Baby Bag

როგორ გავიქროთ ღაბაბი სახლის პირობებში? - კოსმეტოლოგ-თერაპევტი შორენა ალიბეგაშვილი

როგორ გავიქროთ ღაბაბი სახლის პირობებში? - კოსმეტოლოგ-თერაპევტი შორენა ალიბეგაშვილი

კოსმეტოლოგ-თერაპევტმა შორენა ალიბეგაშვილმა სახლის პირობებში ღაბაბის გასაქრობი ვარჯიშების შესახებ ისაუბრა:

„კოვზი ძალიან კარგია ლიმფის განდევნისთვის, უბრალოდ უნდა იცოდეთ ეს ვარჯიშები და გააკეთოთ სწორად. თუ არ იცით სწორად, შეიძლება ავნოთ საკუთარ თავს. შეგიძლიათ გააკეთოთ ვარჯიშები ყვრიმალისთვის, როდესაც მუშაობს საღეჭი კუნთი და ღიმილის კუნთი. ასევე შეგიძლიათ გამოიყენოთ ქვის ბურთულები ლიმფოდრენაჟისთვის, ასევე კვერცხები კუნთების მოსადუნებლად.

ყვრიმალის ვარჯიშების გაკეთება შეგიძლიათ ჯოხის პირში ჩადებით. ვარჯიშისთვის გამოგადგებათ ჩვეულებრივი საცობიც, რომელსაც ასევე პირში იდებთ და უნდა მოარგოთ საღეჭი კუნთის სიგრძეს.

დილით ძალიან სწრაფად შეგიძლიათ გააკეთოთ მხრების ვარჯიშები, შემდეგ მხრები უკან უნდა გადაწიოთ, კისერს ჩამოვეკიდოთ ხელებით. ჩაისუნთქეთ, ამოისუნთქეთ, ამ დროს თავი მოდის ქვემოთ და უნდა იგრძნოთ, როგორ გეჭიმებათ ზურგის კუნთები. შემდეგ ხელები უნდა მივიტანოთ ნიკაპთან და ჩვენს თავს თვითონ დავეხმაროთ თავის აწევაში. შემდეგ ვაკეთებთ კისრის ვარჯიშს, თავს ხუთჯერ გადავხრით ერთ მხარეს და ხუთჯერ მეორე მხარეს, ხუთჯერ წინ. შემდგომ მუშტი მოვათავსოთ ღაბაბზე და დავიწყოთ მუშტის ტრიალი. ნიკაპის ქვეშ მოვათავსოთ თითები და გავაკეთოთ ნიკაპის ოდნავ გაწელვა. ბოლოს ვმუშაობთ ოვალზე,“- აღნიშნულ საკითხზე შორენა ალიბეგაშვილმა ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

ღაბაბის გასაქრობ ვარჯიშებს დეტალურად თანდართულ ვიდეოში გაეცნობით.

წყარო: „დილა მშვიდობისა საქართველო“

შეიძლება დაინტერესდეთ

92 წლის ამ მოდურ ქალს ინსტაგრამზე 4 მილიონამდე გამომწერი ჰყავს - ნახეთ ფოტოები

92 წლის ამ მოდურ ქალს ინსტაგრამზე 4 მილიონამდე გამომწერი ჰყავს - ნახეთ ფოტოები

ჰელენ რუთ ვან ვინკლი 92 წლისაა და ამ ასაკის ყველაზე მოდურ ქალად ითვლება. ცნობილი ადამიანები, როგორიცაა რიჰანა და მაილი საირუსი კი მისი თაყვანისმცემლები არიან. ჰელენი ინსტარგამზე Baddie Winkle-ის სახელითაა დარეგისტირებული და ამჯერად 4 მილიონამდე გამომწერი ჰყავს. 

თუმცა სანამ სოციალურ ქსელში აქტიურობას დაიწყებდა, კენტუკის შტატში მშვიდად ცხოვრობდა, უვლიდა ეზოს და ყოველ კვირას ეკლესიაში დადიოდა. ინსტაგრამი შვილიშვილის დახმარებით შექმნა. პირველი ფოტო კი მოკლე შორტებსა და მაისურში გადაიღო. სწორედ აქედან დაიწყო მისი პოპულარობა. 

წაიკითხეთ სრულად