Baby Bag

„მთავარი ის არ არის, როგორ გამოიყურები, არამედ, შინაგანად როგორ გრძნობ თავს“ - ნუკი 15 წლის ასაკში გადაღებულ ფოტოს აქვეყნებს

„მთავარი ის არ არის, როგორ გამოიყურები, არამედ, შინაგანად როგორ გრძნობ თავს“ - ნუკი 15 წლის ასაკში გადაღებულ ფოტოს აქვეყნებს

ნუკი კოშკელიშვილი ინსტაგრამზე ორი ფოტოს აქვეყნებს - ერთი 15 წლის ასაკშია გადაღებული, მეორე კი - ახლა. როგორც მოდელი აღნიშნავს, მოზარდობისას სულ ჰქონდა წონის პრობლემა, თუმცა საკმაოდ თავდაჯერებული იყო და ბევრი თაყვანისმცემელიც ჰყავდა განსხვავებით უკვე გაზრდილი ნუკისგან, რომელიც სილამაზის მიუხედავად, არც ისე თავდაჯერებული გახლდათ.

მარცხენა ფოტოზე, იმ დროს ვიყავი დარწმუნებული, რომ ვარ ძალიან ლამაზი!!!! მართლა ასე ვხედავდი ჩემს თავს და იმდენი თაყვანისმცემელი მყავდა, მახსოვს, ყველგან, სადაც მივდიოდი და ვიცნობდი ახალ ბავშვებს, მიხსნიდნენ სიყვარულს და ხან ვინ მიგზავნიდა ყვავილებს, ხან ვინ მიწერდა ფანჯრებთან მიყვარხარ.. მოკლედ, ვინც მომწონდა ყველა მპასუხობდა ჩემს გრძნობებს. აი, მარჯვენა ფოტოში კი, არ ვიყავი ასეთი თავდაჯერებული, ერთი ბიჭი მომწონდა და ზედ არ მაფურთხებდა, მერე ცოლი მოიყვანა და კინაღამ გადავყევი ისე ვინერვიულე... და საერთოდ რამდენჯერაც ვცადე ურთიერთობის დაწყება, იმდენჯერ ყველაფერი ცალმხრივი სიმპატიით დამთავრდა (ჩემი მხრიდან სიმპატიით). ამით რისი თქმა მინდა იცით? მთავარი ის არ არის როგორ გამოიყურები, მთავარია, შინაგანად როგორ გრძნობ თავს, აი ხარ თუ არა ბედნიერი, გჯერა თუ არა შენი თავის.. ადამიანებს იზიდავს პოზიტივი, ისევე როგორც წარმატება მოდის მშრომელთან და თავდაჯერებულთან. მოკლედ, უნდა გვჯეროდეს საკუთარი თავის და მოგვწონდეს ჩვენი თავი, სტანდარტები და პარამეტრები უბრალოდ გარეკანია, მთავარია შინაარსი. არასდროს არ გიფიქრიათ იმაზე, ვიღაც რომ მოგწონს და მაინც და მაინც იმას არ მოწონხარ ამ დროს მილიონი „სხვა პაკლონიკი გყავს“, იცით რატომ? იმასთან, ვინც მოგვწონს ვნერვიულობთ და ვდარდობთ და ვკარგავთ თავდაჯერებულობას და ვინც არ მოგვწონს, იმასთან - არა,“ - წერს ნუკი ფოტოს ქვეშ განთავსებულ პოსტში.

შეიძლება დაინტერესდეთ

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

ენდოკრინოლოგ-ნუტრიციოლოგმა ნაია ლატარიამ ჩიყვის გამომწვევ მიზეზებსა და დაავადების მიმდინარეობის თავისებურებებზე ისაუბრა. მან აღნიშნა, რომ ჩიყვს უმეტესად უსიმპტომო მიმდინარეობა აქვს:

„ჩიყვი არის ფარისებრი ჯირკვლის მოცულობაში გაზრდა. ასევე ჩიყვი არის, თუ ნორმალური მოცულობის პირობებში ფარისებრ ჯირკვალში წარმოიქმნა კვანძოვანი ჩანართები. შეიძლება ეს კვანძები სხვადასხვა ზომის იყოს. დიფუზური და კვანძოვანი ჩიყვი ძირითად შემთხვევებში უსიმპტომოდ მიმდინარეობს. სიმპტომები გამოვლინდება იმ შემთხვევაში, თუ მოცულობაში ძალიან გაიზარდა ფარისებრი ჯირკვალი. თუ კვანძები გაიზარდა ზომაში, შეიძლება მოხრჩობის შეგრძნებამ შეაწუხოს ადამიანი, ყლაპვის გაძნელებამ. ​ზოგიერთ თანმხლებ დაავადებას ასევე ტკივილის სინდრომიც ახასიათებს. სხვა შემთხვევაში, როგორც წესი უსიმპტომოდ მიმდინარეობს და შემთხვევით ხდება აღმოჩენა.“

ნაია ლატარიას თქმით, კვანძოვანი წარმონაქმნები ფარისებრი ჯირკვლის ფუნქციურ ცვლილებებსაც იწვევს:

„კვანძოვან წარმონაქმნებს ფუნქციური ცვლილებაც ახლავს ფარისებრი ჯირკვლის, ​როდესაც ჰორმონების დონე არის შეცვლილი. სიმპტომები, როგორებიც არის უძილობა, თავის ტკივილი, საერთო სისუსტე, ადვილად დაღლა, წონაში მატება, კლება, ეს ყველაფერი უკვე ფუნქციურ დარღვევებს ახასიათებს. ფარისებრი ჯირკვლის და კვანძის წარმოქმნის ყველაზე ხშირი მიზეზი არის იოდის დეფიციტი ან აუტოიმუნური პროცესები, როდესაც ფარისებს ჯირკვალს იმუნური სისტემა ებრძვის. იოდდეფიციტით გამოწვეული ჩიყვის შემთხვევაში, ეს არ ნიშნავს იმას, რომ პაციენტს შემდგომ იოდის პრეპარატები უნდა მივცეთ და ამით დავიწყოთ მკურნალობა.“

„ფარისებრი ჯირკვლის კვანძების 90 % კეთილთვისებიანია. 10 % შემთხვევაში ისინი შეიძლება იყვნენ ავთვისებიანი. ერთ-ერთი გზა ამის დასადგენად არის ბიოფსიური კვლევა. თუ კვანძები არის კეთილთვისებიანი, მედიკამენტოზური თერაპია არ ინიშნება. ინიშნება მხოლოდ დინამიკაში დაკვირვება. ​თუ კვანძები არის ავთვისებიანი, მაშინ ქირურგიულად უნდა მოხდეს მათი მოშორება. ავთვისებიანი კვანძებიც ფარისებრი ჯირკვლის შემთხვევაში საიმედო პროგნოზით ხასიათდება და მკურნალობას ადვილად ექვემდებარება,“- აღნიშნულ საკითხებზე ნაია ლატარიამ ტელეკომპანია „რუსთავი 2“ - ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

წაიკითხეთ სრულად