გვეყოფა ლამაზი ფოტოები! აი ჩემი რეალური სახე! - ნუკი კოშკელიშვილი შვილთან ერთად გადაღებულ ფოტოს აქვეყნებს

გვეყოფა ლამაზი ფოტოები! აი ჩემი რეალური სახე! - ნუკი კოშკელიშვილი შვილთან ერთად გადაღებულ ფოტოს აქვეყნებს
ნუკი კოშკელიშვილი ინსტაგრამზე შვილთან ერთად გადაღებულ ფოტოს აქვეყნებს და გადაღლილი დედების შესახებ წერს. გთავაზობთ ნუკის პოსტს:

გვეყოფა ლამაზი ფოტოები! აი ჩემი რეალური სახე! ასეთი შეგრძნება მაქვს, რომ ორი წელია არ მძინებია, არ ვიგონებ!! აი ხო მძინავს ხანდახან, მაგრამ არაფრით მყოფნის. ეს პოსტი ეძღვნება ყველა ენაგადმოგდებულად დაღლილ დედას! ცოტა სადღეგრძელოსავით კი გამომივიდა, მაგრამ თქვენ გაგიმარჯოთ. აი, არავინ იცის ეს რამხელა შრომაა, იყო დედა, მხოლოდ ბავშვის დევნას არ ვგულისხმობ, ნერვიულობას, მუდამ შვილზე ფიქრს, არავინ თქვას, ეს არ არის დამღლელიო. ერთნაირად დამღლელია, გინდა მომუშავე დედა იყო, გინდა დიასახლისი. საბოლოო ჯამში ხომ ყველამ ვიცით, საქმეს ჩვენ ვაკეთებთ და თან ზემოდან ბავშვზე ზრუნვა, საოცარი ძალა სჭირდება ამას. ახლა იმათზე მეფიქრება, ვისაც 3-4 ბავშვი ჰყავს, მუშაობს და დამტოვებელი არ ჰყავს, ეს დისტანციური სწავლა და აი რა ქნას ადამიანმა? არ იაროს სამსახურში, ბავშვებს რა აჭამონ? მერე წახვალ და ბავშვს ვინ მიხედავს?! ააა და კიდევ აი თუ 4 ბავშვი გყავს, 4 კომპიუტერი უნდა გქონდეს?? ეს ამბავი როგორ ხდება? დიდი ნერვები და გაძლებაა საჭირო, ზუსტად ვიცი სირთულეებს ყოველთვის გადავლახავთ. მოკლედ, მაგრები ვართ და ერთი ჩემი მეგობარი სულ იძახის „თავს თუ არ შევიქებთ, სხვა კი არ შეგვაქებსო“, ხოდა დავესიტყვები.

არ დაგავიწყდეთ !!!

დაემატეთ ჯგუფში საბავშვო ​რეცეპტები

შეიძლება დაინტერესდეთ

როგორ უნდა უთხრათ ქმარს, რომ ორსულად ხართ - ორიგინალური გზები და მეთოდები

როგორ უნდა უთხრათ ქმარს, რომ ორსულად ხართ - ორიგინალური გზები და მეთოდები
მომავალი მამები, რომლებსაც წარმოდგენა არ აქვთ, რომ მალე შვილი ეყოლებათ, როგორც წესი, ამ სასიამოვნო სიახლეს დიდი სიხარულით ხვდებიან. თუ ორსულად ხართ და თქვენი მეუღლისთვის აღნიშნული სიახლის შესახებ თქმის საინტერესო და ორიგინალურ მეთოდებს ეძებთ, ეს ​სტატია სწორედ თქვენთვისაა. შეგიძლიათ ჩვენ მიერ შემოთავაზებული სახალისო ხრიკებიდან თქვენთვის ყველაზე საინტერესო და მომხიბლავი იდეა შეარჩიოთ და მეუღლეს სასიამოვნო და დაუვიწყარი სიურპრიზი მოუწყოთ.

სიურპრიზი ოთხფეხა მეგობრისგან

თუ გსურთ, რომ თქვენი ორსულობის შესახებ ქმარს სასიამოვნო და ამავდროულად მოულოდნელი გზით შეატყობინოთ, შეგიძლიათ, დახმარებისთვის თქვენს ოთხფეხა მეგობარს მიმართოთ. ფურცელზე გააკეთეთ მსგავსი შინაარსის წარწერა : „დედიკო ორსულადაა“ (შეგიძლიათ ტექსტი თქვენი გემოვნებით შეცვალოთ) და ძაღლს საყელოზე მიამაგრეთ. როდესაც შინ დაბრუნებულ მომავალ მამიკოს ოთხფეხა მეგობარი კართან ამ სასიხარულო ცნობით დახვდება, შესაძლოა, თქვენმა მეუღლემ სიხარულით გონებაც დაკარგოს, ამიტომ პირველადი დახმარების გასაწევად მზად იყავით.

„დამზადებულია სიყვარულით“

გურმანი მეუღლე თუ გყავთ, უმჯობესია, თუ ამ სასიხარულო სიახლეს მისთვის სასიამოვნო და საინტერესო გზით შეატყობინებთ. როდესაც სავახშმოდ მაგიდასთან დასხდებით, თქვენს მეუღლეს უთხარით, რომ ღუმელში მისი საყვარელი დესერტი გაქვთ გადამალული და შეუძლია მიირთვას. ღუმელთან მისულ მსუნაგ მამიკოს სასიამოვნო სიურპრიზით გააკვირვებთ. ღუმელში წინასწარ მოათავსეთ პატარა ნამცხვარი, რომელსაც შესაბამისი წარწერა ან გამოსახულება უნდა დაურთოთ. როდესაც თქვენი მეუღლე მიხვდება, რომ ღუმელში დესერტის გარდა მას მეორე, გაცილებით სასიხარული სიურპრიზი დახვდა, არ არის გამორიცხული, რომ სიხარულისგან ხმამაღლა იყვიროს და ცრემლებიც კი წასკდეს.

წარწერა მაისურზე

თუ თქვენ და თქვენს მეუღლეს ბავშვი უკვე გყავთ და აღმოაჩენთ, რომ მეორეს ელოდებით, თქვენი უფროსი შვილისთვის ახალი მაისური შეიძინეთ, რომელსაც სპეციალური წარწერა უნდა ამშვენებდეს, მაგ. „I’m a Big Brother” ან „I’m a Big Sister”. თქვენი მეუღლე შვილის ახალ ტანსაცმელს აუცილებლად შეამჩნევს და წარწერის წაკითხვის შემდეგ გონზე მოსვლა ძალიან გაუჭირდება.

ტკბილი სიურპრიზი

მეუღლისთვის სასიამოვნო სიურპრიზის მოწყობა თუ გსურთ, თემატური სადილი გამართეთ. მაგიდა საბავშვო ტკბილეულით უნდა გაავსოთ, თავად კი ხელში საბავშვო ორცხობილებით სავსე ჯამი მოიმარჯვეთ. თქვენი მეუღლე სიხარულს და აღტაცებას ვერ დამალავს.

წარწერა მუცელზე

მუცელზე წარწერის გაკეთება მხოლოდ ერთ წუთს წაგართმევთ, მომავალ მამიკოს კი უსაზღვროდ გააბედნიერებს. მეუღლის სამსახურიდან დაბრუნებამდე მუცელზე წითელი პომადით წარწერა გაიკეთეთ: „მომავალი მამიკო“ ან „გილოცავ, შენ მამა გახდები.“

პასტა სოუსით და მოულოდნელი სიურპრიზით

სადილამდე რამდენიმე საათით ადრე პასტისთვის სოუსი მოამზადეთ, ფურცელზე დაწერეთ: „მომავალი მშობლები“ ან ნებისმიერი ფრაზა, რომელიც თქვენ მოგწონთ. მეუღლეს სადილისთვის პასტის მირთმევა და მომზადება შესთავაზეთ. როდესაც მაგიდას მიუსხდებით, მისთვის განკუთვნილ თეფშზე გემრიელ კერძთან ერთად წინასწარ მომზადებული ფურცელიც მოათავსეთ. სადილი საოცრად მხიარულ განწყობაზე ჩაივლის.

სიურპრიზი ჩანთაში

თუ თქვენი მეუღლე სპორტითაა გატაცებული, საჩუქრად სპორტული ჩანთა უყიდეთ. ჩანთაში კი წერილი მოათავსეთ წარწერით: „მამიკოს მომავალი პრინცი/პრინცესა“. თქვენი მეუღლე სიხარულისგან, შესაძლოა, ატირდეს კიდეც.

წარწერა ბოთლზე

მეუღლე რესტორანში სადილად დაპატიჟეთ. წინასწარ შეიძინეთ საბავშვო ბოთლი, დეკორატიულად გააფორმეთ და გაალამაზეთ. რესტორნის მომსახურე პერსონალს წინასწარ შეუთანხმდით, რომ შეკვეთილი სასმელი მეუღლეს საბავშვო ბოთლით მოართვან. თავდაპირველად მომავალი მამიკო, შესაძლოა, დაიბნეს და ვერ მიხვდეს, რა ხდება, მაგრამ დაბნეულობა მალე გადაივლის. დარწმუნებული უნდა იყოთ, რომ თქვენი მეუღლე ამ უბედნიერეს წუთებს არასდროს დაივიწყებს. 

ავტორი: ია ნაროუშვილი 
წაიკითხეთ სრულად