Baby Bag

თუ ჯერ კიდევ არ გაქვთ ნანახი სასკოლო ცხოვრების შესახებ გადაღებული ეს 5 ფილმი, აუცილებლად ჩაუჯექით

თუ ჯერ კიდევ არ გაქვთ ნანახი სასკოლო ცხოვრების შესახებ გადაღებული ეს 5 ფილმი, აუცილებლად ჩაუჯექით

გთავაზობთ სასკოლო ცხოვრების შესახებ 5 ფილმს, რომლებიც დასვენების დღეების სასიამოვნოდ და შინაარსიანად გატარებაში დაგეხმარებათ. 

1. მონა ლიზას ღიმილი - Mona Lisa Smile 

ფილმი მოგვითხრობს კეტრინ ანა უოტსონის ისტორიას. ფემინისტი მასწავლებელი, რომელმაც კალიფორნიის უნივერსიტეტი დაამთავრა, შეყვარებული ლოს-ანჯელესში დატოვა და მასაჩუსეტსის შტატში გაემგზავრა ქალთა კერძო ხელოვნების კოლეჯში მასწავლებლად.

2. ნახევრად ნელსონი - Half Nelson 

სკოლის მასწავლებელი ნარკოტიკების მომხმარებელია. ერთ-ერთი მოსწავლე მის საიდუმლოს აღმოაჩენს, რის შემდეგაც ისინი დამეგობრდებიან. საინტერესოა, რაში გადაიზრდება მათი მეგობრობა.

3. თავისუფლების მწერლები - Freedom Writers

ახალგაზრდა მასწავლებელი მოსწავლეებს შთააგონებს ისწავლონ ტოლერანტულობა, იმუშაონ საკუთარ თავზე და სკოლის შემდეგ სწავლა განაგრძონ.

4. კლასი - The Class

ფილმის მთავარი გმირი ესტონეთში ჩვეულებრივი სკოლის, გამოსაშვები კლასის მოსწავლეა. იოზეპი გამუდმებით ითმენს თანატოლთა მხრიდან დამცირებას და დაცინვას. ის არასოდეს პასუხობს მათ. იოზეპი თავად ახდენს ამის პროვოცირებას მანამ, სანამ მას არ გამოესარჩლება ერთერთი თანაკლასელი კასპერი. იწყება თანაკლასელთა შორის დაპირისპირება.

5. მასწავლებელი - The Teacher

დაწყებითი სკოლის დირექტორი მშობელთა კრებას მოიწვევს, როდესაც გაიგებს რომ ერთერთი მასწავლებელი ბავშვების დახმარებით მშობლების მანიპულირებას ახდენს.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“

შეიძლება დაინტერესდეთ

5 ფილმი, რომელიც გვიჩვენებს, რომ ოჯახი ყველაფერია

5 ფილმი, რომელიც გვიჩვენებს, რომ ოჯახი ყველაფერია

ოჯახის შესახებ გადაღებული შთამაგონებელი ფილმების ყურება ადამიანებს ხშირად არასწორი გადაწყვეტილებების მიღებისგან იცავს და მათთვის სტიმულის მიმცემია. ჩვენს სტატიაში 5 ფილმს გაგაცნობთ, რომელიც დაგარწმუნებთ, რომ ადამიანისთვის ოჯახი ყველაფერია:

1. „ღრუბლებში გასეირნება“

ამ ფილმის ნახვის შემდეგ დაიჯერებთ, რომ ისეთ უნივერსალურ ღირებულებებს, როგორებიცაა სილამაზე და სიყვარული, სამყაროს გადარჩენა ჯერ კიდევ შეუძლიათ. არაჩვეულებრივი მუსიკა, ნიჭიერი მსახიობები და დამაინტრიგებელი სიუჟეტი - ეს ის მიზეზებია, რომელთა გამოც ამ ფილმს აუცილებლად უნდა უყუროთ.

2.  „კრამერი კრამერის წინააღმდეგ“

„კრამერი კრამერის წინააღმდეგ“ ერთ-ერთი საუკეთესო ფილმია, რომელიც იდეალურ ოჯახზე მეოცნებე ახალგაზრდებმა აუცილებლად უნდა ნახონ. ყველა ოჯახს თავისი დრამა აქვს. ეს ყველას უნდა გვახსოვდეს. დასტინ ჰოფმანი და მერილ სტრიპი განქორწინების პირას მყოფ წყვილს თამაშობენ, რომლებიც მოთმინებას და სხვისი ინტერესების საკუთარ სურვილებზე წინ დაყენებას ნელ-ნელა სწავლობენ.

3. ისტორია ჩვენს შესახებ“

ძალიან სენტიმენტალური ისტორია, რომელიც გვასწავლის, რომ უმნიშვნელო დეტალებს ყველაფრის დანგრევა შეუძლიათ, რაც გვაქვს. მიშელ პფაიფერი და ბრიუს უილისი მძიმე ვითარებაში აღმოჩენილ წყვილს თამაშობენ.

4. „მოხატული პირბადე“

უილიამ სომერსეტ მოემის ნოველის მიხედვით გადაღებული ფილმი ქოლერის ეპიდემიის დროს დაბადებულ სიყვარულზე მოგვითხრობს. ფილმის გმირების სიყვარულის ისტორია საოცრად მომხიბვლელია. ფილმის მთავარი სათქმელი შემდეგია: ნამდვილი სიყვარული წამიერი ვნებებით არ იბადება, ის გაგებითა და მოთმინებით იზრდება და ყალიბდება.

5. „შენი, ჩემი და ჩვენი“

ეს დიდებული ფილმი მთელმა ოჯახმა ერთად უნდა ნახოს. არაჩვეულებრივი მსახიობები, ლამაზი მუსიკა და საოცარი იუმორი - სხვა რა უნდა ინატროთ, როდესაც კარგი კომედიური ჟანრის ფილმის ყურება გსურთ?!

წაიკითხეთ სრულად