Baby Bag

ირინა აბულაძემ განათლების მინისტრის მოადგილის თანამდებობა დატოვა

ირინა აბულაძემ განათლების მინისტრის მოადგილის თანამდებობა დატოვა

ირინა აბულაძემ განათლების, მეცნიერების, კულტურისა და სპორტის მინისტრის მოადგილის თანამდებობა დატოვა. ამის შესახებ ის სოციალურ ქსელში წერს:

„მეგობრებო, შემიძლია გაგიზიაროთ ახალი ამბავი. მივიღე გადაწყვეტილება, არსებული პოსტი დავტოვო და ცხადია, გავაგრძელო ამ საქმის და გუნდის ერთგულება რეფორმის დანერგვის შემდეგ ეტაპზე. ჩემს გეგმებზე ოდნავ მოგვიანებით.

ძალიან მოკლედ გავიხსენებ ამ პერიოდის ჩემთვის ერთ-ორ მნიშვნელოვან განვითარებას, და აქვე, პირველ რიგში, დიდ მადლობას გადავუხდი ყოფილ მინისტრს, მიხეილ ბატიაშვილს, ჩვენს გუნდს სამინისტროში, ჩემს კოლეგა მინისტრის მოადგილეებს ფინანსთა, რეგიონული განვითარებისა და ინფრასტრუქტურის და სხვა სამინისტროებიდან, ასეთი აქტიური და ნამდვილად შესაშური (7/24) თანამშრომლობისთვის!

პირველი ოფიციალური შეხვედრა, დანიშვნიდან პირველივე შაბათს ფინანსთა სამინისტროში გვქონდა, სადაც ითქვა, რომ უნდა დაიდოს განათლების რეფორმის სისტემური ხედვა ყველა დონეზე, არა ცალკეულად აღებული ზოგადი ან რომელიმე საფეხურის. რა თქმა უნდა აქ მნიშვნელოვანი მათ შორის კავშირების დანახვა იყო,თუ როგორ უწყობს თითოეული საფეხურის განვითარება, შემდეგის განვითარებას ხელს. იმ და შემდეგ ბევრ შეხვედრაზე, მათშორის საერთაშორისო და საფინანსო ორგანიზაციებთან ვმსჯელობდით განათლების სისტემის განვითარებაზე, კვლევებზე და საქართველოს სპეციფიკაზე, ესგ ჯგუფის მიერ მომზადებულ კონცეფციაზე, რომელიც რეფორმის დაწყებას სწორედ საკლასო ოთახიდან გულისხმობდა... მიღწევებზე და იმ ფუნდამენტზე, რაზეც აუცილებლად უნდა დაშენებულიყო ეს ხედვა.

ამ ყველაფერთან სინქრონში დავიწყეთ მასწავლებლების სახელფასო პოლიტიკის მოწესრიგება, საპენსიო ასაკს მიღწეულ მასწავლებლებს შევთავაზეთ არჩევანი - სურვილის შემთხვევაში მათი ღირსეული გაცილების გზით.

წახალისებაზე ორიენტირებული სისტემა, სკოლების მართვის სისტემის ეფექტიანობის გაზრდა, ამისათვის სკოლების "დარუქების" პროექტის დაწყება (რომლის სოფტი MCC/MCA შეგვიძინა), - სადაც EMIS ბაზაზე ამ ეტაპისთვის სისტემაში ჩაშენდა უამრავი მონაცემი და დაიხაზა საფეხმავლო გზებიც კი, უბნის დონეზეა შესული მონაცემები მოსწავლების შესახებ და განათლებაზე ხელმისაწვდომობის სრული ანალიზია შესაძლებელი. შემდგომ კი მოსწავლეთა შედეგების და სკოლების თვით/შეფასების ინტეგრირების შესაძლებლობას იძლევა..

ეს ყველაფერი კი მიმართულია სკოლების გაძლიერებისკენ გადაიქცნენ სოციალურ-კულტურულ, მულტიფუნქციურ განათლებისა და აღზრდის კერებად, რაც ასე მნიშვნელოვანია ქვეყნის, რეგიონის და სოფლის გასაძლიერებლად. ამ ხედვის შეთავაზებით, წელიწადნახევარში 300 მლნ ზე მეტი აშშ დოლარის საინვესტიციო პროექტების მოძიება გახდა შესაძლებელი ჩვენი საერთაშორისო პარტნიორებისგან და ყოველწოიურად მნიშვნელოვნად მზარდი სახელმწიფო ბიუჯეტის დადასტურება!

დიდი მადლობა თითოეულ მასწავლებელს, განათლების მუშაკებს, ჩვენს ყველა დარგობრივ, ფინანასურ და ადმინისტრაციულ დეპარტამენტს, ჩვენს სსიპ-ებს, საერთაშორისო პარტნიორებს, და პოლიტიკურ გუნდს!

“რეფორმა”- პროცესია, მნიშვნელოვანია მუდმივი განვითარება და მდგრადობა, მონაცემებზე დაფუძნებით მუდმივი დახვეწა. ყველაფერი გრძელდება და კიდევ უამრავ და მასშტაბურ სიახლეს შემოგვთავაზებს, რაშიც დიდ წარმატებას ვუსურვებ სამინისტროში ჩემს კოლეგებს!

და რა თქმა უნდა, მადლობა მინისტრს, ბატონ მიხეილ ჩხენკელს, მისი ნდობისთვის და მხარდაჭერისთვის, ჩვენი თანამშრომლობის ყველა ეტაპზე!“ - წერს ირინა აბულაძე.

შეიძლება დაინტერესდეთ

„პლუს პირველ ასეთ პედაგოგს ნუკრი ქანთარიაც გადაეცეს საჩუქრად!“ - რა რეაქციები მოჰყვა ნუკრი ქანთარიას ინიციატივას პედაგოგებისთვის პირუტყვისა და კარ-მიდამოს გადაცემის შესახებ

„პლუს პირველ ასეთ პედაგოგს ნუკრი ქანთარიაც გადაეცეს საჩუქრად!“ - რა რეაქციები მოჰყვა ნუკრი ქანთარიას ინიციატივას პედაგოგებისთვის პირუტყვისა და კარ-მიდამოს გადაცემის შესახებ

დეპუტატ ნუკრი ქანთარიას ინიციატივამ, რომ სოფელში გადასულ მასწავლებელს პირუტყვი და კარ-მიდამო მიეცეს, მასწავლებელთა მხრიდან არაეთგვაროვანი რეაქცია გამოიწვია. 

„მასწავლებლებს სოფლად მაქსიმალური ყურადღება უნდა მიექცეთ. გვქონდა ასეთ ვარიანტზეც მსჯელობა, რომ თუ ჩავა აქედან ადამიანი, მათ მისცენ კარ-მიდამო, ნაკვეთი, პირუტყვი... ხოლო რამდენიმე წლის შემდეგ, ეს გადავიდეს მის პირად საკუთრებაში. ეს იქნება გარკვეული სტიმული.  ასე რომ, მიმდინარეობს ფიქრი ამ ინიციატივაზე და არა მარტო, ფიქრი, ხორციელდება გარკვეული ქმედებები,“ - განაცხადა  დეპუტატმა.  

​გთავაზობთ აღნიშნულ ინიციატივასთან დაკავშირებით  სოციალურ ქსელში მასწავლებელთა გამოხმაურებებს:

„რატომაც არ იქნება! ვისაც ქალაქში და არც არსად არა აქვს სახლი, იმათთვის იქნება.“

„ვინც მისიონერად არის წასული? გამსახურდიას დროს მისცეს მასწავლებლებს კერძო საკუთრება, სხვათა შორის ზოგი დამკვიდრდა და დღესაც იქ საქმიანობს რამდენიმე...“

„ადაპტაციის პერიოდს გაუმარტივებს ნამდვილად. იმდენია მიტოვებული კარ-მიდამო სოფლად!“

„10 წლის წინ სოფელში სამუშაოდ წასვლა ცუდ ჟესტად ჩამითვალეს. პატრონი რომ ჰყოლოდა, აქ რა უნდოდაო ასე თქვა დიდმა და პატარამ. იღბალი არ მაქვს.“

„ვისაც წასვლა უნდა მისთვის რატომ არ იქნება! ეს ხო არ ნიშნავს რომ ხელფასი არ ექნებათ და უხელფასოდ უნდა იმუშაონ. თუ ამ მხრივაც ექნებათ დახმარება ძალიან კარგი იქნება!“

„ხელფასიც და საცხოვრებელიც... კარგი აზრია, მაგრამ სკეპტიკური ვარ და ბოლომდე არ მჯერა... ახლა რომ უნივერსიტეტს ვამთავრებდე, შეიძლება მეც მეფიქრა, სახლი თუ მექნებოდა და ადამიანური ხელფასი..“

„პლუს პირველ ასეთ პედაგოგს ნუკრი ქანთარიაც გადაეცეს საჩუქრად!“

„მთის სოფლები კი არა და ბარის სოფლებიც ისე იცლება, რომ სკოლაში 17 ბავშვიღა შეგვრჩა... ჩემი შვილისთვის, რომელიც სოფელში გადავიყვანე სკოლისა და კლასის შესანარჩუნებლად, არც ტრანსპორტირება იყო ხელმისაწვდომი,( არ ეკუთვნისო იმ ბავშვებს ტრანსპორტირება, საიდანაც საზოგადოებრივი ტრანსპორტი დადისო, არა და რაიონის ცენტრში კი მოჰყავს 2 სკოლის მანქანას მოსწავლეები ამავე სოფლიდან. შეგნებულად უწყობენ ხელს სოფლის დაცლას.“

„პირიქით მთიდან უნდა ჩამოიყვანოთ ბარში! არაკომფორტული და რთულია მთაში ცხოვრება, განვითარების საშუალებაც ნაკლებად აქვთ. ასე ძალიან თუ უნდა თვითონ იცხოვროს მთაში.“

„თქვენ რომ დაგირიგოთ ძროხები არა? ქუთაისშიც ვერ გაძელით იმხელა ხელფასზე და ჩვენ გვისტუმრებთ მთაში?“

„და განათლებულ კადრს რომ მოხსნიან და გაუნათლებლით ჩაანაცვლებენ ალბათ ეგაა პირუტყვი?!“

„კომბალი არაა?“

2019-2020 სასწავლო წლისათვის პირველკლასელთა რეგისტრაციაში ცვლილებები შევიდა

როგორ გავხადოთ სწავლის პროცესი ბავშვებისთვის მიმზიდველი

რატომ არ უყვართ ბავშვებს სწავლა და რა სირთულეების წინაშე დგანან პედაგოგები

ფილმი, რომელიც მასწავლებლის პროფესიას სულ სხვა თვალით დაგანახებთ

რას ჰპირდებოდა განათლების მინისტრი მასწავლებლებს 2019 წლისთვის

რას გულისხმობს „ახალი სკოლის მოდელი“ - დეტალები

გაუქმდება თუ არა უფასო ფაკულტეტები - მიხეილ ბატიაშვილის პასუხი

გასულ წლებში სკოლის გამოცდებში ჩაჭრილ მოსწავლეებს, 2019 წლის ერთიან ეროვნულ გამოცდებზე რეგისტრაცია შეეძლებათ

განათლების სამინისტრო მორიგ კონკურსს აცხადებს

რა შედეგებს უნდა ველოდოთ განათლების სფეროს დაფინანსების გაზრდის შემდეგ და რა სახის რეფორმები გატარდება გაზრდილი ბიუჯეტით?

მარტიდან სკოლებში „ახალი სკოლის მოდელი“ ამუშავდება

სასკოლო ექსკურსიებთან დაკავშირებით ახალი რეგულაციები 2020 წლიდან დაწესდება

მასწავლებელთა ვაკანსიები საჯარო და კერძო სკოლებში

წაიკითხეთ სრულად