Baby Bag

ამ სამ კითხვაზე სწორი პასუხის გაცემა მხოლოდ გენიოსებს ან შიზოფრენიით დაავადებულებს შეუძლიათ

ამ სამ კითხვაზე სწორი პასუხის გაცემა მხოლოდ გენიოსებს ან შიზოფრენიით დაავადებულებს შეუძლიათ

ადამიანები გარკვეულ კითხვებზე პასუხის გაცემით საკუთარი თავის შესახებ ძალიან ბევრ რამეს იგებენ. ფსიქოლოგები პაციენტებს ხშირად უსვამენ ისეთ კითხვებს, რომელთა დახმარებითაც იგებენ, სჭირდება თუ არა ადამიანს პროფესიონალის დახმარება ან არის თუ არა ის გენიოსი. იმის მიხედვით, თუ როგორ უპასუხებთ ჩვენ მიერ დასმულ სამ კითხვას, გაიგებთ, გენიოსი ხართ თუ შიზოფრენიით დაავადებული.

1. რა საერთო აქვთ ჩაიდანსა და გემს?

სწორი პასუხი

2. რა საერთო აქვთ მანქანის ბორბალსა და ქარიშხალს?

სწორი პასუხი

3. რა საერთო აქვთ ფეხსაცმელსა და ფანქარს?

სწორი პასუხი

მოცემულ კითხვებზე პასუხები თუ არ გაქვთ, ნუ აღელდებით, თქვენ სავსებით ნორმალურად აზროვნებთ. თუ კითხვებზე პასუხი მარტივად იპოვეთ, ე.ი. ფსიქოლოგიური პრობლემები გაქვთ და პროფესიონალის კონსულტაცია არ გაწყენდათ.

აღნიშნული კითხვები „დაპირისპირების მეთოდის“ მაგალითია. როდესაც ჩვეულებრივად მოაზროვნე ადამიანს ჰკითხავთ, რა საერთო აქვთ ყვავსა და მერხს, ის მარტივად გიპასუხებთ, რომ მათ საერთო არაფერი აქვთ. გარკვეულწილად ისინი მართლები არიან, რადგან მერხისა და ყვავის შედარება წარმოუდგენელია. შიზოფრენიით დაავადებული ადამიანი მოცემულ კითხვაზე სიღრმისეული პასუხების მოძიებას დაიწყებს. შესაძლოა, მან გიპასუხოთ, რომ მერხზე ადამიანები დებენ ფურცელს, რომელზეც წერენ. საწერ მასალად კი მათ ყვავის ფრთის გამოყენება შეუძლიათ.

როგორ უნდა მიხვდეთ გენიოსი ხართ თუ შიზოფრენიით დაავადებული? პასუხი მარტივია. საქმე იმაშია, რომ ეს უკანასკნელი პასუხს სწრაფად და დაუფიქრებლად გეტყვით, ხოლო გენიოსი დაფიქრდება, ის მარტივი პასუხით არ შემოიფარგლება, გონებას დაძაბავს და უნიკალური პასუხით გაგაოცებთ.

მომზადებულია brightside.me-ს მიხედვით

თარგმნა ია ნაროუშვილმა

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი ​მცოდნე დედები​

შეიძლება დაინტერესდეთ

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

პედიატრმა თემურ მიქელაძემ ბავშვის ჯანსაღი განვითარებისთვის სეზონური კვების მნიშვნელობაზე ისაუბრა. მან აღნიშნა, რომ სეზონური ხილი და ბოსტნეული ამ მხრივ უდიდეს როლს ასრულებს:

„ექიმები მაქსიმალურად ვცდილობთ, რომ სეზონური ხილი, სეზონური ბოსტნეული გამოვიყენოთ სწორედ იმ ეტაპზე, რაც აუცილებელია ბავშვის ჯანმრთელობის სწორად განვითარებისთვის. ეს ხილი, ბოსტნეული სწორედ იმ მიკრო და მაკრონუტრიენტებს, ვიტამინებს შეიცავს დიდი რაოდენობით, რაც იმ სეზონზეა აუცილებელი ბავშვისთვის. კვება შეიძლება დავყოთ გარკვეულ ეტაპებად: წლამდე კვება, ერთი წლიდან სამ წლამდე ასაკის ბავშვის კვება, უმცროსი სასკოლო ასაკის ბავშვის კვება, სკოლამდელი კვება და ა.შ.“

თემურ მიქელაძის თქმით, სეზონური კვება მნიშვნელოვანია მეძუძური დედებისთვისაც:

„ძუძუთი კვების დროს დედას ვურჩევთ სეზონურად მიირთვას ხილი, ბოსტნეული. სწორედ იმ სეზონზე შეიცავს მაქსიმალურ მიკრონუტრიენტებს, წყალში ხსნად და ცხიმში ხსნად ვიტამინებს, ნახშიწყლებს, ცილებს ეს ხილი და ბოსტნეული. ცხიმებს შეიცავს იმ შემთხვევაში, თუ ვიყენებთ ცხოველურ საკვებს. თევზი შეიძლება პაციენტებს სეზონურადაც შევთავაზოთ. გავითვალისწინოთ ის გარემოებები, რომლებიც მოქმედებს ამ ცხოველურ საკვებზე. დედის რძესაც ახასიათებს სეზონური ცვლილებები. შესაბამისად ის სეზონურად გადასცემს ბავშვს მიკრონუტრიენტებს, რაც აუცილებელი და დროულია ბავშვის ნერვული სისტემის სწორი მომწიფებისთვის. ბოსტნეულის პიურე ადრეული ასაკის ბავშვებისთვის აუცილებელია, რომ სეზონურად დაინიშნოს. გაზაფხულის პერიოდში ჩვენთან დიდი რაოდენობით არის სალათები, მწვანილი, ყაბაყი, კარტოფილი, ჭარხალი, სტაფილო. ხილფაფებშიც სეზონურ ხილს ვიყენებთ.“

თემურ მიქელაძის თქმით, ხილი და ბოსტნეული პერისტალტიკას აუმჯობესებს და ყაბზობის პროფილაქტიკასაც ახდენს:

„ხილი და ბოსტნეული დიდი რაოდენობით შეიცავს უჯრედისს, რაც პერისტალტიკას აუმჯობესებს და ყაბზობის პროფილაქტიკაც არის. ხილი და ბოსტნეული დიდი რაოდენობით შეიცავს ისეთ წყალში ხსნად ვიტამინებს, როგორებიცაა: B ჯგუფის ვიტამინები, C ჯგუფის ვიტამინები, კაროტინოიდები. არის დაავადებები, როდესაც გვაქვს ფრუქტოზის აუტანლობა. აქ შეიძლება შევზღუდოთ კიდეც ხილი ან მოდიფიცირება მოვახდინოთ ნახშირწყლის. კონკრეტული შემთხვევა აუცილებლად უნდა იქნეს ექიმის მიერ შესწავლილი. 12 წელი არის პუბერტული ასაკი. აქ აუცილებელია სწორი, ბალანსირებული კვების გათვალისწინება.“

„შეიძლება ბავშვმა იმდენად მაღალი კონცენტრაციით მიიღოს სხვადასხვა ნივთიერება, რომ კუჭის ლორწოვანი გაღიზიანდეს. ამიტომ ეს უნდა იყოს სწორად, რაციონალურად გამოყენებული, რათა ჯანმრთელობის სხვა პრობლემა აღარ წამოგვივიდეს. მე ხშირად მომმართავენ პაციენტები, როდესაც ბავშვები არ ჭამენ ხორცს, არ ჭამენ ბოსტნეულს. მე ყოველთვის ვურჩევ მშობელს, რომ ბოსტნეული იქნება თუ ხორცის თერმულად დამუშავება, ბავშვთან ერთად მოამზადონ. ბავშვი უფრო კარგად შეჭამს,“ - აღნიშნულ საკითხებზე თემურ მიქელაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: „პირადი ექიმი - მარი მალაზონია“

წაიკითხეთ სრულად