Baby Bag

მენსტრუაციათა შორის სისხლიანი გამონადენი საშოდან - რა შეიძლება იყოს მიზეზი?

მენსტრუაციათა შორის სისხლიანი გამონადენი საშოდან - რა შეიძლება იყოს მიზეზი?

მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. მენსტრუაციათა შორის სისხლიანი გამონადენი საშოდან - მეან-გინეკოლოგი და ქირურგი ეკა ბუკია დღეს ამ თემაზე მოგაწვდით კომპეტენტურ ინფორმაციას.

როდის უნდა ჩავთვალოთ, რომ გვაქვს მენსტრუაციათა შორის სისხლიანი გამონადენი საშოდან?


ნორმაში მენსტრუაციათა შორის სისხლიანი გამონადენი არ უნდა იყოს, არ აქვს მნიშვნელობა მცირე ინტენსივობითაა თუ ჭარბი რაოდენობით. მენსტრუალური შუალედი (ციკლიდან ციკლამდე) საშუალოდ არის 21-35 დღე. თვითონ მენსტრუალური გამონადენის ხანგრძლივობა კი 2 დან -7 დღემდე გრძელდება. ნებისმიერი სისხლიანი გამონადენი, რომელიც არ ჯდება ზემოთ აღნიშნულ ნორმის ფარგლებში, წარმოადგენს პათოლოგიურ მდგომარეობას და გამოწვეულია სხვა და სხვა ფაქტორებით.

რა იწვევს მენსტრუაციათა შორის სისხლიან გამონადენს?


მენსტრუაციათა შორის სისხლიანი გამონადენის რამდენიმე მიზეზი არსებობს:

1. ჰორმონული დისბალანსი: ესტროგენი და პროგესტერონი - ეს ორი ჰორმონი არეგულირებს მენსტრუალურ ციკლს. თუ არის ამ ჰორმონების ნორმიდან გადახრა, შესაბამისად იქნება მენსტრუალური ციკლის დარღვევა, მესტრუაციათა შორის სისხლიანი გამონადენის არსებობა.

გარდა ამისა თქვენს ჰორმონულ დისბალანსზე გავლენას ახდენს:

  • ფარისებრი ჯირკვლის პათოლოგია
  • ჩასახვის საწინააღმდეგო ორალური კონტრაცეპტივის დაწყება ან დასრულება
  • საშვილოსნოს შიდა კონტრაცეტივის- სპირალის გამოყენება
  • ჩასახვის საჭინააღმდეგო პლასტირის ან იმპლანტის გამოყენება
2. საშვილოსნოს კვანძოვანი მიომა - კეტილთვისებიანი ჰორმონდამოკიდებული წარმონაქმნი, რომელიც შესაძლებელია იყოს მრავლობით ან ერთი, მცირე ზომის ან დიდი ზომის, როგორც საშვილოსნოს კუნთში, ასევე საშვილოსნოს რუში და იწვევდეს როგორც ჭარბ, ასევე გახანგრძლივებულ მენსტრუაციას და სისხლიან გამონადენს მენსტრუაციებს შორის.

3. ინფექციური პორცესები - რეპროდუქციული სისტემის ინფექციური დაავადებები, მცირე მნჯის ღრუშ ინფექციის არსებობა, ასევე სქესობრივი გზით გადამდები დაავადებები.

4. საშვილოსნოს ტანის ან საშვილოსნოს ყელის პოლიპს შეუძლია გამოიწვიოს მენსტრუაციათა შოირს სისხლოვანი გამონადენი. საშვილოსნოს ტანისა და საშილოსნოს ყელის პოლიპი არის კეთილთვისებიანი წარმონაქმნი.

5. მენსტრუაციათა შორის სისხლიანი გამონადენის გამომწვევი მიზეზია: საშოს, საშვილოსნოს, საშვილოსნოს ყელის და საკვერცხის კიბო.

6. იშვიათ შემთხვევებში ზემოთ ხსენებული სისხლიანი გამონადენის მიზეზი შეიძლება იყოს შაქრიანი დიაბეტი, წონის მნიშვნელოვანი მატება ან კლება.

ნებისმიერი ინტენსივობისა და რაოდენობის მენსტრუაციათა შორის სისხლიანი გამონადენის და გახანგრძლივებული ჭარბი მენსტრუაციის დროს აუცილებლად უნდა მიმართოთ გინეკოლოგს, ჩაგიტარდებათ ექოსკოპიური კვლევა და საჭიროების შემთხვევაში დამატებითი კლინიკო-ლაბორატორიული კვლევები.

გისურვებთ ჯანმრთელობას! 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

შეიძლება დაინტერესდეთ

როგორ დავიცვათ ბავშვები მზის სხივებისგან - 6 მარტივი რჩევა

როგორ დავიცვათ ბავშვები მზის სხივებისგან - 6 მარტივი რჩევა

ბავშვობაში მიღებულმა მხოლოდ რამდენიმე სერიოზულმა მზის დამწვრობამაც კი შეიძლება გაზარდოს კანის კიბოს რისკი ზრდასრულობისას. იმისათვის, რომ ბავშვებმა მზის ზედმეტი სხივები მიიღონ, სულაც არ არის აუცილებელი მათი დიდხანს ყოფნა აუზსა ან პლაჟზე. თუნდაც გარეთ სეირნობისას მათ კანს განსაკუთრებული დაცვა ესაჭიროება. გთავაზობთ ​რჩევებს, რომელთა მეშვეობით გაუმკლავდებით მზის ულტრაიისფერ სხივებს.

დაისვენეთ ჩრდილში

შუადღისას ულტრაიისფერი სხივები განსაკუთრებით საზიანოა, ამიტომ უმჯობესია თუ დღის ამ მონაკვეთისთვის ისეთ აქტივობებს დაგეგმავთ, რომ გარეთ გასვლას არ საჭიროებდეთ. მაგრამ თუ ეს არ ხერხდება, მოძებნეთ ჩრდილი ხის ან ქოლგის ქვეშ. ეს ხერხი დაგეხმარებათ დამწვრობის თავიდან ასაცილებლად.

სწორად შეარჩიეთ ბავშვის სამოსი

გრძელმკლავიანი მაისურები, გრძელი შარვლები საუკეთესო გამოსავალია მზის სხივებისგან თავის დასაცავად. აღსანიშნავია, რომ მჭიდროდ ნაქსოვი ტანსაცმელი და სველი მაისურები უკეთ გვიცავს მზის მავნე გამოსხივებისგან. ასევე, საჭიროა სწორად შევარჩიოთ ფერებიც, უმჯობესია ღია ფერის ტანისამოსის გამოყენება. ზოგიერთი ტანსაცმელი საერთაშორისო სტანდარტების მიხედვით არის დამოწმებული ულტრაიისფერი გამოსხივებისგან თავდასაცავად.

აუცილებლად გამოიყენეთ ქუდი

საზაფხულო ქუდი, რომელიც ფარავს სახეს, სკალპს, ყურებსა და კისერს მარტივი გამოსაყენებელია. ასევე, ე.წ „ბეისბოლის კეპი“ დიდი პოპულარობით სარგებლობს ბავშვებში, თუმცა ის ვერ იცავს ყურებსა და კისერს, ამიტომ ნაკლებად რეკომენდებულია. თუ ბავშვი მაინც კეპს აირჩევს, ყურისა და კისრის მიდამოები უნდა დამუშავდეს მზისგან დამცავი კრემით.

ატარეთ სათვალე

სათვალე იცავს ბავშვის თვალს ულტრაიისფერი სხივების მავნე ზემოქმედებისგან, რომელთა გავლენამ შესაძლოა, მოგვიანებით კატარაქტაც კი გამოიწვიოს. აუცილებელია, შეარჩიოთ სათვალე, რომელიც 100 %-ით დაფარავს თვალს და ამგვარად, უზრუნველყოფს საიმედო დაცვას.

გამოიყენეთ მზისგან დამცავი კრემები

სასურველია, მზისგან დამცავი კრემი გამოიყენოთ გარეთ გასვლამდე ნახევარი საათით ადრე. არ დაგავიწყდეთ, კრემი თანაბრად გადაანაწილოთ ცხვირზე, ყურებზე, ტუჩებზე. სასურველია, კრემი მთელი დღე თან ატაროთ და საჭიროებისამებრ გამოიყენოთ. აუცილებელია, ყურადღებით გაეცნოთ ინსტრუქციას. მზისგან დამცავი ყველა კრემი არ შედგება ერთი და იმავე ინგრედიენტებისგან, თუ ბავშვი ალერგიულია რომელიმე ინგრედიენტზე, თქვენ უნდა მიმართოთ ექიმს, რის შემდეგადაც მარტივად გამოცვლით კრემს.

როგორ მოვიქცეთ მზის დამწვრობის დროს?

დაუცველი კანისთვის დაახლოებით 15 წუთიც კი საკმარისია იმისათვის, რომ ფერი შეიცვალოს და მოვარდისფრო გახდეს. დამწვრობის საბოლოო სახის გამოსავლენად კი 12 საათია საჭირო. ასე, რომ დღეს ბავშვის ოდნავ ვარდისფერი კანი, ხვალ შესალოა, დამწვრობად იქცეს, ამიტომ, პირველ რიგში, ბავშვი მზეს უნდა მოვარიდოთ.

სიგრილე ან მოღრუბლული დღე? ბავშვის კანს მაინც სჭირდება დაცვა. ღრუბელი და შედარებით დაბალი ტემპერატურა სულაც არ „ბლოკავს“ ულტრაიისფერ სხივებს. გამოსხივება კვლავ საშიშია.

ზუსტად დაგეგმეთ თუ რამდენი ხანი უნდა გაატაროს ბავშვმა ღია ცის ქვეშ, ვინაიდან, დამწვრობების გამომწვევი მიზეზი, საკმაოდ ხშირად, გაუთვალისწინებელი შემთხვევებია. ისევ შეგახსენებთ, რომ მუდმივად თან ატარეთ მზისგან დამცავი კრემი. მისი შენახვა შეგიძლიათ მანქანაში, ხელჩანთაში ან ბავშვის ზურგჩანთაში. 

ავტორი: მარიამ კვეტენაძე
წყარო: Centers for Desease control and prevention
წაიკითხეთ სრულად