მასწავლებლის სახლი პედაგოგებისთვის ტრენინგებს აცხადებს

განათლება

სახელმწიფომ განათლების მიმართულებით უპრეცედენტო მასშტაბის რეფორმების განხორციელება დაიწყო

5 წლის წინ

პრემიერ-მინისტრობის კანდიდატთან მარიამ ჯაში საბავშვო ბაღების თანამშრომლების შრომითი პირობების გაუმჯობესების საკითხს აყენებს. 

განათლების, მეცნიერებისა და კულტურის კომიტეტის თავმჯდომარემ მარიამ ჯაშმა კითხვით მიმართა საქართველოს პრემიერ-მინისტრობის კანდიდატს გიორგი გახარიას, თუ როგორია მისი ხედვა განათლების სისტემაში მიმდინარე მასშტაბური რეფორმის შემოდგომ განხორციელებასთან დაკავშირებით.

კომიტეტის თავმჯდომარემ აღნიშნა, რომ სახელმწიფომ დაიწყო უპრეცედენტო მასშტაბის რეფორმების განხორციელება განათლების მიმართულებით, როგორც ადამიანური კაპიტალის განვითარების, ასევე შრომითი უფლებების გაუმჯობესების კუთხით. მან ასევე ხაზი გაუსვა განათლების სექტორში დაფინანსების მნიშვნელოვნად გაზრდის გეგმებს, რომელთა მიხედვითაც 2022 წლიდან მთლიანი შიდა პროდუქტის 6% და სახელმწიფო ბიუჯეტის 25% მიმართული იქნება სწორედ განათლების რეფორმებისა და პროგრამების მხარდასაჭერად.

მარიამ ჯაშის შეფასებით ეს არის ისტორიული გადაწყვეტილება, რომელსაც სხვადასხვა მუნიციპალიტეტში გამართული შეხვედრების ფორმატში დადებითი გამოხმაურება აქვს როგორც აკადემიური და პედაგოგიური კორპუსის წარმომადგენლებში, ასევე ფართო საზოგადოებაში.

კომიტეტის თავმჯდომარემ ასევე აღნიშნა, რომ სხვადასხვა ქალაქსა თუ სოფელში შეხვედრებისას გამოიკვეთა ჩვენი საზოგადოების მოლოდინი, რომ საბავშო ბაღებშიც, სკოლამდელი აღზრდის დაწესებულებებშიც გაუმჯობესდეს აღმზრდელებისა და თანამშრომლებისათვის შრომითი პირობები.

წაიკითხეთ სრულად