Baby Bag

მოსწავლეთა წლიური შეფასება ​2019-2020 სასწავლო წელს - დეტალები სამინისტროსგან

მოსწავლეთა წლიური შეფასება ​2019-2020 სასწავლო წელს - დეტალები სამინისტროსგან
განათლება

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა განათლების ​ანტიკრიზისული გეგმა წარმოადგინა. 

მინისტრმა მოსწავლეების შეფასებაზეც გაამახვილა ყურადღება და აღნიშნულ თემაზე დეტალური ინსტრუქციის სკოლებში გაგზავნა დაანონსა. 

გთავაზობთ დოკუმენტს, რომელიც სკოლებს უკვე მიუვიდათ. 

შექმნილი საგანგებო ვითარებიდან გამომდინარე, ზოგადსაგანმანათლებლო დაწესებულებებში სასწავლო პროცესი მიმდინარეობს დისტანციური სწავლების ფორმით.

როგორც ცნობილია, ეროვნული სასწავლო გეგმის მიხედვით სკოლაში ორი ტიპის შეფასება გამოიყენება - განმსაზღვრელი და განმავითარებელი.

სამინისტრომ 2019-2020 სასწავლო წელს ზოგადი განათლების სამივე (დაწყებითი, საბაზო, საშუალო) საფეხურზე მოსწავლის შეფასების მიზნით ადგენს შემდეგ ნორმებს:

1. მოსწავლის წლიური შეფასება შეიძლება იყოს: განმსაზღვრელი და განმავითარებელი (დაწყებით, საბაზო და საშუალო საფეხურებზე 31-ე მუხლით გათვალისწინებულის შესაბამისი).

2. განმავითარებელი შეფასებისას მასწავლებელი აღწერს თითოეული მოსწავლის სასწავლო წლის განმავლობაში განვლილ საგანმანათლებლო პროცესს. ახასიათებს მის სუსტ და ძლიერ მხარეებს, ასაბუთებს თუ რის გაგება, გააზრება გაუჭირდა მოსწავლეს და რატომ, წაახალისებს მოსწავლის ძლიერ მხარეებს და გაწერს რეკომენდაციებს, სასურველი შედეგის მისაღწევად. დასახავს მომდევნო სასწავლო წელს განსახორციელებელ ღონისძიებებს, აქტივობებს და სხვა. შემუშავებული განმავითარებელი შეფასება, მასწავლებელს მომდევნო სასწავლო წელს თითოეული მოსწავლისთვის ეფექტიანი საგაკვეთილო პროცესის დაგეგმვის და წარმართვის შესაძლებლობას მისცემს. შეფასების დოკუმენტი მასწავლებელმა მოსწავლის მშობელს/ კანონიერ წარმომადგენელს უნდა გააცნოს და საჭიროების შემთხვევაში მასთან/მათთან ინდივიდუალურად მოხდეს დოკუმენტის განხილვა.

3. განმავითარებელი შეფასების პროცესში ფასდება მოსწავლის როგორც საკლასო ოთახში მიღებული გამოცდილება, ისე დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნა, მასალა, სასკოლო აქტივობები, განხორციელებული პროექტები და სხვა.

4. განმსაზღვრელი შეფასების და წლიური ქულის გამოყვანის მიზნით მოსწავლის 2019-2020 სასწავლო წლის წლიურ ქულად განისაზღვროს:

ა) მოსწავლის 2019-2020 სასწავლო წლის I სემესტრში მიღებული ქულა;

ბ) მოსწავლის 2019-2020 სასწავლო წლის I სემესტრის ქულის და 2019-2020 სასწავლო წლის II სემესტრის პირველი ექვსი კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

გ) V კლასის II სემესტრის შემთხვევაში - 2019-2020 სასწავლო წლის II სემესტრის 6 კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

დ) (იმ შემთხვევაში თუ მოსწავლეს 2019-2020 სასწავლო წლის I სემესტრის შეფასება არ აქვს) მოსწავლის 2019-2020 სასწავლო წლის II სემესტრის 6 კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული, რომელიც დამრგვალდება მთელის სიზუსტით ან 2019-2020 სასწავლო წლის II სემესტრში დისტანციური სწავლების პროცესში მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

შენიშვნა: სკოლა თავად განსაზღვრავს მოსწავლის შეფასებისას სამინისტროს მიერ რეკომენდირებულ რომელ შესაძლებლობას გამოიყენებს. სამინისტრო და რესურსცენტრები მეთოდოლოგიურ მხარდაჭერას გაუწევენ სკოლებს.

5. იმ შემთხვევაში, თუ მოსწავლისათვის (გარდა XII კლასის მოსწავლე) ამ მუხლის მე-4 პუნქტის შესაბამისად განსაზღვრული წლიური ქულა არ არის დამაკმაყოფილებელი და სურს საგნის წლიური ქულის ამაღლება:

ა) მოსწავლე/მოსწავლის მშობელი/კანონიერი წარმომადგენელი 2020 წლის 16 ივნისიდან - 2020 წლის 30 ივნისის ჩათვლით მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის/ნიშნების ამაღლების სურვილს.

ბ) სკოლის ადმინისტრაცია 2020-2021 სასწავლო წლის დასაწყისში კონკრეტული საგნების მიხედვით განსაზღვრავს შემაჯამებელი კომპლექსური დავალების შესრულების და შეფასების ვადებს. თითოეული საგნის მასწავლებელი მოსწავლის/მოსწავლის მშობლის/კანონიერი წარმომადგენლის განცხადების საფუძველზე იწყებს მოსწავლისთვის შემაჯამებელი კომპლექსური დავალების მომზადებას. სკოლა ვალდებულია, მოსწავლეებს წინასწარ გააცნოს შემაჯამებელი კომპლექსური დავალება/დავალებები და კონსულტაცია გაუწიოს მიცემული დავალების მომზადების პროცესში.

გ) მოსწავლის შემაჯამებელი კომპლექსური დავალების შეფასება მასწავლებელმა უნდა მოახდინოს 2020-2021 სასწავლო წლის I სემესტრის სემესტრული ქულის დაწერამდე.

დ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ მუხლის მე-4 პუნქტის შესაბამისად განსაზღვრული წლიური ქულის საშუალო არითმეტიკული, რომელიც დამრგვალდება მთელის სიზუსტით.

6. თუ IX კლასის იმ მოსწავლეს, რომელიც ასრულებეს სავალდებულო საბაზო საფეხურს და გადის ზოგადი განათლების სისტემიდან, ამ მუხლი მე-4 პუნქტის შესაბამისად განსაზღვრული წლიური ქულა არ აკმაყოფილებს და სურს საგნის წლიური ქულის ამაღლება:

ა) 2020 წლის 16 ივნისიდან 2020 წლის 19 ივნისის ჩათვლით, მოსწავლე/მოსწავლის მშობელი/კანონიერი წარმომადგენელი მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის ამაღლების სურვილს;

ბ) სკოლის ადმინისტრაცია 2020 წლის 30 ივნისის ჩათვლით მოსწავლეს აძლევს შემაჯამებელ-კომპლექსურ დავალებას და შემაჯამებელი კომპლექსური დავალების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ.

გ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ მუხლის მე-4 პუნქტის შესაბამისად განსაზღვრული წლიური ქულის საშუალო არითმეტიკული, რომელიც დამრგვალდება მთელის სიზუსტით.

7. იმ შემთხვევაში, თუ XII კლასის მოსწავლისათვის, ამ წესის მე-4 პუნქტის შესაბამისად განსაზღვრული წლიური ქულა არ არის დამაკმაყოფილებელი და სურს საგნის წლიური ქულის ამაღლება:

ა) 2020 წლის 21 მაისიდან 2020 წლის 29 მაისის ჩათვლით, მოსწავლე/მოსწავლის მშობელი/კანონიერი წარმომადგენელი მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის ამაღლების სურვილს;

ბ) სკოლის ადმინისტრაცია 2020 წლის 19 ივნისამდე მოსწავლეს აძლევს შემაჯამებელ-კომპლექსურ დავალებას და შემაჯამებელი კომპლექსური დავალების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ;

გ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ წესის მე-4 პუნქტის შესაბამისად განსაზღვრული წლიური ქულის საშუალო არითმეტიკული (დამრგვალებული მთელის სიზუსტით).

8. გამოცდები, რომლებიც განსაზღვრულია ეროვნული სასწავლო გეგმის 36-ე მუხლის მე-9 პუნქტით (გარდა ექსტერნატის გამოცდისა) და 38-ე მუხლის მე-3 პუნქტით, 2019-2020 სასწავლო წელს გაუქმდება; კერძო სკოლები და საგნის/საგნების გაძლიერებული სწავლების სტატუსის მქონე სკოლები თავად იღებენ გადაწყვეტილებას გამოცდების ჩატარებასთან დაკავშირებით და ირჩევენ გამოცდის ჩატარების ფორმას.

9. საქართველოს განათლების, მეცნიერების, კულტურისა და სპორტის მინისტრის 2020 წლის 31 იანვრის N132 ბრძანების მე-2 პუნქტით განსაზღვრული XII კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდების ფორმატი და ექსტერნად რეგისტრაციის/გამოცდების ჩატარებისთვის დადგენილი ვადები დაზუსტდება ქვეყანაში არსებული მდგომარეობის შესაბამისად.

10. მოსწავლეს, რომლმაც 2019-2020 სასწავლო წელს ექსტერნატის ფორმით დაძლიეს კლასი/კლასების გამოცდა/გამოცდები უნარჩუნდებათ მიღებული შეფასება.

11. მოსწავლეს, რომელმაც უცხოეთში სწავლის პერიოდში მიიღო ზოგადი განათლება და ვერ ადასტურებს უცხოეთში სწავლის პერიოდში ზოგადი განათლების მიღების ფაქტს ან უცხოეთში სწავლის პერიოდში ნასწავლი საქართველოს ეროვნული სასწავლო გეგმით გათვალისწინებული სავალდებულო საგნების შესაბამისობა არ იქნა დადგენილი „საქართველოში გაცემული საგანმანათლებლო დოკუმენტების ნამდვილობის დადასტურებისა და უცხოეთში მიღებული განათლების აღიარების წესისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 1 ოქტომბრის №98/ნ ბრძანების შესაბამისად, წლიური ქულის გამოყვანის მიზნით:

ა) უნდა აღუდგეთ მოსწავლის სტატუსი;

ბ) მიმდინარე სასწავლო წლის ბოლომდე, დისტანციური ფორმით, ინდივიდუალური სასწავლო გეგმით უნდა გაიაროს ეროვნული სასწავლო გეგმით განსაზღვრული შესაბამისი კლასის საგნები;

გ) სკოლის ადმინისტრაცია 2020 წლის 19 ივნისამდე მოსწავლეს აძლევს ორ შემაჯამებელ-კომპლექსურ დავალებას და შემაჯამებელი კომპლექსური დავალებების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ;

დ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებებში მიღებული ქულის საშუალო არითმეტიკული, რომელიც დამრგვალდება მთელის სიზუსტით.“
​
იხილეთ შესაბამისი ​ბრძანება

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“

როდის დასრულდება 2019-2020 სასწავლო წელი - თარიღი ცნობილია
მეთორმეტეკლასელები სასწავლო წელს დაასრულებენ 20 მაისს, პირველკლასელები 27 მაისს, დანარჩენი მოსწავლეები - 15 ივნისს, - ამის შესახებ პრემიერ-მინისტრმა გიორგი გახარიამ მთავრობის სხდომაზე  ​განა...
ეროვნული გამოცდები ჩვეულ რეჟიმში გაიმართება და გამოცდების ჩატარების თარიღი ივნისში გამოცხა...
ეროვნული გამოცდები ჩვეულ რეჟიმში გაიმართება და გამოცდების ჩატარების თარიღი გამოცხადდება, როგორც ყოველთვის, ივნისის თვეში, - ამის შესახებ პრემიერ-მინისტრმა გიორგი გახარიამ მთავრობის სხდომაზე განა...
როგორ მოხდება მოსწავლეების შეფასება? - განათლების მინისტრის პასუხი
საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა, ​განათლების ანტიკრიზისული გეგმის წარდგენისას ყურადღება გაამახვილა წლის ბოლოს მოსწავლეთა შეფასების ს...
ეროვნულ გამოცდებზე ერთ ოთახში მაქსიმუმ 10 აბიტურიენტი იქნება
„ეროვნულ გამოცდებზე ერთ ოთახში არაუმეტეს 10 აბიტურიენტი იქნება“, - ამის შესახებ განათლების, მეცნიერების, კულტურისა და სპორტის მინისტრმა მიხეილ ჩხენკელმა განათლების ანტიკრიზისული გეგმის პრეზენტაციისას...
#მასწავლებელი #მოსწავლე #ონლაინსწავლება

შეიძლება დაინტერესდეთ

განათლება

გამომცემლობები მასწავლებლებსა და მოსწავლეებს სასკოლო სახელმძღვანელოების უფასო ელექტრონულ ვერსიებს სთავაზობს

გამომცემლობები მასწავლებლებსა და მოსწავლეებს სასკოლო სახელმძღვანელოების უფასო ელექტრონულ ვერსიებს სთავაზობს

მოსწავლეებსა და მასწავლებლებს გამომცემლობები გრიფირებული სასკოლო სახელმძღვანელოების ელექტრონულ ვერსიებზე უფასო წვდომას სთავაზობენ:

„სულაკაურის გამომცემლობა“ (ყველა გრიფირებული სახელმძღვანელო)


sulakauri.edu.ge/uphaso-el-sakhelmdzghvaneloebi-da-damkhma…/


გამომცემლობა „სწავლანი“, საგანი - ქართული ენა და ლიტერატურა


ქართული ენა. მე-5 კლასი. მოსწავლის წიგნი


https://www.calameo.com/read/005630120ed8938fa35ae


ქართული ენა. მე-5 კლასი. მოსწავლის რვეული


https://www.calameo.com/read/0056301203ce896637c67


ქართული ლიტერატურა. მე-5 კლასი. მოსწავლის წიგნი. ნაწილი 1


https://www.calameo.com/read/00563012020ecda61ec7f


ქართული ლიტერატურა. მე-5 კლასი. მოსწავლის წიგნი. ნაწილი 2


https://www.calameo.com/read/0056301207160ca9eaabd


ქართული ენა და ლიტერატურა. მე-5 კლასი. მასწავლებლის წიგნი


https://www.calameo.com/read/005630120ec1d10c92ffb


ქართული ენა. მე-6 კლასი. მოსწავლის წიგნი


https://www.calameo.com/read/005630120604f6b6d0006


ქართული ენა. მე-6 კლასი. მოსწავლის რვეული


https://www.calameo.com/read/00563012056c7a627d580


ქართული ლიტერატურა. მე-6 კლასი. მოსწავლის წიგნი. ნაწილი 1


https://www.calameo.com/read/0056301201d3913e6dcbd


ქართული ლიტერატურა. მე-6 კლასი. მოსწავლის წიგნი. ნაწილი 2


https://www.calameo.com/read/00563012078f752b8945f


ქართული ენა და ლიტერატურა. მე-6 კლასი. მასწავლებლის წიგნი


https://www.calameo.com/read/00563012039b52543fc2b


ქართული ლიტერატურა. 7 კლასი (ნაწილი 1)


https://en.calameo.com/read/00563012015cacd90abe2


ქართული ლიტერატურა. 7 კლასი (ნაწილი 2)


https://en.calameo.com/read/00563012087eab4be7be4


ქართული ენა. 7 კლასი


https://en.calameo.com/read/005630120f2cb3740a603


ქართული ენა და ლიტერატურა, VIII კლასი


https://www.calameo.com/read/005630120dfe528324f2c


ქართული ენა და ლიტერატურა, IX კლასი


https://www.calameo.com/read/005630120cb85d5fff079


ქართული ენა და ლიტერატურა, X კლასი


https://www.calameo.com/read/0056301203114787d6d43


ქართული ენა და ლიტერატურა, XI კლასი


https://www.calameo.com/read/0056301204ec0b2e8850a


ქართული ენა და ლიტერატურა, XII კლასი


https://www.calameo.com/read/0056301207ba6fe901cea


გამომცემლობა „ლოგოს პრესი“, საგანი - ისტორია VII კლასი


http://logospress.ge/


გამომცემლობა „შემეცნება“, საგანი - ჩვენი გარემო I-VI კლასები


https://www.shemetsneba.ge/


გამომცემლობა „მერიდიანი“, საგანი - სახვითი და გამოყენებითი ხელოვნება III-VI კლასები
http://gm7.ge/…/%e1%83%a1%e1%83%90%e1%83%a1%e1%83%99%e1%83…/


გამომცემლობა „სიდი“, საგანი - მე და საზოგადოება III-IV კლასი

მე და საზოგადოება. III კლასი. მოსწავლის წიგნი (ნაწილი 1)


https://en.calameo.com/read/005635646466bd59a4e45


მე და საზოგადოება. III კლასი. მოსწავლის წიგნი (ნაწილი 2)


https://en.calameo.com/read/0056356462feb0a8080b4


მე და საზოგადოება. III კლასი. მოსწავლის რვეული (ნაწილი 1)


https://en.calameo.com/read/0056356469598c6ac3c02


მე და საზოგადოება. III კლასი. მოსწავლის რვეული (ნაწილი 2)


https://en.calameo.com/read/0056356469432a2ef32fd


მე და საზოგადოება. III კლასი. მასწავლებლის წიგნი


https://en.calameo.com/read/0056356463691680c0f03


მე და საზოგადოება. IV კლასი. მოსწავლის წიგნი (ნაწილი 1)


https://en.calameo.com/read/005635646f749e7998f3d


მე და საზოგადოება. IV კლასი. მოსწავლის წიგნი (ნაწილი 2)


https://en.calameo.com/read/005635646b0d664826566


მე და საზოგადოება. IV კლასი. მოსწავლის რვეული (ნაწილი 1)


https://en.calameo.com/read/005635646d064615879e2


მე და საზოგადოება. IV კლასი. მოსწავლის რვეული (ნაწილი 2)


https://en.calameo.com/read/00563564601344931e091


მე და საზოგადოება. IV კლასი. მასწავლებლის წიგნი


https://en.calameo.com/read/00563564650e46d5c32e1


გამომცემლობა „სიდი“ და „სულაკაურის გამომცემლობა“, საგანი მოქალაქეობა, VII კლასი
მოქალაქეობა, VII კლასი (მასწავლებლის წიგნი)


https://www.calameo.com/read/005635646274aaa736030


მოქალაქეობა, VII კლასი (მოსწავლის წიგნი)


https://www.calameo.com/read/00563564688dc56c76a26


შპს "გაზეთი საქართველოს მაცნე" საგნები - ქართული ენა და ლიტერატურა I-IV კლასები, მათემატიკა V-VI კლასები, ბუნება I-IVკლასები, მუსიკა I-IVკლასები, მეორე უცხოური ენა რუსული V-VI კლასები


http://saqmatsne.ge/%e1%83%a1%e1%83%90%e1%83%a1%e1%83%99%e…/
გამომცემლობა „კლიო“


საგანი - ფიზიკა, VII კლასი


მასწავლებლის წიგნი https://is.gd/laDvyE
მოსწავლის წიგნი http://tiny.cc/onpplz


საგანი - მოქალაქეობა, VII კლასი


მასწავლებლის წიგნი https://is.gd/7lHGrT

მოსწავლის წიგნი http://tiny.cc/mipplz

საგანი - ჩვენი საქართველო


V კლასი


მასწავლებლის წიგნი https://goo.gl/EMvifM
მოსწავლის წიგნი პირველი ნაწილი http://tiny.cc/8r2mlz
მოსწავლის წიგნი მეორე ნაწილი http://tiny.cc/o12mlz


VI კლასი


მასწავლებლის წიგნი https://goo.gl/twKcmG
მოსწავლის წიგნი პირველი ნაწილი http://tiny.cc/ol3mlz
მოსწავლის წიგნი მეორე ნაწილი http://tiny.cc/zyoplz


Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.
წაიკითხეთ სრულად
გასათიშად დააჭირეთ ESC.