Baby Bag

მასწავლებლებისთვის ორდღიან სემინარზე რეგისტრაცია გამოცხადდა

მასწავლებლებისთვის ორდღიან სემინარზე რეგისტრაცია გამოცხადდა

გამოცხადდა რეგისტრაცია ორდღიან სემინარზე „ნატო - არჩევანი მშვიდობიანი და სტაბილური განვითარებისთვის".

„ნატოსა და ევროკავშირის შესახებ საინფორმაციო ცენტრის“ ორგანიზებით, საქართველოში ნატოს სამეკავშირეო ოფისის მხარდაჭერითა და მასწავლებელთა პროფესიული განვითარების ცენტრთან თანამშრომლობით უკვე მეშვიდე წელია ხორციელდება საგანმანათლებლო-შემეცნებითი სემინარი: „ნატო – არჩევანი მშვიდობიანი და სტაბილური განვითარებისთვის“.

პროექტის მიზანია მასწავლებლების ინფორმირება ნატოს მიზნებისა და ამოცანების, ნატო-საქართველოს თანამშრომლობის, საერთაშორისო მისიებში საქართველოს მონაწილეობისა და ევროატლანტიკური ინტეგრაციის მნიშვნელობის შესახებ.

სემინარი გაიმართება 2019 წლის 17-18 ოქტომბერს, თბილისში. სემინარს დაესწრება პირველი 10 მასწავლებელი თბილისის კერძო და საჯარო სკოლებიდან, რომლებიც გაივლიან რეგისტრაციას.

მოთხოვნები:

* მონაწილეობის მსურველს პედაგოგს აღნიშნულ პროექტში მონაწილეობა არ უნდა ჰქონდეს მიღებული;

* მონაწილეობის მსურველი პედაგოგი სასურველია ასწავლიდეს ისტორიას, სამოქალაქო განათლებას ან გეოგრაფიას;

* მონაწილეობის მსურველი უნდა იყოს თბილისის საჯარო ან კერძო სკოლის მასწავლებელი;

რეგისტრაციის ბოლო ვადა 13 ოქტომბერი.

რეგისტრაციისთვის ეწვიეთ ბმულს - „ნატო - არჩევანი მშვიდობიანი და სტაბილური განვითარებისთვის".


შეიძლება დაინტერესდეთ

პრაქტიკოსი მასწავლებლებისათვის საგნობრივი და პროფესიული კომპეტენციების დასადასტურებელი ტესტის ქულები სქემით გათვალისწინებული პროცენტების მიხედვით

პრაქტიკოსი მასწავლებლებისათვის საგნობრივი და პროფესიული კომპეტენციების დასადასტურებელი ტესტის ქულები სქემით გათვალისწინებული პროცენტების მიხედვით

მასწავლებლობის მსურველებმა კომპეტენციის დასადატურებლად გამოცდაზე ​60%-ზე მეტი უნდა დააგროვონ, ხოლო პრაქტიკოსი პედაგოგებისთვის კრედიტების დაგროვების სისტემა მოქმედებს.

როგორც მასწავლებლის სახლში განგვიმარტეს, პრაქტიკოსი მასწავლებლებისათვის საგნობრივი და პროფესიული კომპეტენციების დასადასტურებელი ტესტის ქულები სქემით გათვალისწინებული პროცენტების მიხედვით იგივეა, რაც ​2018 წელს იყო.

პრაქტიკოსი მასწავლებლები გამოცდაზე მიღებული ქულების შესაბამისად აგროვებენ 1, 4, 7 და 10 კრედიტქულას.

1 კრედიტის მოსაპოვებლად საჭიროა ქულათა 31%-დან 41%-მდე მიღება;

4 კრედიტის მოსაპოვებლად საჭიროა ქულათა 41%-დან 51%-მდე მიღება;

7 კრედიტის მოსაპოვებლად საჭიროა ქულათა 51%-დან 61%-მდე მიღება;

10 კრედიტის მოსაპოვებლად საჭიროა ქულათა 61%-დან და მეტის მიღება.

პროცენტების გადანაწილება ქულებში საგნების მიხედვით იხილეთ ქვემოთ მოცემულ ცხრილში:


წაიკითხეთ სრულად