Baby Bag

,,1-ლი ოქტომბრიდან სწავლა მთელი ქვეყნის მასშტაბით საკლასო ოთახებსა და აუდიტორიებში გაგრძელდება'' - განათლების მინისტრის მიმართვა სწავლის დაწყების დღეს

,,1-ლი ოქტომბრიდან სწავლა მთელი ქვეყნის მასშტაბით საკლასო ოთახებსა და აუდიტორიებში გაგრძელდება'' - განათლების მინისტრის მიმართვა სწავლის დაწყების დღეს

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი ახალი სასწავლო წლის დაწყების პირველ დღეს პედაგოგებს, მოსწავლეებს, მშობლებს, სტუდენტებსა და პროფესორ-მასწავლებლებს მიმართავს:

„2020 წელი, პანდემიიდან გამომდინარე, გამოწვევებით სავსე აღმოჩნდა მთელი მსოფლიოსთვის. შესაბამისად წლევანდელი სასწავლო წლის დაწყებაც უჩვეულო პირობებში გვიწევს.

თითოეული მოსწავლის, მასწავლებლის, სტუდენტის, ლექტორისა და თითოეული მოქალაქის ჯანმრთელობისა და უსაფრთხოების დაცვა ჩვენი ხელისუფლების უპირველესი საზრუნავია, ამიტომ კორონავირუსის გავრცელების პრევენციის მიზნით, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, საქართველოს ზოგიერთ ქალაქსა და სოფელში სკოლებსა და უმაღლეს სასწავლებლებში სასწავლო პროცესი 15 სექტემბრიდან დისტანციურ რეჟიმში, ხოლო დანარჩენ მუნუციპალიტეტებში საკლასო ოთახებში დაიწყო. 1-ლი ოქტომბრიდან კი სწავლა მთელი ქვეყნის მასშტაბით საკლასო ოთახებსა და აუდიტორიებში გაგრძელდება.

გაზაფხულის სემესტრში პანდემიის პირობებში საქართველოს განათლების სისტემა უმოკლეს დროში ადაპტირდა ახალ რეალობასთან და ჩვენ გუნდურად, უცხოელ პარტნიორებთან თანამშრომლობით, ღირსეულად და სამაგალითოდ გავუმკლავდით არსებულ გამოწვევას. შედეგად, შევინარჩუნეთ განათლების უწყვეტობა და ხარისხი. ამიტომ, ჩვენს საგანმანათლებლო სისტემას ჰიბრიდული სწავლების თვალსაზრისით უკვე საკმაო გამოცდილება აქვს მიღებული.

წინა სემესტრში პროექტი „ტელესკოლა“ იყო ერთ-ერთი მნიშვნელოვანი ბურჯი, რომელმაც საშუალება მოგვცა მაქსიმალურად შეგვენარჩუნებინა სწავლაზე ხელმისაწვდომობა. ამჟამადაც, 15 სექტემბერს, პროექტი „ტელესკოლა“ იწყებს ფუნქციონირებას. ეს იქნება დისტანციური სწავლების მნიშვნელოვანი კომპონენტი, სერიოზული დამატებითი რესურსი ყველა მოსწავლისა და მასწავლებლისთვის.

იმისათვის, რომ წარმატებით დავძლიოთ ჩვენ წინაშე არსებული გამოწვევა, თითოეული მოქალაქისაგან საჭიროა უდიდესი მოქალაქეობრივი პასუხისმგებლობის გამოჩენა, რომ ეპიდსიტუაცია არ გაუარესდეს. მჯერა, რომ საერთო ძალისხმევით შევძლებთ ამ ყველაფერთან გამკლავებას და სასწავლო პროცესი დაუბრუნდება ჩვეულ გარემოს – ყველა სკოლაში დავბრუნდებით საკლასო ოთახებში, ხოლო უნივერსიტეტებში – აუდიტორიებში.

მე, როგორც, მინისტრი და ამ ქვეყნის რიგითი მოქალაქე, უდიდეს მადლობას გიხდით თითოეულ მოსწავლესა და მასწავლებელს, სტუდენტსა და ლექტორს, მშობელს, საგანმანათლებლო დაწესებულებების უკლებლივ ყველა თანამშრომელს თქვენი გამძლეობის, პროფესიონალიზმის, პასუხისმგებლობისა და თავდადებისთვის.

ჯანმრთელობას, წარმატებასა და დასახული მიზნების მიღწევას გისურვებთ!“ - ნათქვამია მინისტრის მიმართვაში.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

შეიძლება დაინტერესდეთ

,,კოვიდგადატანილები არ არიან გარანტირებული, რომ მუტაციის ამ ახალი ფორმით ხელმეორედ არ დაავადდებიან!'' - ავსტრიაში მოღვაწე ქართველი ექიმი კორონავირუსის ახალ შტამსა და ვაქცინაციაზე

,,კოვიდგადატანილები არ არიან გარანტირებული, რომ მუტაციის ამ ახალი ფორმით ხელმეორედ არ დაავადდებიან!'' - ავსტრიაში მოღვაწე ქართველი ექიმი კორონავირუსის ახალ შტამსა და ვაქცინაციაზე
ქართველი ექიმი ირმა კვიცარიძე, რომელიც ავსტრიაში მოღვაწეობს სოციალურ ქსელში კორონავირუსის მუტაციასა და ვაქცინაციასთან დაკავშირებით პოსტს აქვეყნებს. ​MomsEdu.ge მის ნათქვამს სიტყვა-სიტყვით გთავაზობთ:

,,დროულად მოწოდებულმა ინფორმაციამ პანიკაში არ უნდა ჩაგაგდოთ, საჭიროა ასევე ამ ინფორმაციის დროულად გათავისება.

მესამე ლოკდაუნი გვაქვს და მიზეზი არის ბრიტანული მუტაცია. საშიშია! ვრცელდება სწრაფად. ერჩის ძირითადად ახალგაზრდებს, ავადობა გრძელდება 16 დან 20 დღემდე. და ინტენსიურ განყოფილებაში მოხვედრილ პაციენტს სჭირდება უფრო დიდხანს ინტენსიური მეთვალყურეობა ვიდრე ვირუსის პირვანდელ სახით დაავადების დროს. ამიტომ ინტენსიური განყოფილებები მალე ივსება და უკვე ჩვენთან ინტენსიურ განყოფილებაში ადგილების დეფიციტიც იქმნება!

კოვიდგადატანილები არ არიან გარანტირებული რომ მუტაციის ამ ახალი ფორმით ხელმეორედ არ დაავადდებიან!

აქვე დღეს შევიტყვეთ რომ ინდოეთში გამოჩნდა კორონა ვირუსის ახალი მუტაცია რომელსაც ვირუსს ორმაგი მუტაციით უწოდებენ. თუ აქამდე ახალ მუტაციებში მხოლოდ ერთი რომელიმე კომპონენტის ცვლილება იყო, ამ მუტაციში ერთდროულად ორი კომპონენტია შეცვლილი. რაც მას გავრცელების უფრო სწრაფ შესაძლებლობას აძლევს და დაავადებაც მიმდინარეობს უფრო რთული ფორმით ვიდრე აქამდე არსებული ყველა მუტაციის ფორმა.

მაშინ როცა საქართველოში მსჯელობა მიდის რომელი ვაქცინით ავიცრებით, ფაიზერით თუ ასტრაზენიკათი, მსოფლიო მსჯელობს მეორე და მესამე თაობის ვაქცინებზე, ეს ის ვაქცინებია რომლებიც ერთდროულად მუტაციის სხვადასხვა ფორმისათვის გამოდგება. ავსტრია ზაფხულისათვის გეგმავს ასეთი ტიპის ვაქცინების 5 დან 10 მილიონამდე დოზის გამოშვებას! (ერთხელ დავწერე და კიდე გავმეორდები)!

და კიდევ ერთხელ, აქამდე არსებული კოვიდის საწინააღმდეგო ყველა ვაქცინა გვიცავს ვირუსით მძიმედ დაავადებისაგან! ანუ თუ დაავადდებით ვირუსით, ინტენსიურ განყოფილებაში არ დაგვჭირდება მკურნალობა და არც მართვით სუთქვაზე გადაყვანა. დაავადებას გადავითანთ მარტივად.

ასევე მიუხედავად იმისა რომ ქვეყნების უმრავლესობამ, მათ შორის ისრაელმა, აცრა მისი მოსახლეობა ფაიზერის ვაქცინით, ახალი ინფექციების რიცხვი მაღალია , მიზეზი ბრიტანული მუტაციაა! ვიცით რომ მუტაციის ამფორმის შემთხვევაში,საქართველოში ,,სახელგატეხილი" ასტრაზენიკას ვაქცინა ლიდერია, ანუ მუტაციის ბრიტანული ფორმისგან გვიცავს!

საქართველოში შემოდის ფაიზერის ვაქცინა, კარგია, მაგრამ თუ უსაფრთხოების ნორმები არ იქნება სათანადოდ დაცული, მას შეიძლება მეტი გართულება მოყვეს. რატომღაც ამ გართულებებზე არავინ საუბრობს!

მხოლოდ ერთ პრაქტიკულ მინიშნებას გავაკეთებ, ამ ვაქცინის სწორი დოზირება შპრიცებში არის რთული პროცესი და მოითხოვს ყველა წესის დაცვას!!!

(რისკების გათვალისწინება გამომდინარე გვერდითი მოქმედებებისაგან აქაც საყურადღებოა)!

მე ვფიქრობ, რომ ვაქცინის გაკეთების პროპაგანდა კი არ უნდა ხდებოდეს, არამედ მოსახლეობისათვის იმის ჩვენება, რომ ნებისმიერი მანიპულაცია, ვაქცინაცია თუ სხვა სამედიცინო პროცედურები, უსაფრთხოების ყველა წესის დაცვით მიმდინარეობს. გაიგო ხალხა უკვე რომ თურმე შესაძლოა ნებისმიერმა წამალმა მათი სიკვდილი გამოიწვიოს. მაგრამ მოქალაქემ უნდა იცოდეს, რომ გართულებების შემთხვევაში მას აუცილებლად გადაარჩენენ. არასწორმა ტაქტიკამ იქამდე მიგვიყვანა, რომ ადამიანები მხოლოდ რეანიმაციის კარების წინ თანხმდებიან ვაქცინის გაკეთებას, თან კარებს იქეთ ლევან რატიანი ლევან რატიანი უნდა იყოს.

არადა ვაქცინაციას აქ ოჯახის ექიმები ატარებენ!'' - აღნიშნავს ირმა კვიცარიძე. 


წაიკითხეთ სრულად