დღევანდელი ბლიცინტერვიუს სტუმარია არასამთავრობო ორგანიზაცია „დედაშვილობის“ თავმჯდომარე, მწერალთა კავშირის წევრი ბელა ალანია.
1. ცხოვრება არის... თავგადასავალი;
2. არ მასვენებს... აფხაზეთთან დაკავშირებული მოგონებები. ჩემს ფიქრებში ხშირად დავდივარ სოხუმის ქუჩებში;
3. გულით დავატარებ... ჩემი სამშობლოს სიყვარულს, მშობლების ხსოვნას, ჩემს ქმარ შვილს არ ვცილდები;
4. ჩემი თილისმაა... სოხუმის სანაპიროდან აკრეფილი ქვები მაქვს შენახული, ვფიქრობ ჩემი თილისმაა;
5. ვღელავ... საქართველოს მომავალზე;
6. წარსული არის... ყველანი წარსულიდან მოვდივართ, განუყოფლობაა;
7. ვსწავლობ... შეცდომებზეც;
8. ვნანობ... რომ ჩემი შესაძლებლობები ბოლომდე არ დავხარჯე;
9. მენატრება... ბავშვობა;
10. მიყვარს... ადამიანები;
11. წიგნი, რომელიც მომწონს... ბევრია ასეთი წიგნი, მაგალითად, ჰარპერ ლის „ნუ მოკლავ ჯაფარას“;
12. სამშობლო ჩემთვის არის... სამშობლო ჩემი სისხლია;
13. თუ ვიქნებოდი პატიმარი... მხოლოდ სინდისის;
14. ბედნიერებაა, როცა... გათენება გიხარია, გიყვარს მზე და სიცოცხლე;
15. სიკვდილი... სიცოცხლის მეგობარია, უერთმანეთოდ ვერ ძლებენ;
16. ვპატიობ... თუ არ განმეორდება სიძულვილი;
17. ბავშვობის წლები... სულში მანათობელი მარადიული მზე;
18. მეშინია... საყვარელი ადამიანების დაკარვის;
19. დამოკიდებული ვარ... სიყვარულზე, მაძლევს და იმავდროულად მართმევს თავისუფლებას;
20. მადლიერი ვარ... უფლის... ისეთი მეორე ნახევარი მყავს, არასოდეს მინანია მასთან ცხოვრება;
21. უფალს ვკითხავდი... ხომ მაპატიებს ჩემს შეცდომებს;
22. ერთი დღით ვიქნებოდი... ჩიტი;
23. ხშირად ვფიქრობ... როგორი იქნება ჩვენი სამშობლო ხვალ, ვფიქრობ შვილების მომავალზე;
24. მიკვირს... ის, რომ არაფერი მიკვირს;
25. თავს გავწირავ... თუ სხვა გზა არ არსებობს და ეს სარგებელს მოუტანს იდეის განხორციელებას;
26. ვერ ვივიწყებ... ვერაფერს, რამაც ცხოვრება მატკინა;
27. მსოფლიოს ვეტყოდი... გიყვარდეთ ადამიანები, ნუ შეიშლებით ფუფუნებისგან;
28. ჩემი ოცნებაა... ურღევი საქართველო;
29. ვკარგავ... ძალებს, რომ გავაგრძელო გზა;
30. ვთმობ... რომ სხვას არ ვაწყენინო და არ ვატკინო;
31. მარადიულია... ჩემი სიყვარული სამყაროსადმი;
32. პირველი სიყვარული... ჩემშია და ჩემთანაა;
33. მაინტერესებს... მარადიულ კითხვაზე პასუხი „გვეშველება რამე“?
34. საზოგადოებრივ აზრს... ყურად ვიღებ, გააჩნია რა საკითხებზეა მსჯელობა, მაგრამ მარადიულ ჭეშმარიტებად არ მივიჩნევ;
35. მეგობარია ის... როგორც იტყვიან, მეგობარია ის, ვინც ყველაფერი იცის შენ შესახებ და მაინც უყვარხარ;
36. სიყვარული არის... ტკივილი, სიხარული, ვნება, ბედნიერება, ისევ ტკივილი.
ესაუბრა ლანა ბიბილურიძე
