Baby Bag

„ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს,“ - ორგანიზაცია „ბავშვი, ოჯახი, საზოგადოების“ დამფუძნებელი გუნა ბიბილეიშვილი

„ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს,“ - ორგანიზაცია „ბავშვი, ოჯახი, საზოგადოების“ დამფუძნებელი გუნა ბიბილეიშვილი

ორგანიზაცია „ბავშვი, ოჯახი, საზოგადოების“ დამფუძნებელმა გუნა ბიბილეიშვილმა ტელეკომპანია „იმედის“ გადაცემაში „იმედის დილა“ ზოგადსაგანმანათლებლო საფეხურზე არსებული გამოწვევების შესახებ ისაუბრა:

„სინამდვილეში დღევანდელი გამოწვევა, რასაც ითხოვს ზოგადსაგანმანათლებლო საფეხური,არის ის, რომ ჩვენ ვხედავთ, რომ ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს. სწორედ აქ უნდა ვეძებოთ, რომ ​ადრეული სკოლამდელი განათლება არის იმის საფუძველი, რომ შემდგომ ბავშვი იყოს წარმატებული. რადიკალურად ვერ ვიტყოდი, რომ პრობლემებია, მაგრამ ეს ასაკი და საფეხური არის დასახვეწი.“

გუნა ბიბილეიშვილის თქმით, მიუხედავად იმისა, რომ სკოლამდელი აღზრდის საფეხურის განვითარებისთვის თანხები იხარჯება, პრობლემები მაინც არსებობს:

„გარკვეული მეთოდები და ტრანზიციის პროცესი, რა უნდა გააკეთოს ბაღმა იმისთვის, რომ სკოლაში ბავშვი იყოს წარმატებული, ეს ნამდვილად საფიქრალია, მიუხედავად იმისა, რომ გაეროს ბავშვთა ფონდი აქტიურად არის ჩართული სკოლამდელი აღზრდის მომსახურების დახვეწის პროცესში და არსებობს გაწერილი სტანდარტი. ჯანდაცვის სამინისტროც ასევე აფინანსებს ​ადრეული განვითარების პროგრამას. მიუხედავად იმისა, რომ თანხები საკმაოდ იხარჯება, სექტორებს შორის კოორდინაცია თითქმის არ არის.“

„როდესაც ჩვენი გუნდის წევრები მიდიან პროცესის ხელშესაწყობად, იქ არამხოლოდ ბაღის მასწავლებლები, ბაღის გამგეც კი დაბნეულია და არ იცის ამ პროგრამის შესახებ. ამიტომ მნიშველოვანია, რომ თანხები, რაც იხარჯება, იყოს კარგად კოორდინირებული და საერთაშორისო გამოცდილებაზე დაყრდნობილი,“ - აღნიშნა გუნა ბიბილეიშვილმა.

წყარო:​ „იმედის დილა“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

​რა როლს თამაშობს ემოციური ინტელექტი ბავშვის განვითარებაში?
​რა როლს თამაშობს ემოციური ინტელექტი ბავშვის განვითარებაში და როგორ ჩამოვუყალიბოთ? - ამ თემაზე ​MomsEdu.ge-ს ესაუბრა ფსიქოლოგი, ტრენერი/სპიკერი, ქცევითი თერაპევტი, ნინი ბრეგვაძე. - ზოგადად, რა არ...

შეიძლება დაინტერესდეთ

გაიცანით დიდი, ბედნიერი ოჯახი, რომელშიც 6 ტყუპისცალი ცხოვრობს

გაიცანით დიდი, ბედნიერი ოჯახი, რომელშიც 6 ტყუპისცალი ცხოვრობს

ანი დავითინიძე მარიამის, ოთოს, ნიკოლოზის, ლიზას, ალექსანდრეს და იოანეს დედაა. დიდ და ბედნიერ ოჯახში 6 ტყუპისცალი ცხოვრობს:

„ყოველთვის ვოცნებობდი, რომ 5 შვილი მყოლოდა. განსაკუთრებით მინდოდა ტყუპები. ბავშვობიდან ვაგროვებდი ტყუპ-ტყუპ რაღაცებს, ტყუპი თხილი, ტყუპი კაკალი.

პირველად რომ გავიგეთ ტყუპები გვეყოლებოდა, გადარეულები ვიყავით. მეორედ არ ველოდებოდით, რომ ტყუპები უნდა ყოფილიყვნენ და ისევ ტყუპები აღმოჩდნენ. მესამე ჯერზე სულ ახალი ემოციები წამოვიდა.

მე და ჩემს მეუღლეს შეძლებისდაგვარად გვაქვს გადანაწილებული მოვალეობები. იმას თავისი მოვალეობები აქვს, მე - ჩემი. დიდები მთლიანად მამაზე არიან გადასულები, რაც პატარები გაჩნდნენ. მამას დაჰყავს აქეთ-იქით. ღამე ერთად ვუმკლავდებით ჩვენს ტყუპებს. ასე ვანაწილებთ დროს.

ასე ვიზრდებით ერთად და მხიარულად ვართ მთელი ოჯახი,“ - თავისი დიდი ოჯახის შესახებ ანი დავითინაძემ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

წაიკითხეთ სრულად