Baby Bag

გამოიგონეს სკამი, რომელზეც მუხლმოკეცილს კომფორტულად ჯდომა შეგიძლიათ

გამოიგონეს სკამი, რომელზეც მუხლმოკეცილს კომფორტულად ჯდომა შეგიძლიათ

ამერიკაში გამოიგონეს სკამი, რომელზეც მუხლმოკეცილს კომფორტულად ჯდომა ​შეგიძლიათ. აღნიშნულ სკამს პლატფორმა და შემაღლებული დასაჯდომი აქვს, რის გამოც მასზე მუხლმოკეცილად ჯდომა დისკომფორტს არ შეგიქმნით. დიზაინერი პეკ მეთიუსი ძალიან წუხდა იმის გამო, რომ ტრადიციული სავარძლები და სკამები განსხვავებულ პოზაში ჯდომის შემთხვევაში მას ფიზიკურ ტკივილს აყენებდნენ და უხერხულობას უქმნიდნენ. კომპიუტერთან ხანგრძლივი დროით მუშაობას ის მხოლოდ წელში გამართული და იატაკზე ფეხებდაბჯენილი ახერხებდა. აღნიშნული პრობლემის მოსაგვარებლად მან მეგობრებს თხოვნით მიმართა და მათთან ერთად დაიწყო ფიქრი გამოსავლის ძებნაზე. საბოლოოდ ურთიერთთანამშრომლობამ საოცარი შედეგი გამოიღო. უნიკალური დიზაინის მქონე სკამი საოცრად მოხერხებულია და მასზე ჯდომისას პოზების ცვლილება მარტივად შეგიძლიათ.

ახალი სკამი ტკივილის შემსუბუქებას და კუნთების დაძაბულობის მოხსნას უწყობს ხელს. მისი დახმარებით სწორ პოზაში ჯდომას მარტივად ეჩვევით. როდესაც ახალი დიზაინის მქონე სკამზე ჯდებით, მენჯი წინ უნდა გადმოხაროთ, ბარძაყები სათანადოდ გაშალოთ, ხერხემალი კი ნეიტრალურ პოზიციას უნდა ინარჩუნებდეს. პეკ მეთიუსი იოგას აქტიური მიმდევარია. როდესაც ის სკამის ახალ დიზაინზე მუშაობდა, ცდილობდა იოგებისთვის მოსახერხებელი დასაჯდომი შეექმნა. იატაკზე მოხერხებულად ჯდომით შთაგონებულმა მეთიუსმა ისეთი დიზაინის სკამი შექმნა, რომელსაც არც საზურგე აქვს და არც სახელურები. ახალი სკამი საოცრად პოპულარულია. მის შესახებ საზოგადოებამ მხოლოდ რამდენიმე დღის წინ შეიტყო, მიუხედავად ამისა კომპანიის პოსტს, რომელზეც ახალი დიზაინის სკამის ფოტო იყო გამოსახული ტვიტერზე 40 000-მდე გაზიარება აქვს.

 

დიზაინერმა მომხმარებლებსშემდეგი სიტყვებით მიმართა: „თუ მუხლებმოკეცილს გიყვართ ჯდომა, ეს სკამი სწორედ თქვენთვისაა!“ მეთიუსის პოსტს უდიდესი გამოხმაურება მოჰყვა. ერთ-ერთმა მომხმარებელმა სინანულით აღნიშნა, რომ მან თავისი ოფისის სავარძელი შემთხვევით გატეხა, რადგან მასზე მუხლმოკეცილად ხშირად ჯდებოდა. აღმოჩნდა, რომ ზოგიერთმა ადამიანმა განსხვავებულ პოზაში ჯდომის გამო სამსახურიც კი დაკარგა. ზოგიერთი პროფესიის წარმომადგენელს კატეგორიულად ეკრძალება სამსახურში მუხლებმოკეცილი ჯდომა.

ახალ სკამს შთამბეჭდავი ფასიც აქვს, მისი შეძენა 875 დოლარი დაგიჯდებათ. თუ მაღალი ხარისხის ხის მასალისგან დამზადებული სკამის ყიდვას გადაწყვეტთ, 1200 ამერიკული დოლარის გადახდა მოგიწევთ. 

მომზადებულია says.com-ის მიხედვით
თარგმნა ია ნაროუშვილმა 

შეიძლება დაინტერესდეთ

კორონავირუსის საწინააღმდეგო ვაქცინების გაკეთება მოქალაქეებს, სავარაუდოდ, კიდევ მრავალი წლის განმავლობაში მოუწევთ - „ფაიზერის“ აღმასრულებელი დირექტორი ალბერტ ბურლა

კორონავირუსის საწინააღმდეგო ვაქცინების გაკეთება მოქალაქეებს, სავარაუდოდ, კიდევ მრავალი წლის განმავლობაში მოუწევთ  -  „ფაიზერის“ აღმასრულებელი დირექტორი ალბერტ ბურლა

„ფაიზერის“ აღმასრულებელმა დირექტორმა ალფრედ ბურლამ BBC-სთან ინტერვიუში კოვიდ საწინააღმდეგო ვაქცინების მრავალწლოვანი გამოყენების საჭიროებაზე ისაუბრა.

„კორონავირუსის საწინააღმდეგო ვაქცინების გაკეთება მოქალაქეებს, სავარაუდოდ, კიდევ მრავალი წლის განმავლობაში მოუწევთ,“ - განაცხადა ალბერტ ბურლამ.

„ფაიზერის“ დირექტორის თქმით, ყოველწლიური ვაქცინაციის საჭიროება „მაღალი ხარისხის დაცვის“ უზრუნველსაყოფად არის საჭირო.

ერთი წლის წინ „ფაიზერ-ბიონტექის“ კორონავირუსის საწინააღმდეგო ვაქცინა პირველად დიდმა ბრიტანეთმა აღიარა.

კომპანია ამ ეტაპზე „ომიკრონის“ შტამის საწინააღმდეგო განახლებულ ვაქცინაზე მუშაობს, რომელიც , სავარაუდოდ, 100 დღეში მზად იქნება.

წყარო: ​Daily-sun

წაიკითხეთ სრულად