება ლაბორატორიული და ინსტრუმენტული კვლევები, ლიმფური კვანძის ბიოფსია ან ექსტირპაცია, ტრეპანობიოფსია, ძვლის ტვინის ფუნქციისა და ლაქტატდეჰიდროგენაზას განსაზღვრა, კომპიუტერული ტომოგრაფია, პოზიტრონ ემისიური ტომოგრაფია, მაგნიტურ-რეზონანსული ტომოგრაფია (დაავადების სტადიის და შემდგომ მკურნალობის ეფექტურობის შესაფასებლად).

მკურნალობა მოიცავს: ქიმიოთერაპიას, რადიაციულ თერაპიას, იმუნოთერაპიას, ტარგეტულ თერაპიას, CAR T-cell თერაპიას, ძვლის ტვინის ტრანსპლანტაციას.

კიბოს ნაციონალური ინსტიტუტის (აშშ) მონაცემებით, ის კატეგორია, რომელშიც სრული რემისია მკურნალობის დასრულებიდან 5 წლის განმავლობაში გრძელდება, საბოლოოდ გამოჯანმრთელებულად შეიძლება ჩაითვალოს.

„ნიუ ჰოსპიტალსი“ ლიმფომას მრავალი ფორმის მკურნალობის შესაძლებლობას იძლევა. კლინიკა დაკომპლექტებულია კვალიფიციური მედპერსონალით დაუზრუნველყოფილია ტექნიკური ბაზით, რომელიც ხელს უწყობს გართულებების მართვას, როგორცამბულატორიულ, ასევე - სტაციონარულ რეჟიმში.

- შესაძლებელია თუ არა დაავადების თავიდან არიდება?

- ლიმფომას შემთხვევაში არ არსებობს ადრეული დიაგნოზისთვის ჰემატოლოგიური ან ინსტრუმენტული გამოკვლევები. ყველას ვურჩევდი, რომ დაიცვან სწორი კვება, მოერიდონ მავნე ნივთიერებებს. ასევე, ყურადღება მიაქციეთ იმ სიმპტომებს, რომლებიც ზემოთ ჩამოვთვალე და მათი არსებობის შემთხვევაში დაგეგმეთ სპეციალისტთან ვიზიტი, ვინაიდან ადრეული დიაგნოსტირება უკეთეს შედეგამდე მიგვიყვანს.

R. 

წაიკითხეთ სრულად