Baby Bag

ეროვნულ სასწავლო გეგმაში ცვლილებაა - მინისტრის ბრძანება

ეროვნულ სასწავლო გეგმაში ცვლილებაა - მინისტრის ბრძანება

ეროვნულ სასწავლო გეგმაში ცვლილებებია. აღნიშნულის შესაბისი ბრძანება საკანონმდებლო მაცნეში გამოქვენყნდა, რომელსაც განათლების მინისტრი აწერს ხელს. ცვლილებების თანახმად, 

  • იმ შემთხვევაში, თუ სკოლას აქვს შესაბამისი ფინანასური და ადამიანური რესურსი IX და XI კლასებში სკოლის მიერ პროფესიული ორიენტაციისა და კარიერის დაგეგმვის გაკვეთილების ჩატარების განრიგი: 8 გაკვეთილი – IX კლასში, 4 გაკვეთილი – XI კლასში. ასევე პროფორიენტაციისა და კარიერის დაგეგმვის პროგრამით გათვალისწინებული სხვა აქტივობების განრიგი: მათ შორის, საგანმანათლებლო დაწესებულებებსა და დასაქმების ობიექტებში ექსკურსიების და სხვადასხვა პროფესიის წარმომადგენლებთან შეხვედრების განრიგი”;
  • საჯარო სკოლა ვალდებულია სასკოლო საათობრივი ბადით გათვალისწინებული საათები პირველ რიგში გაუნაწილოს კონკრეტული საგნის უფროს/წამყვან/მენტორ მასწავლებლებს და კონკრეტულ საგანში საათები შეუვსოს სრულ დატვირთვამდე (15 საათის ჩათვლით, ხოლო კომბინირებული დაწყებითი (I-IV) კლასის მასწავლებელს 13 საათის ჩათვლით), ასეთის არსებობის შემთხვევაში.“;
  •  სემესტრის განმავლობაში მოსწავლეები შეიძლება შეფასდნენ შემდეგი სამი კომპონენტის მიხედვით:

ა) მიმდინარე საშინაო დავალება;

ბ) მიმდინარე საკლასო დავალება;

გ) შემაჯამებელი დავალება.“;

  • სემესტრის განმავლობაში განმსაზღვრელი შეფასებით მოსწავლეები შეიძლება შეფასდნენ:

ა) ვარიანტი I – მიმდინარე საკლასო დავალებაში (V კლასის მეორე სემესტრი, VI-XII კლასები), მიმდინარე საშინაო დავალებაში (VII-XII კლასები), შემაჯამებელ დავალებაში (V კლასის მეორე სემესტრი, VI-XII კლასები);

ბ) ვარიანტი II – შემაჯამებელ დავალებაში (V კლასის მეორე სემესტრი, VI-XII კლასები), მიმდინარე საკლასო და საშინაო დავალებებში სკოლის გადაწყვეტილების შესაბამისად. ასევე შესაძლებელია, სკოლამ შემაჯამებელი დავალებების ქულებთან ერთად დაწეროს მიმდინარე საკლასო და/ან საშინაო დავალებების ქულები, თუმცა, არ იანგარიშოს სემესტრული ქულის გამოთვლისას. ვარიანტი II-ის არჩევის შემთხვევაში, სკოლამ სამინისტროში უნდა წარმოადგინოს დასაბუთება, ასევე სემესტრის განმავლობაში ჩასატარებელი შემაჯამებელი დავალებების ტიპობრივი დახასიათება და ჯამური მინიმალური რაოდენობა.“;

  •  V კლასის მეორე სემესტრსა და VI-XII კლასებში საკლასო და შემაჯამებელ დავალებათა კომპონენტებში გამოიყენება როგორც განმსაზღვრელი, ასევე განმავითარებელი შეფასება.“;
  • მოსწავლის მიერ სემესტრის განმავლობაში მიღებული ქულების ჯამი უნდა გაიყოს მიღებული ქულების რაოდენობაზე;“;

ბრძანება სრულად იხილეთ ბმულზე - ეროვნულ სასწავლო გეგმაში შეტანილი ცვლილებები

შეიძლება დაინტერესდეთ

9-10 სექტემბერს მასწავლებლებისთვის ტრენინგი ჩატარდება

9-10 სექტემბერს მასწავლებლებისთვის ტრენინგი ჩატარდება
9-10 სექტემბერს მათემატიკის მასწავლებლებისთვის ​ტრენინგი ჩატარდება. ტრენინგის ხანგრძლივობაა 2 დღე. 
სარეგისტრაციო ფორმა იხილეთ ​აქ

ძირითადი საკითხები:

• მათემატიკური საკითხების სწავლების დაგეგმვის სქემები დიფერენცირების ელემენტებით;

• მათემატიკის გაკვეთილის/აქტივობის დაგეგმვის სქემა სამფაზიანი მოდელის მიხედვით;

• ტიპური შეცდომები მათემატიკური საკითხების სწავლებისას და დაგეგმვისას;

• მათემატიკური თამაშის ნიმუშები;

• დიფერენცირებული მათემატიკური თამაშები;

• განმავითარებელი შეფასების ტიპები: აღწერითი და შეფასებითი;

• განმავითარებელი შეფასების ინსტრუმენტების გაცნობა და გამოყენება მოსწავლეთა შედეგების გაუმჯობესებისათვის;

• მათემატიკის სწავლების კონსტრუქტივისტული და ინტერაქტიული მიდგომები;

• მათემატიკის გაკვეთილის სამფაზიანი მოდელი-განხილვა, დაგეგმვა, შეფასება;

• G-PriEd-ის საგანმანათლებლო პორტალის kargiskola.ge გაცნობა/რეგისტრაცია;

• პროექტი „ატრაქციონების პარკის მათემატიკა“.

ტრენინგის ღირებულება 90 ლარი. 
წაიკითხეთ სრულად