დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. რა არის სამმაგი სკრინინგ ტესტი და რა დატვირთვა აქვს მას? - დღეს მეან-გინეკოლოგი და ქირურგი ეკა ბუკია ამ თემაზე მოგაწვდით კომპეტენტურ ინფორმაციას.
სამმაგი სკრინიგ ტესტი საშუალებას იძლევა ადრეულ ვადებზე დადგენილ იქნას გენეტიკური ანომალიების არსებობა, როგორიცაა 21-ე ქრომოსომის ტრისომია ანუ დაუნის სინდრომი, მე-18-3 ექრომოსომის ტრისომია-ედვარდსის სინდრომი, ნერვული მილის დაზიანება - სპინა ბიფიდა.
როგორ უნდა მომზადდეს ორსული პროცედურისთვის?
რაიმე წინასწარი მომზადება საჭირო არ არის. ამ მეთოდის დროს ხდება ორსულის ვენიდან სისხლის აღება. იკვლევენ შემდეგი ჰორმონების დონის რაოდენობას:
- ალფა - ფეტო პროტეინი
- ადამიანის ქორიონული გონადოტროპინი
- თავისუფალი ესტრიოლი
კვლევა ტარდება ორსულობის 16-18 კვ. ვადაზე.
განვიხილოთ თითოეული მათგანი:
- ალფა-ფეტოპროტეინი-ცილა, რომელიც გამომუშავდება ქალის საკვერცხეებისა და ნაყოფის მიერ. ამ მაჩვენებლის მაღალი დონე შესაძლოა, უთითებდეს ნაყოფის განვითარების გარკვეულ დეფექტებზე, როგორიცაა ნაყოფის ნერვული მილის დეფექტი.
- ადამიანის ქორიონული გონადოტროპინი - პლაცენტის მიერ გამომუშავებული ჰორმონი. ამ ჰორმონის დაბალი მაჩვენებელი შესაძლოა, მიუთითებდეს ორსულობასთან დაკავშირებულ პოტენციურ პრობლემზე - ნაადრევი მშობიარობის რისკი.
- თავისუფალი ესტრიოლი - გამომუშავდება როგორც პლაცენტიდან, ასევე არის ნაყოფის ორგანიზმში. მისი დაბალი მაჩვენებლის არსებობა შესაძლოა, მიუთითებდეს ნაყოფის დაუნის სინდრომის არსებობაზე. განსაკუთრებით რისკი მაღალია, თუ თანდართულია ალფაფეტოპროტეინის დაბალი და ქორიონული გონადოტროპინის მაღალი მაჩვენებელი.
ტესტის შედეგებზე ზეგავლენა შეიძლება, მოახდინონ ისეთმა ფაქტორებმა, როგორებიცაა:
- ქალის ასაკი
- ქალის წონა
- მრავალნაყოფიანი ორსულობა
- შაქრიანი დიაბეტის არსებობა
ამ ყველაფერს, რა თქმა უნდა, ითვალისწინებენ შედეგების განხილვის დროს.
სამმაგი ტესტის პასუხებში რაიმე ცვლილების არსებობის შემთხვევაში, შემდეგი ეტაპია ამნიოცენტეზის ჩატარება. ასეთ დროს ხდება სანაყოფე სითხის აღება ექოსკოპიის კონტროლით. მუცლის წინა კედლიდან შეჰყავთ ნემსი, რომლის საშუალებით ხდება სითხის აღება შემდგომი კვლევისთვის.
გისურვებთ ჯანმრთელობას!
წაიკითხეთ სრულად
