„მის საქართველო“ ნინი გოგიჩაიშვილი „მის მსოფლიოს“ მაყურებლებს საქართველოს აცნობს. კლიპი ძირითადად ძველი თბილისის ტერიტორიაზეა გადაღებული და მოდელი ჩვენი ქვეყნის შესახებ უყვება მსოფლიოს.
გარდა ამისა, „მის საქართველო“ საკუთარ თავზეც საუბრობს და აღნიშნავს, რომ ძალიან უყვარს ვარჯიში და წერა.
ექიმმა გიორგი ღოღობერიძემ ჩვენი ორგანიზმისთვის კოფეინის უსაფრთხო დოზების შესახებ ისაუბრა:
„ყავას ბევრი ადამიანი სვამს. კოფეინის რა დოზაა სხეულისთვის უვნებელი? როდესაც ადამიანი იღებს დღე-ღამეში 400 მილიგრამ კოფეინს, ეს აბსოლუტურად უსაფრთხოა. ერთი ფინჯანი ნალექიანი ყავა შეიცავს 100 მილიგრამ კოფეინს, რაც იმას ნიშნავს, რომ თუ დღეში 3-4 ჭიქას მიიღებთ, ეს თქვენთვის აბსოლუტურად უსაფრთხოა.“
გიორგი ღოღობერიძის თქმით, კვლევებით დასტურდება, რომ კოფეინი უსაფრთხოა არითმიებისა და მაღლი წნევის მქონე ადამიანებისთვისაც:
„ჩატარდა კვლევა, რომელშიც შეამოწმეს იყო თუ არა კოფეინი უსაფრთხო იმ ადამიანებისთვის, რომლებსაც აწუხებდათ გულის უკმარისობა, არითმიები, მაღალი წნევა. დასკვნა იყო, რომ კოფეინი იყო აბსოლუტურად უსაფრთხო და სიკვდილობა შეამცირა კიდეც 16%-ით. საუბარია შედარებით რისკზე. როდესაც ადამიანს ჰქონდა გულის უკმარისობა და დღეში 3-4 ჭიქა ყავას სვამდა, მდგომარეობა არ უარესდებოდა, პირიქით, უმჯობესდებოდა.“
„თქვენ რომც გქონდეთ მაღალი წნევა, რომც გაწუხებდეთ არითმიები, 400 მილიგრამამდე კოფეინის მიღება დღეში თქვენთვის აბსოლუტურად უსაფრთხოა. მითი იმის შესახებ, რომ თითქოს კოფეინი ჩვენი ორგანიზმისთვის საზიანოა, აბსოლუტურად მცდარია. აქ მთავარი არის დოზები. 400 მილიგრამამდე აბსოლუტურად უსაფრთხოა. 400 მილიგრამზე მეტი კოფეინის მიღება ხდება საფრთხილო რიგ შემთხვევებში,“- აღნიშნულ საკითხზე გიორგი ღოღობერიძემ „მთავარი არხის“ გადაცემაში „მთავარი დიაგნოზი“ ისაუბრა.
წყარო: „მთავარი დიაგნოზი“
წაიკითხეთ სრულად
