Baby Bag

პირველკლასელთა რეგისტრაციის მეორე ეტაპი იწყება

პირველკლასელთა რეგისტრაციის მეორე ეტაპი იწყება

პირველკლასელთა რეგისტრაციის მეორე ეტაპი იწყება. მოსწავლის რეგისტრაცია და სკოლაში ჩასარიცხად აუცილებელი დოკუმენტების მიღება განხორციელდება - 2019 წლის 2 მაისიდან 17 მაისის ჩათვლით.

რეგისტრირდებიან მხოლოდ ის მოსწავლეები - რომლის და-ძმაც სწავლობს ამ სკოლაში; რომლის მშობელიც სკოლის თანამშრომელია; რომლის ოჯახიდანაც ერთდროულად ორი ან მეტი ბავშვი შედის პირველ კლასში.რეგისტრაციას ახორციელებს საჯარო სკოლა.

მოსწავლის პირველ კლასში ჩასარიცხად წარსადგენი აუცილებელი დოკუმენტებია:

  • მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
  • მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).
  • II ეტაპზე მოსწავლის ჩასარიცხად აუცილებელი დოკუმენტების განსაზღვრულ ვადებში წარუდგენლობის შემთხვევაში, რეგისტრაცია ავტომატურად უქმდება.

    2019-2020 სასწავლო წელს, პირველ კლასში რეგისტრაცია შესაძლებელია იმ ბავშვებისათვის, რომელთაც ზოგადი განათლების დაწყებით საფეხურზე სწავლის დაწყებისთვის შესრულებული აქვთ 6 წელი და მათი ასაკი არ აღემატება 10 წელს.

    შეიძლება დაინტერესდეთ

    განათლების სისტემაში მიმდინარე ცვლილებებთან დაკავშირებით, მანანა რატიანი ქვემო ქართლის სკოლებიდან მოწვეულ დირექტორებს შეხვდა

    განათლების სისტემაში მიმდინარე ცვლილებებთან დაკავშირებით, მანანა რატიანი ქვემო ქართლის სკოლებიდან მოწვეულ დირექტორებს შეხვდა
    განათლების სისტემაში მიმდინარე ცვლილებებთან დაკავშირებით, მასწავლებელთა პროფესიული განვითარების ეროვნული ცენტრის დირექტორის მოადგილე, მანანა რატიანი ქვემო ქართლის სკოლებიდან მოწვეულ დირექტორებს შეხვდა. შეხვედრაზე განიხილეს ისეთი მნიშვნელოვანი თემები, როგორიცაა - მასწავლებელთა სტატუსის ამაღლება, საპენსიო ასაკის პედაგოგებისათვის ერთჯერადი ფულადი ჯილდოს გადაცემის საკითხი და სხვა.
    განათლების სამინისტროს მიერ კომპლექსური რეფორმის დაანონსების შენდეგ, მასწავლებელთა პროფესიული განვითარების ეროვნული ცენტრის თანამშრომლებს ჰქონდათ გასვლითი შეხვედრები საქართველოს ყველა რეგიონში სკოლის დირექტორებსა და რესურსცენტრების ხელმძღვალებთან იმ მიზნით, რომ ისინი ახალ სასწავლოს წელს ინფორმირებული და ორგანიზებული შეხვდნენ.
    წაიკითხეთ სრულად