Baby Bag

„ბავშვი რომ გავაჩინე, მთხოვა, ფოტო გადაუღე და გამომიგზავნე, დამარწმუნე, რომ ნამდვილად ბიჭიაო,“ - ხატია სიჭინავა მეოთხე შვილის დაბადების ამბავს იხსენებს

რამაზ ნოზაძე თოქ-შოუ „პროფილში“ მეოთხე შვილის დაბადების ისტორიას იხსენებს:

„მოვიდა გმირი და თქვა, რომ ორსულად ვარო, ვუთხარი, გავაჩინოთ-მეთქი. წავიდა, მოვიდა გმირი და ბიჭი მყავსო, ასე თქვა. ვერ დავიჯერე, რომ სამი გოგოს მერე ბიჭი იქნებოდა. შესამოწმებლად რომ მიდიოდა, არ მივყვებოდი. ბოლოს კარანტინის დროს გავყევი, რომ შევხედე, მაშინვე დავრწმუნდი, რომ ბიჭი იყო. ამაში დავრწმუნდი და ძალიან მესიამოვნა კიდეც.“

ხატია სიჭინავას თქმით, მეუღლეს ბავშვის სქესში ეჭვი ბოლო წუთამდე ეპარებოდა:

„ბავშვი რომ გავაჩინე, მთხოვა, ფოტო გადაუღე და გამომიგზავნე, დამარწმუნე, რომ ნამდვილად ბიჭიაო. ბოლო წუთამდე ეჭვი ეპარებოდა.“

„ახლაც კი ვერ შემიგნია, ამდენი ხნის მერე, რომ ბიჭის მამა ვარ. ნელ-ნელა ვაცნობიერებ, რა სხვანაირი შეგრძნებები მაქვს ბიჭის გამო. ამდენი გოგოს მერე როგორ უნდა მიყვარდეს, ცოტა სხვანაირად გავიგე ეს ყველაფერი. ალბათ, დროთა განმავლობაში ეს გრძნობა კიდევ უფრო გამიძლიერდება,“ - აღნიშნავს რამაზ ნოზაძე.

ხატია სიჭინავას თქმით, მასაც ძალიან უჭირს იმის დაჯერება, რომ მისი მეოთხე შვილი მამრობითი სქესისაა:

„მე საერთოდ საოცრება მჭირს, ბავშვი ხელში რომ მიჭირავს, სულ გოგოთი მივმართავ. იმდენად მიჩვეული ვარ, რომ სულ გოგო მეჭირა ხელში. სანამ პამპერსის გამოცვლას არ დავუწყებ, სულ მგონია, რომ გოგო მიჭირავს.“

„თვალები ნელ-ნელა უღიავდება, მამიკოს თვალები უნდა ჰქონდეს. დილით რომ გულზე დავიწვენ, სულ სხვა განცდები მოდის, ესეც მეღირსა. ღმერთმა მომცა იმის საშუალება, რომ შემეგრძნო ბიჭის სიყვარული როგორია. მადლობა ღმერთს, რომ მომცა ყველაფერი, რასაც კაცი ინატრებდა. ვისაც გოგოები ჰყავს და ბიჭიც უნდა, ვეტყვი, რომ არ მოდუნდნენ. ყველა მეუბნებოდა, მარტო გოგოები გყავსო, აჰა, ხომ არის ბიჭი. ახლა რაღაც იტყვიან?!“ - აცხადებს რამაზ ნოზაძე.

ხატია სიჭინავა აღნიშნავს, რომ პანდემიის გამო მის ოჯახს საფრთხე არ შექმნია:

„ჩემთვის ძალიან ძნელი იყო, ორსულობის ბოლო ორი თვე კარანტინს დაემთხვა, თუმცა ყველაფერმა ძალიან მშვიდობიანად ჩაიარა. რაც მთავარია, თბილისში არ გავჩერდით, ამოვედით აგარაკზე, სადაც არც კორონავირუსი იგრძნობა და მესამე მსოფლიო ომი რომ დაიწყოს, იმასაც ვერ გავიგებთ. სიმწვანე, ბუნება, სიმშვიდე და მარტო ჩვენ, ოჯახი, აქ ასე ვართ.“

„სახელად მიქაელის დარქმევა გვინდოდა, მაგრამ გიორგობას დაიბადა. ამიტომ ორი სახელი დავარქვით, გიორგი-მიქაელი ნოზაძე, ძალიან კარგი სახელი გამოვიდა.“ - აღნიშნავს რამაზ ნოზაძე.

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი მცოდნე დედები

შეიძლება დაინტერესდეთ

მნიშვნელოვანია ფოლიუმის მჟავის მიღება ორსულობამდე და ორსულობის დროს 12 კვირის ჩათვლით

მნიშვნელოვანია ფოლიუმის მჟავის მიღება ორსულობამდე და ორსულობის დროს 12 კვირის ჩათვლით

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. ფოლიუმის მჟავა და ორსულობა - დღეს მეან-გინეკოლოგი და ქირურგი ეკა ბუკია ამ თემაზე მოგაწვდით კომპეტენტურ ინფორმაციას.

რისთვის არის საჭირო ფოლიუმის მჟავა?
ფოლიუმის მჟავა ეს არის ვიტამინი B9, რომელსაც შეიცავს ბევრი პროდუქტი და საკვები დანამატი. ფოლიუმის მჟავა გამოიყენება ორგანიზმის მიერ ახალი უჯრედების და დნმ-ის წარმოებისთვის. ეს მნიშვნელოვანი პროცესია ზრდისა და განვითარებისთვის მთელი სიცოცხლის მანძილზე.
მნიშვნელოვანია ფოლიუმის მჟავის მიღება ორსულობამდე და ორსულობის დროს 12 კვირის ჩათვლით, ვინაიდან ორსულობის პირველ ტრიმესტრში ყალიბდება ნაყოფის ნერვული მილი - ნერვული სისტემა (თავისა და ზურგის ტვინი).

​რა სიმპტომები აქვს ფოლიუმის მჟავის დეფიციტს?

​ფოლიუმის მჟავის დეფიციტისთვის დამახასიათებელ სიმპტომებს ძირითადად ვერ ვამჩნევთ, მისთვის დამახასიათებელია:
  • დაღლილობა
  • ზრდის შეფერხება
  • ანემიისთვის დამახასიათებელი ჩივილები
  • სიფერმკრთალე
  • ქოშინი
  • გაღიზიანებადობა

​რა მიზეზებმა შეიძლება გამოიწვიოს ფოლიუმის მჟავის დეფიციტი?

​ფოლიუმის მჟავა წყალში ხსნადი ვიტამინია, რომელიც არ გროვდება ცხიმოვან ქსოვილებში, აქედან გამომდინარე ორგანიზმის მიერ ვერ ხდება ფოლიუმის მჟავის რეზერვის გამომუშავება, ამიტომ მისი მიღება მუდმივად უნდა მოხდეს საკვების დახმარებით. დეფიციტის გამომწვევი მიზეზებია:

  • დიეტა - რომლის რაციონში ნაკლები რაოდენობითაა ხილი და დაუმუშავებელი (უმი) ბოსტენული.
  • დაავადებები, რომლებიც აფერხებენ კუჭ-ნაწლავის ტრაქტიდან ფოლიუმის შეწოვას, მათ მიეკუთვნება: კრონის დაავადება.
  • თირკმლის უკმარისობა
  • ზოგიერთი მედიკამენტის მიღება
  • ჭარბი რაოდენობით ალკოჰოლის მიღება
რა რაოდენობით და როგორ უნდა მივიღოთ ფოლიუმის მჟავა?
დღიური დოზა შეადგენს 400 მკგ-ს დღეში (ორსულობის 12 კვირის ჩათვლით).
იმ ორსულებს, ვისაც ანამნეზში აქვთ ნაყოფის განვითარების ანომალია, მათთვის ფოლიუმის მჟავის დოზა იზრდება და ინიშნება ინდივიდუალურად ექიმის მიერ!

​გარდა ამისა ფოლუმის მჟავის რაოდენობა იზრება თუ ორსულს აქვს:

  • თირკმლის პრობლემა და იმყოფება დიალიზზე
  • ღვიძლის დაავადებები
  • იღებს ეპილეფსიის სამკურნალო მედიკამენტებს
  • აქვს შაქრიანი დიაბეტი ტიპი 2
  • წითელი მგლურა
  • ფსორიაზი
  • რევმატოიდული ართრიტი
  • ასთმა
  • ნაწლავის ანთებითი დაავადებები

​მედიკამენტის გარდა ორსულობის განმავლობაში ფოლატები უნდა მიიღოთ საკვების გზით. მიირთვით:

  • მწვანე ბოსტნეული
  • ციტრუსის წვენი
  • თხილი
  • ლობიო
  • მარცვლეული

​გისურვებთ ჯანმრთელობას!

წაიკითხეთ სრულად