ვიდეო, რომლითაც განათლების სამინისტრო მეთორმეტეკლასელებს ბოლო ზარს ულოცავს

განტვირთვა

ქუთაისის N1 საჯარო სკოლის კურსდამთავრებული ბოლო ზარზე „ჟიგულით“ მივიდა

5 წლის წინ

დღეს საქართველოს საჯარო სკოლის მეთორმეტეკლასელებისთვის ბოლო ზარი დაირეკა. თეთრ მაისურებში გამოწყობილმა დამამთავრებელი კლასის მოსწავლეებმა ეს დღე სხვადასხვაგავარად აღნიშნეს. 

ქუთაისის N1 საჯარო სკოლის კურსდამთავრებული საბა თოლორდავა სკოლაში თავისი განუყრელი მეგობრით, „ჟიგულით“ მივიდა. ეს ფაქტი ინტერნეტსივრცეში, რა თქმა უნდა, შეუმჩნეველი არ დარჩენილა.

„ვინ არის ამ „ჟიგულის“ მძღოლი, რომელმაც დღეს ინტერნეტსივრცე დაიპყრო?!

ვინ არის და ჩემი ძმის შვილი და მომავალში ოსკაროსანი მსახიობი საბა თოლორდავა. დღეს კი ქუთაისის პირველი საჯარო სკოლის კურსდამთავრებული.

ბოლო ზარზე თავისი განუყრელი მეგობრით, „ჟიგულით“ მივიდა და კაი დღეშიც ჩააგდო. მაგრამ დაუვიწყარი მოგონებებისთვის ღირს მსხვერპლის გაღება. დიდი ხალისი და ხიბლი დააკლდებოდა დღევანდელ დღეს საბჭოეთის გადმონაშთის გარეშე.

საბა, დღევანდელი დღის ნამდვილი გმირი ხარ. ასე გააგრძელე! 

შენი ხალისი და ხიბლი შეგეტანოს ყველგან, სადაც კი ფეხს შეაბიჯებ. წარმატებები ჩაგდგომოდეს კვალში და მწვერვალამდე მიეცილებინე.

შენს გულშემატკივართა დიდ არმიაში ვეწერები და ველი ავტოგრაფს,

P.S. სულ დამავიწყდა იმის აღნიშვნა, საბარგულზე გოგო რომ არის წამოსკუპული საბას თანაკლასელი და მამიდაშვილი, ე. ი. ჩემი შვილი ლილე მინდელია,“ - წერს სოციალურ ქსელში საბას მამიდა, ჟურნალისტი ლელა თოლორდავა.

თქვენ როგორ აღნიშნეთ სკოლის დამთავრება? კომენტარებში თქვენი ბოლო ზარის ფოტოები გაგვიზიარეთ.

წაიკითხეთ სრულად