Baby Bag

საქართველო და ფინეთი დისტანციური სწავლების წარმატებით დანერგვის თვალსაზრისით ლიდერ ქვეყნებად დასახელდა

საქართველო და ფინეთი დისტანციური სწავლების წარმატებით დანერგვის თვალსაზრისით ლიდერ ქვეყნებად დასახელდა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა კორპორაცია Microsoft-ის მიერ ორგანიზებულ ვირტუალური განათლების ტრანსფორმაციის პირველ სამიტში მიიღო მონაწილეობა, საზოგადოებას სიტყვით მიმართა და მათ COVID-19-ის პანდემიის ფონზე საქართველოს განათლების სისტემის წინაშე არსებული გამოწვევები და მათი გადაჭრის გზები გააცნო.

სამიტში მონაწილეობდნენ გაერთიანებული ერების განათლების, მეცნიერებისა და კულტურის ორგანიზაციისა (UNESCO), ეკონომიკური განვითარებისა და თანამშრომლობის საერთაშორისო ორგანიზაციის (OECD) წარმომადგენლები და განათლების სექტორში მოღვაწე 300-ზე მეტი ლიდერი.

სამიტის მოდერატორმა, ეკონომიკური განვითარებისა და თანამშრომლობის საერთაშორისო ორგანიზაცია OECD-ის განათლების დირექტორატის ხელმძღვანელმა ანდრეას შლაიხერმა მიხეილ ჩხენკელის გამოსვლის შემდეგ კიდევ ერთხელ ისაუბრა საქართველოს წარმატებულ მაგალითზე და COVID-19-ის კრიზისის პირობებში განათლების სისტემის ადაპტაციისა და დისტანციური სწავლების წარმატებით დანერგვის თვალსაზრისით, საქართველო და ფინეთი ლიდერ ქვეყნებად დაასახელა.

აღსანიშნავია, რომ ეკონომიკური განვითარებისა და თანამშრომლობის საერთაშორისო ორგანიზაციამ (OECD) 2020 წლის ანგარიშში, რომელიც COVID-19-ის პანდემიით განათლების სფეროში შექმნილი გამოწვევების დასაძლევად გამოაქვეყნა, 98 ქვეყანას შორის საქართველოს მთავრობის მიერ განათლების მიღების უწყვეტი პროცესის უზრუნველსაყოფად გადადგმული ნაბიჯები ერთ-ერთ საუკეთესო ნიმუშად შეაფასა. Microsoft-ის მიერ ორგანიზებულ სამიტზე სიტყვით გამოსვლისას მიხეილ ჩხენკელმა განვითარებისა და თანამშრომლობის საერთაშორისო ორგანიზაცია OECD-ის განათლების დირექტორატის ხელმძღვანელს ანდრეას შლაიხერს მადლობა კიდევ ერთხელ გადაუხადა.

შეიძლება დაინტერესდეთ

ბერიკა შუკაკიძე მასწავლებელთა პროფესიული განვითარების ეროვნული ცენტრის ინიციატივების შესახებ საუბრობს

ბერიკა შუკაკიძე მასწავლებელთა პროფესიული განვითარების ეროვნული ცენტრის ინიციატივების შესახებ საუბრობს

ბერიკა შუკაკიძე მასწავლებელთა პროფესიული განვითარების ეროვნული ცენტრის ინიციატივების შესახებ ცენტრის ოფიციალური ფეისბუქგვერდიდან პირდაპირ ეთერში საუბრობს.

როგორც ცენტრის ხელმძღვანელი აღნიშნავს, მასწავლებლის სახლი იწყებს ონლაინ ჩართვებს, სადაც ყველა დაინტერესებულ პირს ექნება შესაძლებლობა, დასვას კითხვა და ცენტრის წარმომადგენლისგან მიიღოს პასუხი.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“ 

„მასწავლებლის სახლი ზოგადსაგანმანათლებლო სკოლების მასწავლებლებს, უნივერსიტეტის პროფესორებსა და მოსწავლეთა მშობლებს სთავაზობს მრავალფეროვან, განახლებულ სასწავლო, საგანმანათლებლო რესურსებს ონლაინ რეჟიმში, მეტიც ამ რესურსების ათვისება და გააზრება უკეთ რომ მოხდეს, ჩვენი ცენტრის კონსულტანტები წინასწარ დათქმულ დროს ლაივ რეჟიმში გამართავენ შეხვედრებს, დისკუსიებს, სადაც ყველა დაინტერესულ პირს საშუალება ექნება დასვას მისთვის აქტუალური კითხვა. ბოლოს კი მინდა გამოვეხმაურო ჩვენი მთავრობის მოწოდებას და მეც ვთხოვო ჩემს კოლეგა-მასწავლებლებს, რომ დარჩით სახლში,“ - აღნიშნავს ბერიკა შუკაკიძე.

იხილეთ ​ვიდეო 


წაიკითხეთ სრულად