Baby Bag

საჯარო სკოლებში სწავლა ხვალ განახლდება - რა რეკომენდაციები მისცა განათლების სამინისტრომ სასწავლო დაწესებულებებს?

საჯარო სკოლებში სწავლა ხვალ განახლდება - რა რეკომენდაციები მისცა განათლების სამინისტრომ სასწავლო დაწესებულებებს?

15 იანვარს, საჯარო სკოლებში სწავლა განახლდება, - ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს. მათივე ცნობით, კონტროლის ეროვნული ცენტრის რეკომენდაციით, ამ ეტაპზე გრიპის ვირუსის მიზეზით სწავლის გადადების საფუძველი არ არსებობს.

უწყების ინფორმაციით, საქართველოს განათლების, მეცნიერების, კულტურისა და სპორტის სამინისტროს მიერ, ვირუსის გავრცელების პრევენციის მიზნით, სასწავლო დაწესებულებებს მიეცათ რეკომენდაცია, რომ არდადეგების პერიოდი სკოლის შენობებში სადეზინფექციო სამუშაოების ჩასატარებლად გამოეყენებინათ. ხოლო სასწავლო პროცესის აღდგენის შემდეგ, სკოლაში სისტემატურად დალაგდეს სველი წესით საკლასო ოთახები და დერეფნები, შესაბამისი ხსნარებით გაიწმინდოს მერხები, სკამები და სასკოლო ინვენტარი.

„ასევე, უზრუნველყონ სკოლის ექიმების სრულფასოვანი ჩართულობა პრევენციული ღონისძიებების განხორციელებისას და დაიცვან ყველა ის რეკომენდაცია, რაც დაავადების თავიდან ასაცილებლად ღონისძიებებს უკავშირდება და რომელსაც ჯანდაცვის საერთაშორისო ორგანიზაციისა და საქართველოს დაავადებათა კონტროლის ეროვნული ცენტრი გასცემს,“ - აღნიშნულია განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში.

შეიძლება დაინტერესდეთ

შიდა დაკვირვების გაკვეთილის გეგმის ნიმუში, რომელიც დადებითად შეფასდა

შიდა დაკვირვების გაკვეთილის გეგმის ნიმუში, რომელიც დადებითად შეფასდა

გთავაზობთ გიორგი ჭყონდიდელის სახელობის ფოთის №7 საჯარო სკოლის მუსიკის მასწავლებლის ნანა ქსანდოპულოს მიერ შექმნილ შიდა დაკვირვების გაკვეთილის გეგმის ნიმუშს, რომელიც დადებითად შეფასდა.

გეგმის ნიმუში იხილეთ ბმულზე - ​​​​​​„​პეტია და მგელი“​​​​​​

წაიკითხეთ სრულად