Baby Bag

„​მე ვთვლი, რომ ძალიან დავჩაგრეთ ბავშვები და ახალგაზრდები... ყველაზე ადვილად მისაკეტი აღმოჩნდა სკოლები და უმაღლესი სასწავლებლები“ - მაია ბუწაშვილი

„​მე ვთვლი, რომ ძალიან დავჩაგრეთ ბავშვები და ახალგაზრდები... ყველაზე ადვილად მისაკეტი აღმოჩნდა სკოლები და უმაღლესი სასწავლებლები“ - მაია ბუწაშვილი

„​მე ვთვლი, რომ ძალიან დავჩაგრეთ ბავშვები და ახალგაზრდები. სკოლები და უმაღლესი სასწავლებლები უნდა იყოს საერთო ლოქდაუნის ნაწილი და არა ის, რომ მხოლოდ სკოლები და უმაღლესი სასწავლებლები იყოს დაკეტილი, როგორც ნოემბრამდე იყო,“ - ამის შესახებ ინფექციონისტმა მაია ბუწაშვილმა მედიაცენტრ „მთავარში“ განაცხადა.

მისივე თქმით, მოსწავლეები და სტუდენტები პერიოდულად მაინც უნდა დაბრუნდნენ სასწავლო დაწესებულებებში:

ნოემბრის ბოლოდან გასაგებია, რომ გამოცხადდა საყოველთაო რეგულაციები და ამის ნაწილი კი ბატონო, სკოლები და უმაღლესი სასწავლებლები შეიძლებოდა, რომ ყოფილიყო. მანამდე არ იყოს ამის აუცილებლობა, როცა ყველაფერი ღია იყო. ჩვენ შეგვიძლია ვთქვთ, რომ აბსოლუტურად არავითარი შეზღუდვა არ იყო ზაფხულში, სექტემბერსა და ოქტომბერში და მივიღეთ 5 ათასი შემთხვევა დღეში. მაშინ სკოლები და უმაღლესი სასწავლებლები დაკეტილი იყო, მიუხედავად ამისა, ჩვენ გავედით ასეთ ნიშნულზე. უფრო სწრაფად უნდა მოხდეს რეაგირება, არ უნდა დაგვავიწყდეს ბავშვები და უმაღლესი სასწავლებლები და ისინი პერიოდულად მაინც უნდა დაბრუნდნენ დაწესებულებებში,“ - აღნიშნა მაია ბუწაშვილმა.

კითხვაზე, რატომ ვერ ხდება სწრაფი რეაგირება, ინფექციონისტის შეფასებით, ბიზნესისგან განსხვავებით, განათლების სფერო პრიორიტეტად არ ჩანს:

„როგორც ბიზნესის მხრიდანაა, მაგალითად, ყოველდღიური ზეწოლა და ყველასთვის გასაგებია, რომ ეკონომიკის ჩამოშლა არ უნდა მოხდეს და ბიზნესის ინტერესებს ყველა ითვალისწინებს, განათლება ასეთ პრიორიტეტად არ ჩანს. მე ვფიქრობ, რომ უმაღლესი სასწავლებლები და სკოლებიც, ალბათ ზოგიერი მაინც, ცოტა მოერგო სიტუაციას. ძალიან დიდი წნეხი არ არის არც განათლების სამინისტროს მხრიდან, არც სკოლების და უმაღლესი სასწავლებლების მხრიდან. ცალკეული მშობლებისთვის ძალიან ძნელია თავიანთი ინტერესების გატანა. სხვათა შორის, მშობლების დიდ ნაწილს არ უნდა, შიში აქვს და ესეც გასაგებია.

ჩემი აზრით, სასწავლო დაწესებულებებში უნდა დაბრუნდნენ ბავშვები, განსაკუთრებით, სტუდენტები. ტრანსპორტი აქამდეც კარგა ხნის აღდგენილი უნდა ყოფილიყო, სავაჭრო დაწესებულებები კი გაიხსნა უკვე. მობილობის შემცირება ხომ არის მიზანი - რაც შეიძლება ნაკლები იყოს მობილობა, რომ ნაკლები იყოს რისკი. ყველაზე ადვილად მისაკეტი ადგილი აღმოჩნდა სკოლები და უმაღლესი სასწავლებლები და საზოგადოებრივი ტრანსპორტი. ბიზნესზე რომაა დიდი ამბავი, რომ ეკონომიკისთვის ცუდია, (სკოლებისა და უმაღლესი სასწავლებლების დაკეტვას) ამას მყისიერი შედეგი ხომ არ აქვს, ამ დროს ყველას უნდა ახსოვდეს, რომ სამომავლოდ უმძიმესი შედეგები შეიძლება ჰქონდეს განათლების სისტემაში ასეთ სიტუაციას,“ - განაცხადა მაია ბუწაშვილმა.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედები​ს ჯგუფი“)

შეიძლება დაინტერესდეთ

​იზოლაციის ხანგრძლივობა covid-19-ით ინფიცირების შემთხვევაში

​იზოლაციის ხანგრძლივობა covid-19-ით ინფიცირების შემთხვევაში

რამდენი უნდა იყოს იზოლაციის ხანგრძლივობა covid-19-ით ინფიცირების შემთხვევაში? - აღნიშნულ თემაზე ექიმი ნანა სხილაძე წერს. გთავზობთ მის პოსტს უცვლელად:

იზოლაციის ხანგრძლივობა covid-19-ით ინფიცირების შემთხვევაში:

ასიმპტომური პაციენტები:
10 დღე ნაცხის გაკეთების დღიდან (თუ კონტაქტის დღე ცნობილია, კონტაქტის დღიდან)

​მსუბუქი და საშუალო ფორმა:

​10 დღე სიმპტომების დაწყების დღიდან

​24 სთ. სიცხის დაწევიდან ანტიპირეტული საშუალებების გარეშე

​სხვა სიმპტომების მნიშვნელოვანი გაუმჯობესება.

​მძიმე ფორმა ან პაციენტი იმუნსუპრესიით:

​ვირუსის რეპლიკაცია შეიძლება არაუმეტეს 20 დღემდე გახანგრძლივდეს, ამიტომ იზოლაციის ხანგრძლივობა დასაშვებია 20 დღემდე.

​2. ტესტზე ბაზირებული სტრატეგია გამოიყენება მხოლოდ გამონაკლისს შემთხვევებში

​შეიძლება გაკეთდეს იზოლაციის უფრო ადრე დამთავრების მიზნით

​24 საათის შუალედით გაკეთებული 2 ნეგატიური PCR-ტესტით შეიძლება იზოლაციის დამთავრება.

​COVID-19-ის გახანგრძლივებული სიმპტომები:

​მიუხედავად იმისა, რომ პაციენტთა უმრავლესობა 2 კვირის ფარგლებში ჯანმრთელდება, მათ დაახლოებით 10%-ს სიმპტომები 3 კვირის შემდგომაც უგრძელდება, ხოლო ზოგიერთს სიმპტომები თვეების განმავლობაში აწუხებს. ტერმინი გრძელვადიანი COVID გამოიყენება მწვავე COVID-19-ის შემდგომი, მოგვიანებითი სიმპტომების აღსაწერად.

​ჰოსპიტალიზებული პაციენტების თითქმის 90%, რომლებიც COVID-19-ის შემდეგ გამოჯანმრთელდნენ, უჩივიან სულ მცირე 1 სიმპტომს გაწერიდან 2 თვის შემდეგ. პაციენტების მხოლოდ 12.6%-ს არ ჰქონდა სიმპტომები, 32%-ს ჰქონდა ერთი ან ორი სიმპტომი, ხოლო 55%-ს ჰქონდა სამი ან მეტი სიმპტომი. დაავადება შეიძლება გახანგრძლივდეს ახალგაზრდებშიც, რომლებსაც თანმხლები დაავადებები არ აქვთ. სიმპტომური ზრდასრულების კვლევის თანახმად, 35% არ უბრუნდებოდა ჯანმრთელობის ჩვეულ დონეს ტესტირებიდან 2-3 კვირაში. პაციენტები, რომლებიც 18-34 წლის იყვნენ და არ ჰქონდათ თანმხლები ქრონიკული სამედიცინო მდგომარეობები, შემთხვევების 20%-ში არ უბრუნდებოდნენ ჯანმრთელობის ჩვეულ მდგომარეობას. ხშირი ხანგრძლივი სიმპტომებია ხველა, სუბფებრილური ცხელება და დაღლილობა. აგრეთვე ფიქსირდება დისპნოე, ტკივილი გულმკერდის არეში, მიალგია, თავის ტკივილი, გამონაყარი, კუჭ-ნაწლავის ტრაქტის სიმპტომები, ნეიროკოგნიტური პრობლემები და ფსიქიკური ჯანმრთელობის დაავადებები.

​მწვავე COVID-19-ის შემდგომ პაციენტის მართვის შესახებ ჯერჯერობით არ არსებობს დეფინიციური, მტკიცებულებებზე დაფუძნებული რეკომენდაციები. შესაბამისად, პაციენტების მართვა უნდა მიმდინარეობდეს პრაგმატულად და სიმპტომურად (მაგ. ცხელების საწინააღმდეგო პრეპარატი სიცხის დროს, სუნთქვითი ტექნიკების გამოყენება ქრონიკული ხველისას, პულსოქსიმეტრია სახლის პირობებში სუნთქვის უკმარისობის მონიტორინგისთვის, ფილტვის რეაბილიტაცია, ფიზიკური დატვირთვის ეტაპობრივი განახლება). პაციენტთა უმრავლესობა ჯანმრთელდება სპონტანურად ჰოლისტიკური მკურნალობის, დასვენების, სიმპტომური მართვის და აქტივობის ეტაპობრივი გაზრდის შედეგად. სპეციალისტთან რეფერალი შესაძლოა საჭირო გახდეს პაციენტთათვის, რომლებშიც აღინიშნება ახალი, პერსისტენტული ან პროგრესირებადი რესპირატორული, გულის ან ნევროლოგიური სიმპტომები.

​შეჯამება:

​PCR-ტესტის განმეორება უმრავლეს შემთხვევაში საჭირო არ არის, ვინაიდან ვირუსის გამოყოფა ხშირად კვირეების განმავლობაში გრძელდება, მაშინ როცა რეპლიკაციის უნარი 10-20 დღის შემდეგ დაკარგულია (10 დღე მსუბუქ და საშუალო, 20 მძიმე ფორმებში ან იმუნსუპრემირებულ პაციენტებში) ანუ პაციენტი, მიუხედავად დადებით PCR-ტესტისა გადამდები აღარ არის.

წაიკითხეთ სრულად