გახსოვთ Moms.ge-ს მიერ შემოთავაებული სტატია, სადაც ჩვენ ამერიკელი ფოტოგრაფის ერიკ პიკერსგილის მიერ შექმნილი ფოტოების სერიის - „ამოღებულის" შესახებ გიამბეთ? ეს ვიდეოც, რომელსაც ახლა გთავაზობთ თემატურად იდენტურია.
ნახეთ და თავად დარწმუნდით
„იყო პერიოდი, როდესაც ყველაზე მეტ დროს ბავშვთან ატარებდნენ მისი მშობლები, განსაკუთრებით დედა. ბავშვების უმრავლესობა, რომელთაც ფსიქო-ემოიცური წრის გარკვეული დარღვევები აქვთ, დროის ძირითად ნაწილს ატარებენ ძიძებთან, ნათესავებთან და არა მშობლებთან. ფსიქო-ემოციური წრის დარღვევებზე გავლენას ახდენს კომპიუტერი, ტელევიზია, მრავალენოვან არხებზე ხელმისაწვდომობა.“
ეკა ჭავჭავაძის თქმით, ბავშვის სწორად ამეტყველებისთვის აუცილებელია, რომ მას თავას ესმოდეს გამართული და სწორი მეტყველება:
„იმისთვის, რომ ბავშვი სწორად ამეტყველდეს, მას თავად უნდა ესმოდეს ნორმალური, სწორი და გამართული მეტყველება. დღეს არის სიტყვიერი კომუნიკაციის გლობალური დეფიციტი. როგორც ბავშვები, ასევე დიდები აღარ ურთიერთობენ ერთმანეთთან. ბავშვებში დაგვიანებული მეტყველების უპირველესი მიზეზი არის ის, რომ მასთან არ ხდება ნორმალური კომუნიკაცია და ის ურთიერთობის დეფიციტს განიცდის.“
„რა თქმა უნდა, ძალიან დაღლილები ვართ და შვებაა, როდესაც ბავშვი თავისთვის ერთობა, მაგრამ ეს შემდგომში ნეგატიურ შედეგებს იძლევა და ამიტომ სჯობს, რომ ცოტათი მაინც მოვიცალოთ მათთვის. შევარჩიოთ ძიძა, რომელიც არ შემოიფარგლება მხოლოდ ბავშვის მოვლა-პატრონობით და კვებით, არამედ შეეცდება, რომ რამდენადმე მაინც ჩაუნაცვლოს ბავშვს დედაც, მამაც. უფრო აქტიური ძიძები რომ შევარჩიოთ ამ კუთხით, კარგია,“ - აღნიშნულ საკითხებზე ეკა ჭავჭავაძემ საზოგადოებრივი რადიოს ეთერში ისაუბრა.
