Baby Bag

კახა კალაძე და ოჯახი - ნახევარ წუთში წასაკითხი ამბავი

კახა კალაძე და ოჯახი - ნახევარ წუთში წასაკითხი ამბავი

თბილისის მერი კახა კალაძე ოჯახთან ერთად გუდაურში ისვენებს. ფოტოებს კი თავის ინსტაგრამ გვერდზე აქვეყნებს. სოციალურ ქსელში გუდაურში გადაღებული ფოტოები კახის ცოლმა, დიზაინერმა ანუკი არეშიძემაც გამოაქვეყნა წარწერით - ''თუ სრიალი გიყვართ'' და ამით სრიალის მოყვარულებს გუდაურში დასვენებისკენ მოუწოდა.

კახა კალაძესა და ანუკი არეშიძეს ოთხი ბიჭი ჰყავთ - ლევანი, კახაბერი, ვაჩე და ნიკოლა. უფროსი ვაჟი 12 წლისაა, ყველაზე პატარა კი სექტემბერში გახდა 1 წლის.

ნახეთ კახა კალაძის ფოტოები ინსტაგრამიდან 

არ დაგავიწყდეთ !!!

Moms.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

ქალს მაღალი მამაკაცის გვერდით ყოფნა დაცულობის შეგრძნებას უჩენს და თავს უფრო ფემინურად აგრძნობინებს

ქალს მაღალი მამაკაცის გვერდით ყოფნა დაცულობის შეგრძნებას უჩენს და თავს უფრო ფემინურად აგრძნობინებს
2016 წელს ჩატარებული სამეცნიერო ​კვლევის შედეგებმა აჩვენა, რომ დაბალი ქალები მაღალ მამაკაცებთან თანაცხოვრებისას ძალიან ბედნიერები არიან. რაც უფრო დიდია სხვაობა ცოლ-ქმრის სიმაღლეებს შორის, მით მეტია წყვილის ბედნიერების ხარისხიც. კვლევაში მონაწილეობას დაოჯახებული ქალბატონები იღებდნენ და მეუღლეებთან თანაცხოვრებას დადებითად ან უარყოფითად აფასებდნენ. აღსანიშნავია ისიც, რომ ცოლ-ქმრის სიმაღლეებს შორის დიდი სხვაობა წყვილის ბედნიერების ხარისხზე დადებით ზეგავლენას ერთად ცხოვრების პირველი 18 წლის მანძილზე ახდენდა. ქალბატონები, რომლებსაც ცოლ-ქმრული თანაცხოვრების უფრო დიდი გამოცდილება ჰქონდათ, თავს ბედნიერად ნაკლებად მაღალ ან დაბალ მეუღლეებთან ურთიერთობისასაც გრძნობდნენ.

ქალბატონები, როგორც წესი, თავიანთ მეუღლეებთან შედარებით დაბლები არიან, რადგან გენეტიკურად მამაკაცი უფრო მაღალი აღნაგობისაა. მდედრობითი და მამრობითი სქესის წარმომადგენლები რომანტიკულ პარტნიორებს სხვადასხვა კრიტერიუმის მიხედვით არჩევენ, რადგან ორივე მათგანს განსხვავებული მოლოდინები და ინტერესები აქვს.

ჩრდილოეთ ტეხასის უნივერსიტეტის მიერ ჩატარებულმა კიდევ ერთმა კვლევამ აჩვენა, რომ პარტნიორის სიმაღლეს ქალისთვის ძალიან დიდი მნიშვნელობა აქვს. ქალს მაღალი მამაკაცის გვერდით ყოფნა დაცულობის შეგრძნებას უჩენს და თავს უფრო ფემინურად აგრძნობინებს. კვლევაში მონაწილე ქალების უმეტესობა ერთხმად აღნიშნავდა, რომ მათ მაღალ მამაკაცებთან ურთიერთობა ძალიან სიამოვნებდათ, რადგან მათ გვერდით თავს უსაფრთხოდ გრძნობდნენ.

დაბალი ქალბატონები, რომლებსაც მაღალი მეუღლეები ჰყავთ და ცოლ-ქმრული ურთიერთობით ძალიან კმაყოფილები არიან, გარკვეული გარეგანი თუ შინაგანი ფაქტორების ფარულ ზეგავლენას განიცდიან. მიზიდულობა მისტიკური მოვლენაა, რომელსაც ადამიანის თვალისთვის შეუმჩნეველი ბიოლოგიური პროცესების ერთიანობა ქმნის.

კვლევებით დასტურდება, რომ მაღალი მამაკაცები მდედრობითი სქესის წარმომადგენლების მიერ პოზიტიურად აღიქმებიან. ქალბატონების წარმოდგენებში მაღალი მამაკაცი ინტელექტუალურად განვითარებული ადამიანის შთაბეჭდილებას ტოვებს, რომელსაც ფულის გამომუშავების განსაკუთრებული უნარი აქვს. შესაძლოა, ამის მოსმენა ძალიან არ გვსიამოვნებს, მაგრამ ადამიანებს სხვების გარეგნული ნიშნით შეფასება არცთუ იშვიათად გვჩვევია, რის გამოც ამა თუ იმ პიროვნების ხასიათის თავისებურებებთან დაკავშირებით ნაადრევი დასკვნების გამოტანა გვახასიათებს. მდედრობით და მამრობით სქესს შორის ურთიერთობაში ინსტინქტური რეაქციები და ბიოლოგიური ფაქტორი ძალიან დიდ როლს ასრულებს.

თუ თქვენთან შედარებით ბევრად მაღალ მამაკაცს ხვდებით და მასთან ოჯახის შექმნას გეგმავთ, გილოცავთ! მომდევნო 18 წელი უსაზღვროდ ბედნიერი იქნებით.
წაიკითხეთ სრულად