Baby Bag

„არ დაიზაროთ შვილებთან ურთიერთობა....“

„არ დაიზაროთ შვილებთან ურთიერთობა....“
„არ დაიზაროთ შვილებთან ურთიერთობა, როგორი დაღლილებიც არ უნდა იყოთ! ბევრი ესაუბრეთ, იკითხეთ, ასწავლეთ დებატის კულტურა, მიეცით საკუთარი აზრის გამოთქმის უფლება და გაანალიზეთ მასთან ერთად! იკითხეთ მისი პროტესტის და გაბრაზების მიზეზი მშვიდად! მოუყევით დადებითი ეპიზოდები თქვენი ცხოვრებიდან, ასწავლეთ ადამიანობა დადებითი მხარეებით, კაცთმოყვარეობა,  კომპრომისი! ხშირად ესაუბრეთ ცხოვრების ჯანსაღ წესზე, ფიზიკური აქტივობის დადებით მხარეზე, ასწავლეთ მადლობის გადახდა და ბოდიშის მოხდა, უფროსებთან ურთიერთობის კულტურა, არ დასცინოთ არავის მათი თანდასწრებით, არ მოატყუოთ, რასაც შეპირდებით შეუსრულეთ! ნუ აღიქვამთ ცელქ ბავშვს პათოლოგიურად და ნუ ტვირთავთ შენიშვნებით, ნუ გიკვირთ, ჰკითხეთ თქვენს მშობლებს როგორები იყავით ბავშვობაში, თქვენი ბავშვი რა თქმა უნდა თქვენ დაგემსგავსსებათ! დღეს სკოლებში სასწავლო პროცესი ძალიან დამღლელია, ამიტომ ახალ დაბრუნებულებს ნუ დააძალებთ კვლავ წიგნებს მიუჯდნენ, დაუტოვეთ ბავშვობის უფლება!!! განსაკუთრებით 12 წლამდე შეეცადოთ, რომ ბავშვმა ტვინი შეივსოს პოზიტიური ფაილებით, რადგან ამ პერიოდამდე მშობელი ოქროს სტანდარტია მისთვის, 12 წლის შემდგ ღირებულებების გადაფასება იწყება, უფრო მეტს ფიქრობენ და თქვენი ქცევის და ყოფის კრიტიკასაც იწყებენ!!! ერთს გთხოვთ, ყველაფერი აკეთეთ ძალადობის გარეშე და გახსოვდეთ, რომ შვილი, რომელიც თქვენი მეშვეობით მოევლინა სამყაროს თქვენს საკუთრებას არ წარმოადგენს!!! ყველა ბავშვი დაბადებისთანავე პიროვნებაა!!! პატარა ადამიანი!!! მე მიყვარს ეს ადამიანები, მინდა, რომ ჯანმრთელები, ბედნიერები იყვნენ, მიიღონ სასურველი, მაღალი დონის განათლება, იცხოვრონ მოწესრიგებულ, დალაგებულ, უსაფრთხო ქვეყანაში, სადაც ყოველ ნაბიჯზე დაცული იქნება მათი უფლებები!!! იყვნენ კანონმორჩილნი!!! სუფთა ეკოლოგია, საკვები კიდევ უფრო ხელს შეუწყობს მათი ცხოვრების ხარისხის გაუმჯობესებას!!! ამ ყველაფერზე ზრუნვა დაბადებისთანავე იწყება და ყველაფერი უნდა გავაკეთოთ იმისთვის, ერთად და ცალ-ცალკეც, რომ საღი, გონიერი, ჯანსაღი ფსიქიკის საზოგადოება მივიღოთ!!! მე მხოლოდ ახალგაზრდების, მათი ჯანსაღი მენტალობის იმედი მაქვს და ვეცადოთ, არ მოვსპოთ და არ გავანადგუროთ ჩვენი მზაკვრული გეგმებით! ეს ჩემი მეგობრული რჩევებია, განა მე არ მაქვს შეცდომები დაშვებული როცა ახალგაზრდა მშობელი ვიყავი??? მაქსიმალურად შეეცადეთ გაუფრთხილდეთ პატარა ადამიანებს,“ - პედიატრი ინგა მამუჩიშვილი. 

შეიძლება დაინტერესდეთ

„ჩვენ ერთი ბედი გვარგუნა განგებამ და დღეს პატარა ბავშვივით გამიხარდა, რომ ის ცდილობს გააგრძელოს ცხოვრება,“- ანიტა ფაცაციას ბებია ემოციურ პოსტს აქვეყნებს

„ჩვენ ერთი ბედი გვარგუნა განგებამ და დღეს პატარა ბავშვივით გამიხარდა, რომ ის ცდილობს გააგრძელოს ცხოვრება,“- ანიტა ფაცაციას ბებია ემოციურ პოსტს აქვეყნებს

ანიტა ფაცაციას ბებიამ თამუნა გლურჯიძემ სოციალურ ქსელში პოსტი გამოაქვეყნა, რომელშიც ნიკოლოზ წულუკიძის სატელევიზიო ეთერში დაბრუნებას გამოეხმაურა:

„მე და ჩემნაირი ადამიანები სრულად და მთელი სიღრმით ვიგებთ რას ნიშნავს პატარა ანგელოზის დაკარგვა. მართლა მტერსაც რომ არ უსურვებ, ისეთი სიმწარეა, რომელსაც დრო არ შეველის, არადა, მახსოვს როგორი იმედით შევყურებდი სწორედ დროს, რომ ცოტათი მაინც დაეამებინა ტკივილი, სანამ ერთხელაც არ გავაცნობიერე, რომ ცრუ ილუზიის მსხვერპლი ვიყავი. რატომ ვწერ ახლა ამას: მიუხედავად იმისა, რომ წლებია არ ვუყურებ ტელევიზორს და, როგორც მაყურებელი, არ ვიცნობდი ამ საოცარ ადამიანს, იმდენი სითბო და სიყვარული იღვრებოდა და იღვრება მის მიმართ და, რაც ჩვენს საზოგადოებაში იშვიათი გამონაკლისია, ერთი გადაბრუნებული სიტყვა არ დასცდენია არასოდეს არავის, სიმპათიით ვიყავი მისდამი განწყობილი. და დღეს ეს საოცარი ადამიანი სწორედ ამდენი მისი მოყვარული გულის ძალამ ისევ დააბრუნა სამსახურში. ვიცი ეს რა ძნელია. ძნელი კი არა, შეუძლებელზე მეტია. ამ დროს ლაპარაკიც არ გინდა, არავინ და არაფერი არ გინდა და სიცოცხლეს რაც გაგონებს, ყველაფერი გაღიზიანებს. ერთადერთი რამ თუ გამოგიყვანს ამ მდგომარეობიდან მეტ-ნაკლებად და ეს ერთადერთი რამ ადამიანური სიყვარულია, როცა გიყვარს და უყვარხართ და ეს გიბიძგებს, შესაძლებელს ხდის, გაკეთებინებს.

დიახ, ნიკა წულუკიძეზე ვწერ. სიუჟეტი ვნახე როგორ უხდიდა მადლობას თავის მაყურებელს და ცრემლის გარეშე ვერ შევძელი მისი მოსმენა. ნიკა არ მიცნობს, არც მე ვიცნობ, მაგრამ ჩვენ ერთი ბედი გვარგუნა განგებამ, ჩვენი პატარები ახლა იქ სადღაც ერთად არიან და ეს გვაერთიანებს და მე დღეს პატარა ბავშვივით გამიხარდა, რომ ის ცდილობს გააგრძელოს ცხოვრება. და ბოლოს, არ არის აუცილებელი ამხელა ტრაგედია დაემართოთ ადამიანებს, მამანდეც გვიყვარდეს, შევეხიდოთ, მოვეფეროთ ერთმანეთს. პატარებგაფრენილ ადამიანებს კი ორმაგად, მათი გული ხომ ისედაც დაფლეთილია და იქნებ ერთი გადაბრუნებული სიტყვით სულაც უკანასკნელ ძაფს ვუწყვეტთ, რომელზეც ეს ნაფლეთები ჰკიდია. ვიცი დღეს მთელი დღე გამათბობს ნიკას სიცოცხლისკენ მობეუნება, მის გამოც, არაჩვეულებრივი ადამიანი რომ არის და კიდევ იმის გამო, რომ ეს ჩვენში ჯერ არდაკარგული ერთმანეთის სიყვარულის და თანადგომის ერთ-ერთი საუკეთესო მაგალითია. ასეთი სიყვარული და თანდგომა უხდება ქართველს, საქართველოს, ჩემს გენს და უზომოდ ბედნიერი და მადლიერი ვარ დღეს ეს მთელი სიმძაფრით რომ განვიცადე,“- წერს თამუნა გლურჯიძე.

წაიკითხეთ სრულად