კორონავირუსისგან სრულად განკურნებული ქეთი თოდუა სოციალურ ქსელში პოსტს აქვეყნებს, რომელსაც სიტყვა-სიტყვით გთავაზობთ:
„ჩემზე როცა გაიგეს კორონათი დაინფიცირებული ვიყავი და ვეზიარე, რას მიზამდნენ ჟურნალისტები ხომ ხვდებით! ის ორი კვირა მართლა ჯოჯოხეთად მიქციეს, მე ჩემი გაჭირვება მყოფნიდა და ამათი მოგერიების ძალა არ მქონდა! დედას და ჩემს შვილს ყოველდღე სახლში უვარდებოდნენ ჟურნალისტები! ადამიანები მლანძღავდნენ, მკვლელს მიწოდებდნენ, მაკრიტიკებდნენ იმისთვის, რომ მე ეკლესიაში ვიყავი. ახლა სად არიან ეს ადამინები, როცა სიმართლე გაიგეს, რომ მე არავისთვის არაფერი გადამიდია! ზიარებით არცერთი ადამიანი რომ არ დაინფიცირებულა! ახლა რატო არ მივარდებით სახლში, რატო არ აკეთებთ ამაზე სიუჟეტს? რატო არ მირეკავთ? ნუთუ, გეწყინათ ყველა ჯანმრთელად რომ არის?! ხომ ხედავთ, ღმერთმა დაგვანახა ყველას, რომ ეკლესია არ არის სახიფათო და მით უმეტეს ზიარება! ჩემი მოძღვარი, რომელიც ასაკიანია და არაერთი ქრონიკული დავადება აწუხებს, არცერთი წამი არ შეშინებულა ამ ვირუსის დავადებით, პირიქით, უფალს ადიდებდა და მადლობდა! გვერდში მედგა და მამხნევებდა, მანუგეშებდა იმის მიუხედავად, რომ ჩემ გამო ჩაკეტეს მონასტერი მომლოცველებისთვის! ქრისტეს მიანდო ჩვენი ჯანმრთელობა და შედეგიც სახეზეა,“ - აღნიშნავს ქეთი რამდენიმე დღის წინ გამოქვეყნებულ პოსტში.
რა უნდა ვიცოდეთ კანქვეშა ჩიპების შესახებ, რომელიც იანვრიდან საქართველოშიც იქნება ხელმისაწვდომი?
„უნილაბის“ დირექტორმა სანდრო ასათიანმა ტელეკომპანია „ფორმულას“ გადაცემაში „დილა ფორმულაზე" კანქვეშა მიკროჩიპების შესახებ ისაუბრა:
„სიტყვა „ჩიპი“ დღეს ნეგატიურის მატარებელია აშკარად. ეს არის მეხსიერების ბარათი. იმის მაგივრად, რომ ათი სხვადასხვა ბარათი იყოს, ყველაფერი შეგიძლია გააერთიანო ერთ პატარა მოწყობილობაში, რომელიც არ დაგეკარგება. მთელი იდეა არის ის, რომ ეს არის მოწყობილობა, რომელიც ინფორმაციას ინახავს.“
სანდრო ასათიანის თქმით, ჩიპები მომავალში განვითარდება, თუ მას ადამიანები შეიძენენ:
„მობილური ტელეფონით შეგიძლია დაადგინო, სად დევს ის ტელეფონი. ფიჭური კავშირი ასე მუშაობს. ის ორმხრივია. ერთის მხრივ, იღებს ინფორმაციას და მეორეს მხრივ - გასცემს. არ მგონია, რომ ამ ჩიპით ადგილმდებარეობის დადგენა იყოს შესაძლებელი. ეს არის ფასიანი პროდუქტი. თუ ადამიანები ამას იყიდიან, ის მომავალში განვითარდება.“
„იქ, სადაც არის კომფორტი, დანარჩენი მეორე ადგილზე მიდის. ვიცით, რომ მანქანები აბინძურებენ გარემოს, მაგრამ მანქანების ყიდვაზე უარს არავინ ამბობს. ამას ჩვენ ვწყვეტთ. ძალით არავინ გვაკეთებინებს. პირიქით, ფულიც უნდა გადაიხადო. როდესაც მომავალზე საუბრობენ, ასეთ რამეს ამბობენ, რომ ტექნოლოგიები ისე განვითარდება, რომ რობოტებსა და ადამიანებს შორის ზღვარი კიდევ უფრო პატარა იქნება,“ - აღნიშნა სანდრო ასათიანმა.
