Baby Bag

თუ გსურთ, რომ პატარას მაგარი ძვლები, განვითარებული კუნთები და კარგი იმუნიტეტი ჰქონდეს, შეიტანეთ მის საკვებ რაციონში ისპანახი 6-7 თვიდან

თუ გსურთ, რომ პატარას მაგარი ძვლები, განვითარებული კუნთები და კარგი იმუნიტეტი ჰქონდეს, შეიტანეთ მის საკვებ რაციონში ისპანახი 6-7 თვიდან
რატომ არის სასარგებლო ისპანახი და რომელი თვიდან შევთავაზოთ ის პატარებს - ამის შესახებ პედიატრი თამარ ობგაიძე ​საუბრობს. გთავაზობთ მის ნათქვამს სიტყვა-სიტყვით:
„წარმოიდგინეთ, რომ გადაწყვიტეთ ძალიან სასარგებლო პროდუქტის შექმნა - აიღეთ ბავშვის ზრდისათვის საჭირო ყველა ვიტამინი, მინერალი, ანტიოქსიდანტი, ამინომჟავა და შეაერთეთ. თქვენ ისპანახს მიიღებთ!
აზიური მწვანე ფოთლოვანი ბოსტნეული სპარსელთა სუფრიდან აბრემუშიმის დიდი გზით ჯერ ჩინეთში, შემდეგ კი შუა საუკუნეებში ევროპაში მოხვდა. განსაკუთრებით პოპულარული იყო იტალიაში, ფრანგებს მისი სიყვარული იტალიელი ეკატერინე მედიჩისაგან გადაედოთ.
რატომ უნდა გვიყვარდეს ისპანახი:

ის შეიცავს ყველა აუცილებელ ვიტამინს - A, C, B ჯგუფის, E, K ვიტამინები ისპანახში დიდი რაოდენობითაა წარმოდგენილი. ამასთანავე A ვიტამინის შემცველობით ის მხოლოდ სტაფილოს ჩამოუვარდება.
ისპანახის შემადგენლობაშია დიდი რაოდენობით რკინა, მაგნიუმი, ფოსფორი, მაგნიუმი, კალციუმი, კალიუმი, ნატრიუმი. აღსანიშნავია, რომ 100 გრ ისპანახის მიღებისას რკინის დღიური რაოდენობის ¼ მიიღებთ.
შეიცავს დიდი რაოდენობით უჯრედისს
წარმოადგენს ცილის საუკეთესო წყაროს. ცილების შემცვლეობით მხოლოდ ბარდას ჩამოუვარდება.
შეიცავს ზეაქსანტინს, რაც დადებითად მოქმედებს მხედველობაზე.
შეიცავს ლუთეინს, რაც მონაწილეობს იმუნიტეტის ფორმირებაში ვიტამინებთან და მინერალებთან ერთად.
ისპანახის შემადგენლობაში არსებული ანტიოქსიდანტები იცავენ უჯრედებს თავისუფალი რადიკალების მავნე ზემოქმედებისაგან, შედეგად, ონკოლოგიური დაავადებებისაგან.
ამიტომ თუ თქვენ გსურთ, რომ პატარას ჰქონდეს მაგარი ძვლები, განვითარებული კუნთები, კარგი იმუნიტეტი, არ ჰქონდეს ანემია, ყაბზობა, აუცილებლად შეიტანეთ მის საკვებ რაციონში ისპანახი 6-7 თვიდან.
რა უნდა გვახსოვდეს ისპანახის მომზადებისას

არ შეინახოთ ისპანახის ფოთლები მაცივარში 2-3 დღეზე მეტხანს
არ ხარშოთ დიდხანს, ამ დროს მასში შემავალი სასარგებლო ნივთიერებების დიდი ნაწილი დაიშლება. საკმარისია ხარშვა 5-7 წუთის მანძილზე, შემდეგ კი გადაავლეთ ცივი წყალი.
თუ ისპანახს სხვა ბოსტნეულთან ერთად ხარშავთ, ის სულ ბოლოს უნდა მოათავსოთ ქვაბში, როცა ბოსტნეული უკვე პრაქტიკულად მოხარშულია.
გაითვალისწინეთ, რომ ისპანახი შეიცავს მჟაუნმჟავას, ამიტომ ამიტომ მისი ნეიტრალიზაციისათვის სჯობს ბოსტნეულის პიურეს რძე დავუმატოთ.
ამავე მიზეზით ისპანახი არ უნდა შესთავაზოთ ბავშვს, რომელსაც შარდში ოქსლატები ანუ მჟაუნმჟავას მარილები აქვს.

გაითვალისწინეთ, რომ ისპანახი აქტიურად ირთავს პესტიციდებს, ამიტომ ყოველთვის ეცადეთ შეიძინოთ ორგანული პროდუქტი“, - წერის პედიატრი თამარ ობგაიძე.

შეიძლება დაინტერესდეთ

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

რატომ უნდა ამოიღოს მშობელმა კატეგორიულად შვილის კვების რაციონიდან შაქარი და რა უარყოფით შედეგებამდე შეიძლება, მიიყვანოს მოზარდი ტკბილეულისკენ მიდრეკილებამ - ამის შესახებ ,,რადიო ფორტუნასთან" საუბრისას პედიატრმა, ანა მაღრაძემ განმარტა.

,,ტერმინი ,,გასინჯვა" უკვე არასწორია, რადგან ბავშვთა კვება არის ერთ-ერთი მთავარი და უმნიშვნელოვანესი საფეხური ჩვენთვის, პედიატრებისთვის და ბავშვებისთვის. სწორედ  სწორ კვებას ეფუძნება ბავშვის ჯანმრთელობა, მისი სწორი ფიზიუკრი და გონებრივი განვითარება. შესაბამისად, ნებისმიერი საკვები ინგრედიენტი ბავშვის კვების რაციონში შეგვაქვს გარკვეული ასაკობრივი კატეგორიის მიხედვით.

მაწონი არის ძალიან სასარგებლო და უნიკალური პროდუქტი, რაც ქართველებს გვაქვს. თუმცა, მისი ადრეული ასაკიდანვე დაწყება, რა თქმა უნდა, ბავშვისთვის არასასურველია. ეს არის ცოცხალი პროდუქტი, რომელიც შეიცავს ისეთ ბაქტერიებს, რომლებიც ჩვენს ნაწლავურ მიკროფლორაში იწვევენ დუღილის პროცესს. მისი გადადამუშავებელი ფრმენტები ერთ წლამდე ასაკის ბავშვებს, ფაქტობრივად, არ აქვთ. 

პირველი კვება, როგორც წესი, იწყება ან მარცვლეულის ფაფით ან, გამონაკლის შემთხვევებში, ბოსტნეულის პიურით. რა თქმა უნდა, შემდგომ უკვე ვამატებთ ხილს, ოღონდ ყველაფერი ერთად, ცხადია, არ უნდა შევიტანოთ ბავშვის საკვებ მენიუში, არამედ - სათითაოდ, მინიმუმ, რამდენიმეკვირიანი ინტერვალებით.  თვითონ მარცვლეულის ფაფასაც ვაძლევთ სათითაოდ, სხვადასხვა სახეობას, რათა, აუტანლობის ან ალერგიის შემთხვევაში, მარტივად შევძლოთ დიფერენცირება.

ფაფების დატკბობა არავითარ შემთხვევაში არ შეიძლება. ზოგადად, შაქარი და მარილი არის ორი ყველაზე მავნე პროდუქტი, რაც კაცობრიობას გააჩნია. მშობლებს კატეგორიულად ვაფრთხილებ ხოლმე, მინიმუმ 5 წლამდე ბავშვმა საერთოდ არც კი უნდა იცოდეს, რა არის ტკბილეული. ვაძლევთ მხოლოდ მარცვეულის ფაფას, თავიდან - ურძეოს და შემდგომ, ნელ-ნელა შემოგვაქვს რძიანი. არანაირი შაქრის დანამატი არც ფაფაში და არც შემდეგ სხვა საკვებში არ უნდა იყოს. ორ წლამდე ტკბილეულს კატეგორიულად ვკრძალავთ. შაქრის რაოდენობა, რაც საკვებ რაციონში უნდა შედიოდეს, არის 30, მაქსიმუმ 40 გრამი. ამაზე მეტი შაქარი არ უნდა მიიღოს ბავშვმა, ის არანაირ ტკბილეულს არ უნდა იღებდეს - არანაირ ტკბილ სითხეს, არანაირ ტკბილ საკვებს. მათ შორის, ოჯახში გამომცხვარი ორცხობილებიც არ უნდა შეიცავდეს შაქარს. არომატისთვის ხშრად ვურჩევ ხოლმე, გამოიყენონ ცოცხალი ხილი. 

შაქარი, ზოგადად, ძალიან ბევრ რაიმეს აზიანებს. ის ორგანიზმში არღვევს მეტაბოლიზმს, იწყება ინსულინალური აპარატის გადატვირთვა, გამოფიტვა, რაც განაპირობებს დიაბეტს, ბავშვობის ასაკში შეიძლება - იყოს სიმსუქნის წინაპირობა, ბავშვთა ასაკში განვითარებული ჭარბი წონა მოზრდილ ასაკში სწორედ დიაბეტის განვითარების პირობებს ქმნის", - აღნიშნავს ანა მაღრაძე.


წყარო: ,,​რადიო ფორტუნა"

წაიკითხეთ სრულად