Baby Bag

9-10 სექტემბერს მასწავლებლებისთვის ტრენინგი ჩატარდება

9-10 სექტემბერს მასწავლებლებისთვის ტრენინგი ჩატარდება
მასწავლებლები
9-10 სექტემბერს მათემატიკის მასწავლებლებისთვის ​ტრენინგი ჩატარდება. ტრენინგის ხანგრძლივობაა 2 დღე. 
სარეგისტრაციო ფორმა იხილეთ ​აქ. 

ძირითადი საკითხები:

• მათემატიკური საკითხების სწავლების დაგეგმვის სქემები დიფერენცირების ელემენტებით;

• მათემატიკის გაკვეთილის/აქტივობის დაგეგმვის სქემა სამფაზიანი მოდელის მიხედვით;

• ტიპური შეცდომები მათემატიკური საკითხების სწავლებისას და დაგეგმვისას;

• მათემატიკური თამაშის ნიმუშები;

• დიფერენცირებული მათემატიკური თამაშები;

• განმავითარებელი შეფასების ტიპები: აღწერითი და შეფასებითი;

• განმავითარებელი შეფასების ინსტრუმენტების გაცნობა და გამოყენება მოსწავლეთა შედეგების გაუმჯობესებისათვის;

• მათემატიკის სწავლების კონსტრუქტივისტული და ინტერაქტიული მიდგომები;

• მათემატიკის გაკვეთილის სამფაზიანი მოდელი-განხილვა, დაგეგმვა, შეფასება;

• G-PriEd-ის საგანმანათლებლო პორტალის kargiskola.ge გაცნობა/რეგისტრაცია;

• პროექტი „ატრაქციონების პარკის მათემატიკა“.

ტრენინგის ღირებულება 90 ლარი. 
განათლება #მასწავლებელი #სკოლა #ტრენინგები

შეიძლება დაინტერესდეთ

მასწავლებლები

„ის მასწავლებლები, რომლებიც 18 საათზე მეტს ჩაატარებენ, დამატებით მიიღებენ საათობრივ დანამატს“ - მიხეილ ბატიაშვილი განხორციელებულ ცვლილებებზე

„ის მასწავლებლები, რომლებიც 18 საათზე მეტს ჩაატარებენ, დამატებით მიიღებენ საათობრივ დანამატს“ - მიხეილ ბატიაშვილი განხორციელებულ ცვლილებებზე

განათლების, მეცნიერების, კულტურისა და სპორტის მინისტრმა მიხეილ ბატიაშვილმა, რომელიც სისტემაში ახლადშესულ პედაგოგებს შეხვდა, რეფორმის ფარგლებში მასწავლებლის პრესტიჟის ამაღლებაზე, პედაგოგის პროფესიის პოპულარიზაციისა და მასწავლებლის დაფასების მიმართულებით გადადგმული ნაბიჯების პირველი შედეგებზე ისაუბრა. 

მინისტრის თქმით, მასწავლებელთა ხელფასების ზრდის პარალელურად, სკოლაში უნდა წახალისდეს მასწავლებლის მიერ სკოლის ფარგლებში მოსწავლეებთან და სასკოლო გარემოში მეტი საგაკვეთილო და არასაგაკვეთილო საათების გატარება, რათა ხელი შეეწყოს ყველა მოსწავლისათვის მაღალი ხარისხის განათლების მიღების შესაძლებლობას.

„რეფორმის ფარგლებში იდგმება ისეთი ნაბიჯები, რის შედეგადაც მინიმუმამდე იქნება დაყვანილი ქალაქსა და სოფლის მოსწავლეებს შორის აკადემიურ მიღწევებში განსხვავებები. ყველა სკოლას ეყოლება მოტივირებული, კვალიფიციური, მაღალი სოციალური სტატუსის, დაფასებული მასწავლებელი. 2019-2020 სასწავლო წლის დასაწყისში სწორედ ამისათვის განხორციელდა სახელფასო მატება და შედეგად, სრულ განაკვეთზე უფროსი მასწავლებლის საშუალო ხელფასმა 1011 ლარი, წამყვანი მასწავლებლის 1417 ლარი, ხოლო მენტორი მასწავლებლის 1745 ლარი გახდა. ხელფასი ასევე მოემატათ იმ მასწავლებლებს, რომლებიც არ ასწავლიან სრულ განაკვეთზე და ამ მატებამ საშუალოდ100 ლარი შეადგინა. ცვლილება შევიდა მასწავლებელთა საათობრივი დაანგარიშების წესში და ის მასწავლებლები, რომლებიც 18 საათზე მეტს ჩაატარებენ, დამატებით მიიღებენ საათობრივ დანამატს საშუალოდ 30 ლარის ოდენობით. 6400-ზე მეტმა მასწავლებელმა საქართველოს მასშტაბით, სახელმწიფოს მიერ შეთავაზებული ორი წლის ხელფასის ოდენობის სახელმწიფო ჯილდო მიიღო. აღნიშნული პრივილეგიით სარგებლობის უფლება 2019 წლის ბოლომდე ნებისმიერ პრაქტიკოს საპენსიო ასაკს მიღწეულ მასწავლებელს აქვს,“ - განაცხადა მინისტრმა, რომელმაც ხაზი გაუსვა, რომ წინა სასწავლო წელთან შედარებით სულ მცირე 16%-ით გაიზარდა სრულ ან სრულზე მეტ განაკვეთზე მყოფი მასწავლებლების რაოდენობა. პედაგოგის საშუალო საგაკვეთილო დატვირთვამ 2018-2019 წელს - 15 საათი, ხოლო 2019-2020 სასწავლო წელს - 17 საათი შეადგინა.

წაიკითხეთ სრულად
გასათიშად დააჭირეთ ESC.