გაიღვიძა მონსტრმა და დაანთო ცეცხლი - ნახეთ საქართველოს ვარსკვლავის ყველაზე პოპულარული ვიდეო. ინტერნეტ-სენსაცია - ერეკლე თურქაძე ლაგოდეხიდან!
შეიძლება დაინტერესდეთ
„ომიკრონით ინფიცირებისგან კატეგორიულად ვერ გვიცავს ვერც ფაიზერი და ვერც ნებისმიერი სხვა ვაქცინა,“ - ივანე ჩხაიძე
„როდესაც ვლაპარაკობთ ვაქცინების არაეფექტიანობაზე, ვაქცინების ეფექტიანობის შეფასების ორი ძირითადი კრიტერიუმი არსებობს: გვიცავს თუ არა ინფიცირებისგან და გვიცავს თუ არა დაავადების მძიმე მიმდინარეობისგან. ომიკრონთან დაკავშირებით, შესაძლებელია უკვე დარწმუნებით ითქვას, რომ ვაქცინა ვერ გვიცავს ინფიცირებისგან. ფაიზერის ორი დოზის გაკეთების შემდეგ ინფიცირებისგან დაცვა 33%-ია ნაცვლად 95%-ისა, რაც ჰქონდა ფაიზერის ვაქცინას ჩინური, ვუჰანის ვირუსის შემთხვევაში.“
ივანე ჩხაიძის თქმით, ფაიზერის ვაქცინა ვაქცინირებული ადამიანების მძიმე დაავადებისგან დაცვას კვლავ აგრძელებს:
„ფაიზერის ვაქცინის ორი დოზა აგრძელებს ვაქცინირებული ადამიანების დაცვას მძიმე შემთხვევების განვითარებისგან. ინფიცირებისგან კატეგორიულად ვერ გვიცავს ვერც ფაიზერი და ვერც ნებისმიერი სხვა ვაქცინა. ფაიზერის 33% არის დღემდე არსებულ ვაქცინებს შორის ყველაზე მაღალი პროცენტი. სხვა ვაქცინებს ეს მაჩვენებელიც არ აქვს.“
„როდესაც ვლაპარაკობთ, რომ ვაქცინები ვერ გვიცავს, საუბარია პირველ რიგში, ინფიცირებისგან თავის დაცვაზე და არა მძიმე მიმდინარეობისა და საავადმყოფოებში მოხვედრისგან დაცვაზე,“ - აღნიშნა ივანე ჩხაიძემ.
წყარო: „მედიაცენტრი მთავარი“
წაიკითხეთ სრულად