ახალი სასწავლო წლიდან VII კლასის მოსწავლეები განახლებული სახელმძღვანელოებით ისწავლიან. განათლების სამინისტრომ 14 საგანზე 34 სახელმძღვანელოს მიენიჭა გრიფი.
გრიფირების პროცესის დეტალებზე და სამომავლო გეგმებზე „საქმიან დილაში“ განათლების მინისტრის მოადგილემ, ირინა აბულაძემ ისაუბრა.
„მასწავლებლობის მსურველთა 26%-მა გამოცდა წარმატებით ჩააბარა,“ - აღნიშნულის შესახებ განათლების, მეცნიერების, კულტურისა და სპორტის მინისტრის მოადგილემ ირინა აბულაძემ „იმედის“ პირდაპირ ეთერში განაცხადა.
„ზაფხულში გამოცდაზე მასწავლებლების და მასწავლებლობის მსურველების უპრეცედენტო რაოდეობა დარეგისტრირდა. პირველად მოხდა მსგავსი შემთხვევა, რომ 10 ათასამდე მასწავლებლობის მსურველი დარეგისტრირდა. გამოცდაზე სულ 8000-მდე ადამიანი გავიდა და მათმა 26%-მა მიიღო 10 კრედიტი, რაც ნიშნავს, რომ წარმატებით გადალახა ბარიერი“ - დასძინა ირინა აბულაძემ.
ცნობისთვის, წელს მასწავლებლის კომპეტენციის დასადასტურებლად აპლიკანტთა უპრეცედენტოდ დიდი რაოდენობა დარეგისტრირდა. 31500-მდე დარეგისტრირებულიდან 20 000-ზე მეტი პრაქტიკოსი მასწავლებელი იყო, 10 000 კი - მასწავლებლობის მსურველი.
პედაგოგობის მსურველი პირი მხოლოდ საგნის გამოცდას აბარებდა, პრაქტიკოს მასწავლებელს კი შესაძლებლობა ჰქონდა, დაედასტურებინა როგორც პროფესიული, ისე საგნობრივი კომპეტენცია.
იხილეთ ასევე:
როდის შეეცვლებათ სტატუსი იმ მასწავლებლებს, რომლებმაც გამოცდა ზაფხულში ჩააბარეს
