Baby Bag

„ბავშვი რომ ორი წლის გახდება და იტყვის: „მე მინდა“ ან „მე არ მინდა,“ ის უკვე პიროვნებაა და მას პატივი უნდა ვცეთ,“ - ყარამან ფაღავა

„ბავშვი რომ ორი წლის გახდება და იტყვის: „მე მინდა“ ან „მე არ მინდა,“ ის უკვე პიროვნებაა და მას პატივი უნდა ვცეთ,“ - ყარამან ფაღავა

​​პედიატრი ყარამან ფაღავა მშობლისა და ბავშვის ურთიერთობაზე საუბრობს. მისი თქმით, მშობელი ბავშვის მიმართ ალერსიანი უნდა იყოს და მას ყოველთვის თანადგომას უცხადებდეს:

„ბავშვი რომ ორი წლის გახდება ან სამი წლის და იტყვის: „მე მინდა“ ან „მე არ მინდა,“ ის უკვე პიროვნებაა და მას პატივი უნდა ვცეთ. ამ ასაკში საოცრად კეთილი, მშვიდი, წყნარი ბავშვი ბანდიტად გადაიქცევა, რას არ გატეხავს, რას არ დაანგრევს. რაც მთავარია, მან შეიძლება საკუთარ თავსაც ავნოს. ამ შემთხვევაში ძალიან მნიშვნელოვანია ე.წ. მშობლური ჩვევები. მშობელს უნდა ჰქონდეს გარკვეული ჩვევები. ქალებში ეს უფრო ავტომატურად ხდება. ვაჟებში უფრო გვიან ვითარდება ხოლმე. მშობელმა, პირველ რიგში, უნდა იცოდეს ალერსი. ​ალერსს და სიყვარულის გამოხატვას ზედა საზღვარი არ უნდა ჰქონდეს. მან უნდა დაიცვას ბავშვი. ბავშვმა უნდა იცოდეს, რომ რაც უნდა გააკეთოს, მშობელი ყოველთვის მის გვერდით იქნება და მას დაიცავს.“

​ყარამან ფაღავას თქმით, მნიშვნელოვანია, რომ სკოლაში ბავშვი ჯანსაღი ცხოვრების წესს ეჩვეოდეს:

„სკოლა ძალიან მნიშვნელოვანია, მაგრამ ის ზოგჯერ დაავადების მიზეზიც შეიძლება იყოს. არსებობს მთელი ციკლი პედიატრიისა, რომელსაც ჰქვია „სასკოლო მედიცინა.“ ვცდილობთ საქართველოში დავნერგოთ ჯანსაღი სკოლების პროგრამა. სკოლა ჰიგიენური თვალსაზრისით უნდა იყოს კარგი, არ უნდა იყოს ბულინგი, ​არ უნდა იყოს მასწავლებლის მხრიდან შეურაცხყოფა. აუცილებელია სკოლაში ცხოვრების ჯანსაღი წესის სწავლება. ეს არამხოლოდ მოზარდებისთვისაა კარგი. მოზარდი როდესაც გაიგებს, რომ თამბაქო ცუდია, ის მამას აჩერებს. ეუბნება: „მამა, რატომ ეწევი? გინდა ავად იყო და ჩვენ მარტო დაგვტოვო?“ ნებისმიერმა მამაკაცმა, რომელიც გაიგებს შვილისგან ამ სიტყვებს, უარი უნდა თქვას თამბაქოს მოწევაზე. მნიშვნელოვანია განვითარების ხელშეწყობა. დღეში ხუთი წუთი მაინც ბავშვთან ერთად მშობელმა წიგნი უნდა გადაშალოს, მოუსმინოს, მოუყვეს, მამამაც და დედამაც, მთავარია, ვინ როგორ არის დაკავებული.“

​ყარამან ფაღავა ბავშვთა ასაკისთვის დამახასიათებელ დაავადებებზე საუბრობს:

„რაც შეეხება დაავადებებს, ზოგიერთი დაავადება ბავშვთა ასაკისთვის სპეციფიკურია. ნულიდან სამ წლამდე არის ახალშობილთა პათოლოგიები, თანდაყოლილი ანომალიები, მშობიარობასთან დაკავშირებული დაავადებები. ეს შეიძლება იყოს ინფექციები, მძიმე მშობიარობის შემდგომ ასფიქსიის შედეგები, ე.წ. ცერებრული დამბლა, უეცარი სიკვდილის სინდრომი. მე აღარ ვლაპარაკობ იმ ხშირ დაავადებებზე, როგორებიც არის მწვავე რესპირატორული სინდრომი და ბრონქიტი და ა.შ. ახლა ზამთარია და სავსეა მსგავსი დაავადებები. ესენია ბავშვთა ასაკის ძირითადი დაავადებები.“

„დაავადებების პრევენციის ერთ-ერთი საუკეთესო საშუალება გახლავთ ბუნებრივი კვება. ​ბუნებრივი კვება დიდებული რამ არის. თუ ბავშვი ბუნებრივ კვებაზეა, ის 6 თვე დაცულია ინექციებისგან. ამ პერიოდის დაავადებებში მნიშვნელოვანია ნაყოფის ალკოჰოლური ინტოქსიკაციის შედეგები. მეძუძურმა დედამ არ უნდა დალიოს. ჩასახვის პერიოდშიც არც დედამ, არც მამამ ალკოჰოლი არ უნდა მიიღოს. ამან შეიძლება იმოქმედოს ნაყოფზე და ხომ წარმოგიდგენიათ, ეს როგორი უბედურებაა,“ - აღნიშნავს ყარამან ფაღავა.

​წყარო

„ბავშვი რომ ხშირად ავადმყოფობს, ძალიან ხშირად დედაა დამნაშავე“ - ყარამან ფაღავა
,„ნამეტან სტერილურ გარემოს ვუქმნით ჩვენ ჩვენს შვილებს - არა გაკაჟება, არა ზედმეტი სიბინძურე, არა ცხოველი, ეს სტერილური გარემო იწვევს ალერგოზების, ავტოიმუნური დაავადებების განვითარებას...“ - აღნიშნულის...

შეიძლება დაინტერესდეთ

ცერებრული სინუსის თრომბოზის უფასო კონსულტაციის შესაძლებლობა „ნიუ ჰოსპიტალსში“

ცერებრული სინუსის თრომბოზის უფასო კონსულტაციის შესაძლებლობა „ნიუ ჰოსპიტალსში“

მათ, ვისაც ცერებრული სინუსის თრომბოზი აქვს დიაგნოსტირებული, შესაძლებლობა ეძლევა უფასო კონსულტაცია გაიაროს ქეთევან მიქელაძესთან. ჩაწერა ხდება წინასწარ.

MomsEdu.ge „ნიუ ჰოსპიტალსის“ ნეიროქირურგ, ნეიროინტერვენციონისტ - ქეთევან მიქელაძეს ეწვია და ამ თემის ირგვლივ საინტერესო ინფორმაცია მოამზადა.

- რა არის ცერებრული სინუსის თრომბოზი და ვის აწუხებს ეს პრობლემა?

ქეთევან მიქელაძე:ცერებრული სინუსის თრომბოზი თრომბების იშვიათი ტიპია და წარმოადგენს თავის ტვინის სინუსების დახშობას.ტვინის ვენურ სისტემაში სისხლის შედედების შედეგად წარმოიქმნება თრომბები და ვეღარ გაედინება თავის ტვინიდან.

მეტწილად ეს პრობლემა ვლინდება ქალბატონებში, ვიდრე მამაკაცებში (3:1). რაც შეეხება ასაკს, უფრო ხშირად ახალგაზრდა ადამიანებში ვლინდება.

- როგორ ვლინდება ცერებრული სინუსის თრომბოზი და რა რისკის მატარებელია?

ქეთევან მიქელაძე: ხშირად გამომწვევი რისკ-ფაქტორი შეიძლება იყოს ჰორმონალური დაჩასახვის საწინააღმდეგო აბების გამოყენება, ასევე, ჭარბწონიანობა, სიმსივნე, სისხლძარღვთა სხვადასხვა დაავადება (როგორებიცაა: წითელი მგლურა, ბეხჩეტის სინდრომი და ა.შ), ორსულობა, ნაწლავური დაავადებები, დაბალი არტერიული წნევა თავის ტვინში.თუ დროულად მოხდება დიაგნოსტიკა, რისკი დაბალია, თუმცა ახასიათებს მხედველობის სწრაფი დაქვეითება.

- როგორ ხდება დიაგნოსტირება და მკურნალობა „ნიუ-ჰოსპიტალსში“?

ქეთევან მიქელაძე: პირველ რიგში, საჭიროა მიმართოთ ნევროლოგს, ხოლო შემდეგი ეტაპია მაგნიტურ-რეზონანსული ვენოგრაფია. დასაწყისში ინიშნება მედიკამენტოზური მკურნალობა, რომლის დროსაც ვრთავთ ე.წ. ანტიკოაგულანტები. უმეტეს შემთხვევაში ეს საკმარისი არ არის და თუ შედეგი ვერ გამოიღო, შემდეგ უკვე ინიშნება ენდოვასკულური მკურნალობა.

- ენდოვასკულური მკურნალობის უპირატესობებზე რომ ვისაუბროთ.

-ქეთევან მიქელაძე: ამ დაავადების დროს ენდოვასკულური მკურნალობის არსი მდგომარეობს იმაში, რომ თრომბის დაშლა მექანიკური ან ლოკალური მედიკამეტების მეშვეობით მიმდინარეობს.

- რა პრევენციული ზომები შეიძლება მივიღოთ?

ქეთევან მიქელაძე: უმთავრესი რჩევა იქნება, რომ ახალგაზრდა ქალბატონები, რომლებიც იღებენ ჩასახვის საწინააღმდეგო აბებს, გაითვალისწინეთ - აბებთან ერთად ნიკოტინის მიღება მკვეთრად ზრდის დაავადების რისკებს. გარდა ნიკოტინის მოხმარებისა, დიდი რაოდენობით ალკოჰოლის მიღებაც საზიანოა. 

R. 

წაიკითხეთ სრულად