Baby Bag

რატომ ბეზრდება ცოლ-ქმარს ერთმანეთი? - დეკანოზ თეოდორე გიგნაძის განმარტება

რატომ ბეზრდება ცოლ-ქმარს ერთმანეთი? - დეკანოზ თეოდორე გიგნაძის განმარტება

​დეკანოზმა თეოდორე გიგნაძემ ცოლ-ქმრული ურთიერთობების პრობლემების შესახებ ისაუბრა. მან აღნიშნა, რომ გულგრილობა, რომელიც ცოლ-ქმრულ ურთიერთობაში ჩნდება წყვილს შორის სულიერი კავშირის სისუსტეზე მიგვანიშნებს:

„რას ნიშნავს გულგრილობა ორ ადამიანს შორის? ეს ნიშნავს, რომ მათ სულებს საერთო აღარ აქვთ. ხორცს ერთმანეთი შეიძლება მობეზრდეს. აქედან იბადება ღალატი. თუ ცოლ-ქმარს შორის ქრისტესმიერი ერთობაა, მათ სულებს ერთმანეთი არ ბეზრდებათ. სინამდვილეში ოჯახი არ არის ადამიანური ქორწინება. ადამიანი ხომ მარტო ხორციელი არსება არ არის. მხოლოდ ხორციელად ცხოველები ქორწინდებიან. ადამიანი ხომ სულია?!“

მამა თეოდორე გიგნაძის თქმით, ხორციელი ერთობა მხოლოდ ნაწილია იმ სულიერი ერთობის, რომელიც ქორწინებაში აუცილებლად უნდა იყოს:

„ერთ ხორც ყოფნაში არ იგულისხმება მხოლოდ ხორცი, არამედ არსება იგულისხმება. არსებაში სულიც ხომ შედის?! ქრისტიანული ქორწინება გულისხმობს სულიერ ერთობას. ხორციელი ერთობა ამ ერთობის რაღაც ნაწილია უბრალოდ. ​თუ სულიერი ერთობა არ არის, გარდაუვალია ხორციელი მობეზრება.“

​თუ ადამიანს ქრისტე არ უნდა, ჯვრისწერასაც აზრი არ აქვს. ამ ჯვრისწერით სულების ერთობა არ მოხდება. ყველა საიდუმლო სინერგიული ტიპის არის. მადლი მოდის და აქედან შენი ნება უნდა დაახვედრო. თუ ნებელობა არ არის, მადლი არ ძალადობს, მოვა, გაჩერდება. ის იმდენად მოვა, რამდენადაც შენ ნაბიჯს გადადგამ. მადლი არ იძალადებს შენზე,“ - აღნიშნა მამა თეოდორემ.

​წყარო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„შვილიც კი არ უნდა გიყვარდეს შენს მეუღლეზე მეტად, არც მშობელი, არც არავინ,“ - დეკანოზი შალ...
​დეკანოზმა შალვა კეკელიამ მეუღლეებს შორის სიყვარულის მნიშვნელობაზე ისაუბრა. მისი თქმით, ადამიანს მეუღლეზე მეტად არავინ უნდა უყვარდეს:„თქვენ ერთმანეთზე მეტად არავინ არ უნდა გიყვარდეთ. შვილიც კი არ უნდა...

შეიძლება დაინტერესდეთ

„კაცია და რას იზამს,“ - ეს საშინელი ტენდენცია იყო ჩვენს ქვეყანაში და ალბათ, ახლაც გრძელდება - დეკანოზი შალვა კეკელია

„კაცია და რას იზამს,“ - ეს საშინელი ტენდენცია იყო ჩვენს ქვეყანაში და ალბათ, ახლაც გრძელდება - დეკანოზი შალვა კეკელია

დეკანოზმა შალვა კეკელიამ ჯვრისწერისა და ქორწინების მნიშვნელობაზე ისაუბრა. მან ხაზი გაუსვა ჯვრისწერის დროს მშობლების დასწრების მნიშვნელობას და დაქორწინებული წყვილის ერთმანეთისადმი ერთგულების აუცილებლობას:

„ადამიანები ჯვრისწერაზე მოდიან და გვეკითხებიან: „მშობლის დასწრება ჯვრისწერაზე აუცილებელია?“ არ ვიცი საიდან დამკვიდრდა ეს წესი. აუცილებელია, აბა როგორ?! აბა რას უნდა დაესწროს მშობელი, თამადის სადღეგრძელოებს?! ჯვარს იწერს ადამიანი, საიდუმლო სრულდება. სად უნდა იყო, თუ არ მოისმენ იმ სიტყვებს, როგორ ლოცავს შენს შვილებს მღვდელი?! პირიქით, ძალიან კარგი ტრადიცია არსებობდა, როდესაც მამას შემოჰყავდა ტაძარში შვილი. ჰგონიათ, რომ ეს კათოლიკური ტრადიციაა. ეს არ იყო კათოლიკური ტრადიცია. ეს ქრისტიანული ტრადიციაა, როდესაც მშობელს შემოჰყავს თავისი შვილი. იდეალური ოჯახი არ არსებობს. მნიშვნელოვანია, როდესაც ადამიანები გყავს ირგვლივ, ვისთან ერთადაც არსებულ პრობლემებს აგვარებ. ახალშექმნილ ოჯახში ძალიან ბევრი პრობლემაა, მაგრამ ნელ-ნელა ამ პრობლემებს აგვარებ.

პავლე მოციქული ამბობს, რომ თქვენი სხეული ქრისტეს სხეული არის და არ შეიძლება ეს სხეული შეიბილწოს. აქ პავლე მოციქული არ საუბრობს ქალზე. ის არანაირად არ განასხვავებს სქესს. არ საუბრობს, რომ მამაკაცისთვის შესაძლებელია ეს და ქალისთვის არა. ორივესთვის ერთნაირად მძიმე ცოდვაა, როგორც ქალისთვის, ასევე კაცისთვის. ჩვენთან, სამწუხაროდ, ალბათ, ბავშვობაში, ჩვენი მშობლებისგან გაგვიგია, რომ როგორ მიდიოდა კაცი რუსეთში, როგორ „იგულავა“ იქ, თანაც მაშინ, როდესაც ცოლი ჰყავდა. ამას არ მალავდნენ. ეს ნორმალურად ითვლებოდა. მეუღლეებისთვისაც მისაღები იყო ეს. მთავარი იყო, საყვარელი არ გაეჩინა, თორემ ერთჯერადად შეიძლებოდა. „კაცია და რას იზამს,“ - ეს საშინელი ტენდენცია იყო ჩვენს ქვეყანაში და ალბათ, ახლაც გრძელდება,“ - მოცემულ საკითხზე მამა შალვა კეკელიამ საპატრიარქოს ტელევიზიის გადაცემაში „განთიადი“ ისაუბრა.

წყარო: ​„განთიადი“

წაიკითხეთ სრულად