საკლასო ოთახებში დაბრუნება სასიცოცხლოდ მნიშვნელოვანია ჩვენი შვილებისთვის

​საქართველოს მთავარობის ინფორმაციით, 2012 წლიდან დღემდე მასწავლებელთა საშუალო ხელფასი 236%-ით გაიზარდა. მათივე ცნობით, აღსანიშნავია, რომ მასწავლებლების ხელფასების ზრდის პროცესი უწყვეტად მიმდინარეობს:

• 2019 წლის ოქტომბრიდან ზრდა + 150 ლარით;
• 2021 წლის 1 იანვრიდან ზრდა + 100 ლარით;

როგორც მთავრობის მიერ გავრცელებულ ინფორმაციაშია აღნიშნული, 2020 წელს პანდემიის მიუხედავად, საგანმანათლებლო ინფრასტრუქტურული პროექტები შეუფერხებლად ხორციელდებოდა:

• აშენდა 30 სკოლა;
• 60 სკოლის მშენებლობა 2021 წელს დასრულდება;
• განხორციელდა 800-მდე საჯარო სკოლის სველი წერტილის რეაბილიტაცია;
• განხორციელდა 9 საჯარო სკოლის სრული და 150-ზე მეტი საჯარო სკოლის ნაწილობრივი რეაბილიტაცია;
• დაიწყო 100-ზე მეტი საჯარო სკოლის რეაბილიტაციის პროცესი.