Baby Bag

ინტენსიურად გრძელდება ზოგადსაგანმანათლებლო ინფრასტრუქტურის მოწესრიგება, რათა სკოლებში მაქსიმალურად იყოს დაცული ჰიგიენის ყველა ნორმა

ინტენსიურად გრძელდება ზოგადსაგანმანათლებლო ინფრასტრუქტურის მოწესრიგება, რათა სკოლებში მაქსიმალურად იყოს დაცული ჰიგიენის ყველა ნორმა

განათლების, მეცნიერების, კულტურისა და სპორტის მინისტრის მოადგილემ ეკატერინე დგებუაძემ, კორონავირუსის გავრცელების პრევენციის მიზნით, 2020-21 სასწავლო წლისთვის სკოლებში სანიტარულ-ჰიგიენური სტანდარტის გასაუმჯობესებლად ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილესთან თამარ გაბუნიასთან, დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) დირექტორთან ამირან გამყრელიძესთან და საქართველოში გაეროს ბავშვთა ფონდის (UNICEF Georgia) წარმომადგენელთან ღასან ხალილთან ერთად სამუშაო შეხვედრა გამართა.

მინისტრის მოადგილის თქმით, ინტენსიურად გრძელდება ზოგადსაგანმანათლებლო ინფრასტრუქტურის მოწესრიგება, რათა სკოლებში მაქსიმალურად იყოს დაცული ჰიგიენის ყველა ნორმა. ამისთვის კი მნიშვნელოვანია ის რეკომენდაციები, რომლებიც ჯანდაცვის სექტორმა უნდა შეიმუშაოს, რათა დაცული იყოს თითოეული მოსწავლის ჯანმრთელობის უსაფრთხოება და სრულყოფილი სასწავლო გარემო.

შეხვედრაზე იმსჯელეს იმ მექანიზმის შემუშავებაზე, რომელიც უზრუნველყოფს სკოლებში სანიტარულ-ჰიგიენური პირობების დაცვასა და შემდგომ მონიტორინგს, ასევე სკოლის ექიმის ინსტიტუტის გაძლიერებას.

მხარეებმა მიიღეს გადაწყვეტილება, რომ პანდემიის პირობებში ახალი სასწავლო წლისთვის მზადების საკითხების დეტალური განხილვისთვის, ექსპერტების ჩართულობით, შეიქმნება უწყებათაშორისი სამუშაო ჯგუფი.

შეიძლება დაინტერესდეთ

როგორ უხსნის მამა შვილს ხელების დაბანის მნიშვნელობას - ნახეთ ვიდეო, რომელსაც 1 მილიონზე მეტი ნახვა აქვს

როგორ უხსნის მამა შვილს ხელების დაბანის მნიშვნელობას  - ნახეთ ვიდეო, რომელსაც 1 მილიონზე მეტი ნახვა აქვს
მიუხედავად იმისა, რომ კორონავირუსი მეცნიერებს ჯერ კიდევ არა აქვთ ბოლომდე შესწავლილი და მასთან დაკავშირებით გარკვეული კითხვები პასუხგაუცემელია, ერთი რამ ცხადია - ხელების რეგულარული დაბანა ერთერთი ყველაზე ეფექტური საშუალებაა ვირუსის გავრცელების თავიდან ასაცილებლად. 

თუმცა პატარა ბავშვების დარწმუნებას, რომ ხშირად დაიბანონ ხელი საკმაო ძალისხმევა სჭირდება. მიუხედავად იმისა, რომ ყველა მშობელი ასწავლის ბავშვებს საბაზისო ჰიგიენას, შესაძლოა ბავშვებმა ვერ გააცნობიერონ, კორონავირუსის პანდემიად გამოცხადების პირობებში თუ რატომ არის ხელების ხშირად დაბანა განსაკუთრებით აუცილებელი. 

გთავაზობთ ვიდეოს, სადაც მამა შვილს ხელების დაბანის მნიშვნელობას უხნის. ნახეთ ვიდეო, რომელსაც სოციალურ ქსელში 1,3 მლნ. ნახვა აქვს და არ დაგავიწყდეთ!!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
წაიკითხეთ სრულად