Baby Bag

მასწავლებლებისთვის უფასო სემინარზე რეგისტრაცია გამოცხადდა

მასწავლებლებისთვის უფასო სემინარზე რეგისტრაცია გამოცხადდა
საქართველოს უნივერსიტეტი G-PriEd-ული მოდელის გაცნობის მიზნით, რეგიონში მცხოვრები პედაგოგებისთვის სემინარს ჩაატარებს.

სემინარის მიზანი პედაგოგებისთვის სწავლების ინოვაციური მეთოდების გაზიარება და მათი პრაქტიკაში დანერგვაა.

სემინარი შემდეგ საკითხებს მოიცავს:

  • სწავლების სამფაზიანი მოდელი
  • დიფერენცირებული სწავლება
  • სხვადასხვა ტიპის ტექტების გაგება-გააზრება
  • კითხვის უნარის შეფასება


სემინარში მონაწილეობა შეუძლიათ საბაზო და საშუალო საფეხურის ქართული ენისა და მათემატიკის მასწავლებლებს და ასევე სხვა მიმართულების პედაგოგებს, ვისაც აღნიშნული მოდელის სემინარები აინტერესებთ.

აღნიშნულ სემინარზე დასწრება უფასოა.

რეგისტრაცია შეგიძლიათ გაიაროთ ბმულზე - ​სემინარზე რეგისტრაცია. 

სემინარის გავლის შემდეგ, ყველა მონაწილეს გადაეცემა სერტიფიკატი.

დეტალები იხილეთ ​აქ.​


შეიძლება დაინტერესდეთ

რესურსცენტრებისა და ზოგადსაგანმანათლებლო დაწესებულებების საყურადღებოდ!!! - განათლების სამინისტრომ ბრძანება გამოაქვეყნა

რესურსცენტრებისა და ზოგადსაგანმანათლებლო დაწესებულებების საყურადღებოდ!!!  -  განათლების სამინისტრომ ბრძანება გამოაქვეყნა

​​მე-12 კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდის ჩატარების და ექსტერნად რეგისტრაციის ვადის დადგენის შესახებ საქართველოს განათლების, მეცნიერების, კულტურისა და სპორტის მინისტრის ბრძანება გამოაქვეყნა. ბრძანებას განათლების მინისტრი მიხეილ ჩხენკელი აწერს ხელს.

​ბრძანების თანახმად, 

1. მე-12 კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის: 

ა) გამოცდაზე ექსტერნად რეგისტრაციის ვადა დადგინდეს 2020 წლის 23 ივლისიდან 2020 წლის 24 ივლისის ჩათვლით; 

ბ) გამოცდის ჩატარების ვადა დადგინდეს 2020 წლის 30 ივლისიდან 2020 წლის 07 აგვისტოს ჩათვლით. 

2. დაევალოს საქართველოს განათლების, მეცნიერების, კულტურისა და სპორტის სამინისტროს ადმინისტრაციას (დეპარტამენტს) ამ ბრძანების გაცნობა საქართველოს განათლების, მეცნიერების, კულტურისა და სპორტის სამინისტროს ტერიტორიული ორგანოების - საგანმანათლებლო რესურსცენტრებისათვის და ზოგადსაგანმანათლებლო დაწესებულებებისათვის; 

3. დაევალოს საქართველოს განათლების, მეცნიერების, კულტურისა და სპორტის სამინისტროს სტრატეგიული კომუნიკაციის დეპარტამენტს ამ ბრძანების გამოქვეყნება საქართველოს განათლების, მეცნიერების, კულტურისა და სპორტის სამინისტროს ოფიციალურ ვებგვერდზე; 

4. ბრძანება ძალაშია ხელმოწერისთანავე; 

5. ბრძანება შეიძლება გასაჩივრდეს მისი გამოცემიდან ერთი თვის ვადაში თბილისის საქალაქო სასამართლოში (მის.: ქ. თბილისი, აღმაშენებლის ხეივანი მე-12 კმ., N6)

წაიკითხეთ სრულად